Viral video: మృగరాజును హడలెత్తించిన కుక్క.. దాని ధైర్యానికి హ్యాట్సాఫ్ చెప్పాల్సిందే..

అడవికి రాజు సింహం. అడవిలోనే కాదు పల్లెల్లో కూడా సింహం రాజులా ఉంటుంది. సింహంపై దాడి చేసి ఓడించడం ఎవరికీ అంత తేలికైన పని కాదు. కొన్ని సార్లు సింహాలు జనావాసంలోకి వచ్చి హడలెత్తిస్తుంటాయి. తాజాగా అలంటి వీడియోనే సోషల్ మీడియాలో వైరల్ అవుతోంది. రోడ్డుపై నడిచే సింహాలను చూడాలంటే గుజరాత్ వెళ్లాల్సిందే అంటున్నారు నెటిజన్స్. సింహం నుండి పశువుల మందను రక్షించే కుక్కకు సంబంధించిన వీడియో ఇది. ఈ వీడియోను ట్విటర్‌ హ్యాండిల్‌ సీసీటీవీ ఇడియట్‌ పోస్ట్‌ చేసింది.  ఇళ్ల మధ్య ఇరుకైన దారిలో పరుగెత్తుతున్న పశువుల మందను మనం చూడొచ్చు. అలాగే ఈ పశువుల మందను నడుపుతున్న కుక్క కనిపిస్తుంది.

ఈ వైరల్ వీడియోలో ఒక కుక్క ఆవుల మందకు కాపలాగా ఉంది. రాత్రి సమయం కావడంతో రోడ్ల పైన ఎవ్వరూ లేరు. ఇంతలో ఒక సింహం ఆ ఆవుల మంద పై దాడి చేయడానికి ప్రయతించింది. అది గమనించిన కుక్క ఆవుల మందను హెచ్చరిస్తూ వాటిని తరిమింది. సింహానికి భయపడకుండా ఆ కుక్క ఆవులను కాపాడేందుకు ప్రయత్నించింది.

ఇప్పుడు ఈ వీడియో సోషల్ మీడియాలో తెగ వైరల్ అవుతోంది. ఈ దృశ్యం గుజరాత్‌లోని గిర్నార్‌లో జరిగింది. ఈ వీడియో పై నెటిజెన్స్ రకరకాల కామెంట్స్ చేస్తున్నారు.  గుజరాత్‌లో సింహాలను బెదరగొట్టే వీధికుక్కలు కూడా ఉన్నాయి అని కామెంట్స్ చేస్తున్నారు పలువురు. గుజరాత్‌కు చెందిన ఇలాంటి వీడియోలు సోషల్ మీడియాలో తరచూ వైరల్ అవుతుంటాయి.

Camera catches a brave dog leading the herd from a lion pic.twitter.com/cgxSmX2ZXS

— CCTV IDIOTS (@cctvidiots) April 19, 2023