Viral: స్కూల్లోని విలువైన వస్తువులు దోచేసిన దొంగలు.. వెళ్తూ.. వెళ్తూ క్లాస్ రూమ్స్‌లోని బ్లాక్ బోర్డులపై…

Trending: ఈ మధ్య దొంగలు విచిత్రంగా తయారయ్యారు. చోరికి వచ్చి తుంటరి పనులు చేస్తున్నారు. విచిత్రమైన పనులతో పోలీసులకు సవాల్ విసురుతున్నారు. తాజాగా ఒడిశా(Odisha)లోని నవరంగ్​పుర్(Nabarangpur)​లో దొంగలు తమ చేతివాటం చూపించారు. శుక్రవారం జగన్నాథుని రథయాత్ర సందర్భంగా సెలవు ఉన్న నేపథ్యంలో నవరంగ్​పుర్​ స్కూల్‌ను టార్గెట్ చేశారు. కంప్యూటర్లు, జిరాక్స్​ మెషీన్లు, సౌండ్​ బాక్సులు ఎత్తుకెళ్లిపోయారు. అయితే పోతూ.. పోతూ క్లాస్ రూమ్స్‌లోని బ్లాక్ బోర్డుపై.. ‘ధూమ్-4 త్వరలోనే రాబోతుంది’ అంటూ రాసివెళ్లారు. శనివారం ఉదయాన్నే స్కూలుకు వచ్చిన స్టాఫ్, టీచర్స్ వస్తువులు చోరీ అయినట్లు గుర్తించారు. ఆ తర్వాత బ్లాక్​బోర్డులపై దొంగలు రాసింది చూసి స్టన్ అయ్యారు. దీంతో స్కూల్ యాజమాన్యం ఖతీగూడ పోలీస్​స్టేషన్‌లో ఫిర్యాదు చేసింది. కేసు నమోదు చేసుకున్న ఖతీగూడ పోలీసులు.. డాగ్​ స్క్వాడ్​ సహాయంతో దర్యాప్తు చేపడుతున్నారు. దగ్గర్లోని సీసీ కెమెరాల్లోని విజువల్స్ పరిశీలిస్తున్నారు. దొంగలు ఎత్తుకెళ్లిన కంప్యూటర్లలో విద్యార్థులకు సంబంధించిన అన్ని వివరాలు, ఎగ్జామ్ పేపర్స్, పాఠశాల సమాచారం ఉందని ప్రిన్సిపల్​ తెలిపారు.

మరిన్ని జాతీయ వార్తలు చదవండి..