Viral Video: ఇంకా వదలని పుష్ప ఫీవర్.. రెజ్లింగ్ రింగ్లో కూడా డైలాగ్ హల్చల్.. వైరల్ అవుతోన్న వీడియో..
Viral Video: గతేడాది డిసెంబర్లో విడుదలైన పుష్ప సినిమా ఒక్కసారిగా ఇండియన్ సినిమా ఇండస్ట్రీని తనవైపు తిప్పుకుంది. దేశ వ్యాప్తంగా విడుదలైన ఈ సినిమా బాక్సాఫీస్ ముందు వసూళ్ల వర్షం కురిపించింది. ఈ సినిమా వసూళ్ల...
Updated on: Jul 01, 2022 | 11:12 AM
Viral Video: గతేడాది డిసెంబర్లో విడుదలైన పుష్ప సినిమా ఒక్కసారిగా ఇండియన్ సినిమా ఇండస్ట్రీని తనవైపు తిప్పుకుంది. దేశ వ్యాప్తంగా విడుదలైన ఈ సినిమా బాక్సాఫీస్ ముందు వసూళ్ల వర్షం కురిపించింది. ఈ సినిమా వసూళ్ల విషయంలో ఎంతటి ఘన విజయాన్ని దక్కించుకుందో ఆ సినిమాలోని డైలాగ్ అదే స్థాయిలో ఆకట్టుకున్నాయి. ముఖ్యంగా హీరో అల్లు అర్జున్ (Allu Arjun) రాయలసీమ యాసలో మాట్లాడిన స్టైల్కు ప్రేక్షకులు ఫిదా అయ్యారు. కేవలం తెలుగులోనే కాకుండా హిందీతో పాటు ఇతర భాషల్లో కూడా డైలాగ్లు తెగ ఆకట్టుకున్నాయి. ‘తగ్గేదేలా’ ఒక్క డైలాగ్ ఇండియాను ఒక్కసారిగా షేక్ చేసింది.
అభిమానులు సోషల్ మీడియాలో ఈ డైలాగ్ రీల్స్తో హోరెత్తిచ్చారు. సామాన్యుల నుంచి సెలబ్రిటీల వరకు పుష్ప డైలాగ్స్కు రీల్స్ చేస్తూ హంగామా చేశారు. అయితే పుష్ప ఫీవర్ కేవలం రీల్స్కు మాత్రమే పరిమితం కాలేదు. స్టేడియంలలో క్రికెటర్లు, స్టేజ్ పై రాజకీయ నాయకుల వరకు పాకింది. పుష్ప సినిమాలోని ‘పుష్ప అంటే ఫ్లవర్ అనుకుంటివా.. ఫైర్’ అనే డైలాగ్లను రాజకీయనాయకులు సైతం వాడుకున్నారు. ఇదిలా ఉంటే తాజాగా పుష్ప డైలాగ్ ఫీచర్ మరో మెట్టెక్కింది. ఏకంగా రెజ్లింగ్ రింగ్పై కూడా తగ్గేదేలే మ్యానరిజం హంగామా చేసింది.
Icon StAAr #AlluArjun ‘s #ThaggedheLe Mannerism in ‘‘WWE’’
Unbelievable Reach #AlluArjun ?#PushpaTheRise || #Pushpa #PushpaRaj pic.twitter.com/8PgFQPuLPF
— MALLU ARJUN TRENDS (@MalluArjunTrend) June 30, 2022
ఇండియాకు చెందిన ప్రముఖ రెజ్లర్ సౌరవ్ గుజ్లర్ ఇటీవల ఈవెంట్కు హాజరయ్యాడు. ఈ సందర్భంగా ఆయన స్టేజ్పై ప్రత్యర్థిని ఓడించిన సందర్భంగా పుష్ప సినిమాలోని ‘తగ్గేదేలా’ మ్యానరిజాన్ని ఇమిటేట్ చేశాడు. దీంతో ప్రస్తుతం ఈ వీడియో నెట్టింట తెగ సందడి చేస్తోంది. ఓ సినిమా విడుదలై 6 నెలలు గడుస్తోన్నా ఆ సినిమా తాలుకు ఫీవర్ ఇంక తగ్గకపోవడం ఆ సినిమాకున్న క్రేజ్కు నిదర్శనమని బన్నీ ఫ్యాన్స్ తెగ సంబురపడుతున్నారు.
మరిన్ని ట్రెండింగ్ కథనాల కోసం క్లిక్ చేయండి..
