Driverless car: డ్రైవర్ లేకుండా రోడ్డుపై కారు..వెనుక సీట్లో యువకుడి ప్రయాణం..పోలీసులు ఏం చేశారంటే..

Driverless Car: టెస్లా కార్లు అద్భుతమైన టెక్నాలజీ అలాగే చక్కని భద్రతా లక్షణాలకు పెట్టింది పేరు. అంతేకాదు టెస్లా కార్లు అధునాతన ఆటోపైలట్, రిమోట్ డ్రైవింగ్ మోడ్ లలో కూడా ప్రసిద్ధి చెందాయి. ఈ విధానంతో కారును డ్రైవర్ లేకుండా కూడా నడపొచ్చు. నావిగేషన్ ఇచ్చి.. ఆటో పైలెట్ మోడ్ లో పెట్టి డ్రైవర్ హాయిగా తన పని తాను చేసుకోవచ్చు. కారు ఆటోమేటిగ్గా గమ్యం చేరిపోతుంది. ఇప్పుడు ఇటువంటి అధునాతన ఓ టెస్లా కారులో ఓ యువకుడు చేసిన పనికి అతని ఫోటో ఇంటర్నెట్ లో వైరల్ గా మారిపోయింది. ఈ ఫోటోలో టెస్లా కారులో ఉన్న ఒక వ్యక్తి వెనుక సీట్లో కూర్చున్నాడు. నవ్వుతూ ఉన్న ఆ వ్యక్తి కూచున్న కారు డ్రైవింగ్ సీట్ లో ఎవరూ లేరు. ఈ ఫోటో అలాగే దానితో పాటు వీడియోను కాలిఫోర్నియా హైవే పెట్రోల్ (సిహెచ్‌పి) లోని గోల్డెన్ గేట్ విభాగం సోషల్ మీడియాలో ఉంచింది. ఈ ఫోటోలో కనిపిస్తున్న కారులోని వ్యక్తి నిబంధనలు ఉల్లంఘించారని పేర్కొంది.

ఫేస్‌బుక్‌లో ఈ వీడియో వివరాలను పంచుకున్న సిహెచ్‌పి ఇది ‘అసాధారణ సంఘటన’ అని క్యాప్షన్ ఇచ్చింది. అదే కాకుండా “బే ఏరియా రోడ్డు మార్గాల్లో ప్రయాణిస్తున్న టెస్లా వెనుక సీట్లో ఒక వ్యక్తి ప్రయాణిస్తున్న సంఘటన గురించి కాలిఫోర్నియా హైవే పెట్రోల్ (సిహెచ్పి) కి తెలిసింది, డ్రైవర్ సీట్లో మరొక వ్యక్తి కూర్చోలేదు. ఈ సంఘటన యొక్క నివేదికను థర్డ్ హ్యాండ్ సమాచారంగా CHP అందుకుంది, ఇది దర్యాప్తులో ఉంది ”అని సిహెచ్‌పి ఫేస్‌బుక్‌లో పేర్కొంది.

ఆ పోస్ట్ ఇక్కడ మీరు చూడొచ్చు..

టెస్లా కార్లు స్వయంగా డ్రైవ్ చేయగలవు. అయితే, నిబంధనల ప్రకారం ఫంక్షన్‌ను ప్రారంభించడానికి డ్రైవర్ సీట్లో ఎవరైనా అవసరం. ఇది ఆటో-పైలట్ లోపాలను కలిగి ఉంటే డ్రైవర్‌ స్వాధీనం చేసుకోవడానికి అనుమతించే భద్రతా ప్రమాణంగా పరిగణించబడుతుంది. ఎవరైనా డ్రైవర్ సీట్లో కూర్చున్నప్పుడు మాత్రమే టెస్లా తమ కార్లలో ఆటోపైలట్ ఫీచర్‌ను ఉపయోగించమని సిఫారసు చేసింది. వారి వెబ్‌సైట్ స్పష్టంగా ‘ప్రస్తుత ఆటోపైలట్ లక్షణానికి క్రియాశీల డ్రైవర్ పర్యవేక్షణ అవసరం’ అని పేర్కొంది. “ప్రస్తుత ఆటోపైలట్ లక్షణాలకు క్రియాశీల డ్రైవర్ పర్యవేక్షణ అవసరం మరియు వాహనాన్ని స్వయంప్రతిపత్తి చేయవద్దు” అని వెబ్‌సైట్ లో స్పష్టంగా చెప్పారు.

Also Read: Viral video: సముద్రం అడుగున వ్యాయామం.. పాండిచ్చేరి యువకుని సాహసం… ( వీడియో )

Massive Alligator: నదిలో చేపలు పడుతున్న వ్యక్తి పైకి అకస్మాత్తుగా వచ్చిన భారీ మొసలి..తరువాత ఏం జరిగిందంటే..Viral Video