Viral Video: కదిలే వాహనంపై శక్తిమాన్లా ఫోజులిస్తూ, స్టంట్స్ చేశాడు.. సీన్ కట్చేస్తే.. ఊహించని షాక్..
ఈ వీడియో సోషల్ మీడియాలో వైరల్గా మారింది. దీంతో ఆ యువకుడి ప్రమాదకర విన్యాసాలపై నెటిజన్లు సైతం ఆగ్రహం వ్యక్తం చేస్తున్నారు. అతనిపై కఠిన చర్యలు తీసుకోవాలని..
Updated on: Jul 20, 2022 | 6:40 PM
వాహనాలపై భీకరంగా ఫోజులు కొట్టినా.. దూకుడుగా వ్యవహరించినా.. ఆ తర్వాత పశ్చాత్తాపం పడాల్సిందేనని పోలీసులు కోరుతున్నారు. ఇందుకోసం ఓ వీడియోను షేర్ చేసి మరీ ఇబ్బందులు తప్పవంటూ హెచ్చరిస్తున్నారు. ఈ వీడియోలో ఓ యువకుడు వాహనంపై ప్రమాదకరమైన విన్యాసాలు చేస్తున్న వీడియో సోషల్ మీడియాలో పోస్ట్ చేశారు. దీంతో ఇది నెట్టింట్లో తెగ వైరల్గా మారింది. ఉత్తరప్రదేశ్ పోలీసు ఆఫీసర్ శ్వేతా శ్రీవాస్తవ ఆదివారం ట్విట్టర్లో ఓ వీడియో పోస్ట్ చేశారు. అందులో ఓ యువకుడు చెత్త వాహనంలో శక్తిమాన్లాగా విన్యాసాలు చేస్తు్న్నట్లు చూడొచ్చు. కదులుతున్న చెత్త ట్రక్కుపై పుష్అప్లు కొట్టాడు. ఆ తరువాత వాహనంపై నిలబడి ఒక అడుగు ముందుకు వేశాడు. అయితే వాహనం ఒక్కసారిగా మలుపు తిప్పడంతో అదుపు తప్పి రోడ్డుపై పడ్డాడు. తీవ్రంగా గాయపడిన యువకుడి ఫొటోలను కూడా వీడియోలో చేర్చారు. ‘నిన్న రాత్రి (శనివారం) లక్నోలోని గోమతి నగర్లో ఓ దృశ్యం. శక్తిమాన్గా బిల్డప్లు ఇద్దామనుకున్నాడు. కానీ, అలా జరగలేదు. దయచేసి ఇలాంటి ప్రమాదకరమైన విన్యాసాలు చేయకండి” అంటూ అందులో పోలీసులు రాసుకొచ్చారు.
కాగా, ఈ వీడియో సోషల్ మీడియాలో వైరల్గా మారింది. దీంతో ఆ యువకుడి ప్రమాదకర విన్యాసాలపై నెటిజన్లు సైతం ఆగ్రహం వ్యక్తం చేస్తున్నారు. అతనిపై కఠిన చర్యలు తీసుకోవాలని, భారీ జరిమానా విధించాలని డిమాండ్ చేస్తున్నారు. మరోవైపు, తీవ్రంగా గాయపడిన యువకుడు లక్నోలోని ఆస్పత్రిలో చికిత్స పొందుతున్నాడు. దీంతో అతడిపై చర్యలు తీసుకునేందుకు పోలీసులు కూడా సిద్ధమవుతున్నారు.
गोमतीनगर, लखनऊ का कल रात का दृश्य-
बन रहे थे शक्तिमान, कुछ दिनों तक नहीं हो पाएंगे विराजमान!
चेतावनी: कृपया ऐसे जानलेवा स्टन्ट न करें! pic.twitter.com/vuc2961ClQ
— Shweta Srivastava (@CopShweta) July 17, 2022
మరిన్ని వైరల్ న్యూస్ కోసం ఇక్కడ క్లిక్ చేయండి..
