Viral: మార్కెట్లో అనుమానాస్పదంగా తిరుగుతోన్న నలుగురు మహిళలు.. విషయం ఆరా తీయగా స్థానికులకు షాక్.. చివరకు!
ఆ మహిళలు ఏదో తప్పు చేస్తున్నట్లు వారు గ్రహించి అసలు విషయం తెల్చాలని పోలీసులకు సమాచారం ఇచ్చారు. ఈ క్రమంలో దిమ్మతిరిగే విషయం వెలుగులోకి వచ్చించి.
Updated on: Jul 20, 2022 | 6:19 PM
Viral News: నలుగురు మహిళలు అనుమానాస్పద రీతిలో ఓ చోట కనిపించారు. మొదట వారిని ఎవరూ పెద్దగా పట్టించుకోలేదు. అక్కడే వారు పదే పదే కనిపించడంతో వారిపై స్థానికులకు అనుమానం కలిగింది. ఆ మహిళలు ఏదో తప్పు చేస్తున్నట్లు వారు గ్రహించి అసలు విషయం తెల్చాలని పోలీసులకు సమాచారం ఇచ్చారు. ఈ క్రమంలో దిమ్మతిరిగే విషయం వెలుగులోకి వచ్చించి. రంగంలోకి దిగిన పోలీసులకు.. ఆ మహిళల అసలు బండారం బయటపడింది. వారు డ్రగ్స్ను విక్రయించే కిలాడీ లేడి ముఠాగా తేలడంతో పోలీసులు విస్తుపోయారు. ఈ షాకింగ్ ఘటన దేశ రాజధాని ఢిల్లీలో చోటుచేసుకుంది. ద్వారకా పోలీసులు తెలిపిన వివరాల ప్రకారం.. ఢిల్లీలోని నజాఫ్గఢ్లోని ఇందిరా మార్కెట్ ప్రాంతంలో నలుగురు మహిళల తీరుపై అనుమానం వ్యక్తం చేస్తూ స్థానికులు పోలీసులకు సమాచారం ఇచ్చారు.
దీంతో రంగలోకి దిగిన పోలీసులు ఆ ప్రాంతంలో రోజూ అనుమానాస్పదంగా సంచరిస్తున్న నలుగురు మహిళలపై డేగకన్ను పెట్టారు. ఆ మహిళలు అక్రమంగా డ్రగ్స్, గంజాయిని విక్రయిస్తుండగా పోలీసులు రెడ్ హ్యాండెడ్ గా పట్టుకున్నారు. వారి దగ్గరున్న 6.5 కిలోల గంజాయిని స్వాధీనం చేసుకోన్నారు. నలుగురు మహిళలను అరెస్టు చేసి అక్రమ మాదక ద్రవ్య నిరోధక చట్టంలోని సెక్షన్ 8, 20 కింద కేసు నమోదు చేశారు. వీరి వెనుక ఉన్న మరో ప్రధాన సూత్రధారి కోసం పోలీసులు గాలిస్తున్నారు. పోలీసుల బారి నుంచి తప్పించుకునేందుకే ఆ ప్రధాన సూత్రధారి డ్రగ్స్ వ్యాపారానికి ఆ మహిళలను పావులుగా వాడుకున్నట్లు పోలీసులు అనుమానిస్తున్నారు.
ఈ మహిళలు ఢిల్లీ యూనివర్సిటీ ప్రాంతంలోని యువకులకు డ్రగ్స్, గంజాయి విక్రేయించే వారని పోలీసుల దర్యాప్తులో తేలింది. పట్టుబడిన గంజాయి విలువ అంతర్జాతీయ మార్కెట్లో రూ.కోటికి పైగా ఉంటుందని పోలీసులు తెలిపారు.
మరిన్ని ట్రెండింగ్ వార్తల కోసం.
