Watch Video: డీకే, డీకే అంటూ ఫ్యాన్స్ నినాదాలు.. ఆగ్రహించిన మురళీ విజయ్.. వద్దంటూ దండం.. నెట్టింట వైరల్
టీమిండియా టెస్టు స్పెషలిస్ట్ బ్యాట్స్మెన్ మురళీ విజయ్.. ప్రస్తుతం టీఎన్పీఎల్లో ఆడుతున్నాడు. సెంచరీ చేసి తన అద్భుతమైన బ్యాటింగ్తో అభిమానులను అలరించిన విజయ్.. ప్రస్తుతం మైదానంలో అభిమానులకు బలవ్వాల్సి వచ్చింది.
Updated on: Jul 19, 2022 | 6:26 PM
టీమిండియా టెస్టు స్పెషలిస్ట్ బ్యాట్స్మెన్ మురళీ విజయ్.. ప్రస్తుతం అంతర్జాతీయ క్రికెట్కు పూర్తిగా దూరమయ్యాడు. కానీ, క్రికెట్ మైదానంలో మాత్రం తన సత్తా చాటుతూనే ఉన్నాడు. మురళీ విజయ్ చాలా కాలం తర్వాత ఇటీవల క్రికెట్ మైదానంలోకి తిరిగి ఎంట్రీ ఇచ్చాడు. తమిళనాడు ప్రీమియర్ లీగ్లో బ్యాట్తో సత్తా చాటుతున్నాడు. అద్భుతమైన సెంచరీతో ఆకట్టుకున్నాడు. అయితే ఇంతలోనే మురళీ విజయ్ ఈ టోర్నీలో అభిమానులకు బలవ్వాల్సి వచ్చింది. లైవ్ మ్యాచ్ సందర్భంగా జరిగిన ఓ సంఘటన ప్రస్తుతం నెట్టింట్లో తెగ రచ్చ చేస్తోంది. మురళీ విజయ్ తన జీవితంలో జరిగిన ఒక సంఘటనపై అభిమానులు నిరంతంర ఆటపట్టిస్తూనే ఉన్నారు.
మురళీ విజయ్ ముందు దినేష్ కార్తీక్ నినాదాలు..
TNPL మ్యాచ్ సమయంలో మురళీ విజయ్ ఫీల్డింగ్ చేసేందుకు వచ్చాడు. దీంతో అభిమానులు మురళీ విజయ్ను ఆటపట్టించేందుకు DK-DK అంటూ నినాదాలు చేశారు. దీంతో ఇబ్బందిగా ఫీలైన మురళీ విజయ్.. అభిమానులకు చేతులు జోడించి మరీ దండం పెట్టాడు. ఈ వీడియో సోషల్ మీడియాలో వైరల్ అవుతోంది. ఈ మ్యాచ్లో, మురళీ విజయ్ బౌండరీ లైన్లో ఫీల్డింగ్ చేస్తున్నట్లు చూడొచ్చు.
#TNPL2022 DK DK DK …… Murali Vijay reaction pic.twitter.com/wK8ZJ84351
— Muthu (@muthu_offl) July 7, 2022
దినేష్ కార్తీక్ పేరు ఎందుకొచ్చిందంటే?
మురళీ విజయ్ ముందు దినేష్ కార్తీక్ పేరును ఎందుకు పిలిచారో తెలుసా? దినేష్ కార్తీక్ మొదటి భార్య నికితను మురళీ విజయ్ పెళ్లాడాడు. మురళీ విజయ్తో సన్నిహితంగా మెలిగిన తర్వాతనే విడాకులు తీసుకోవాలని దినేష్ కార్తీక్ నిర్ణయించుకున్నట్లు వార్తలు వచ్చాయి. అప్పట్లో ఈ వివాదం చర్చనీయాంశం అయింది. దీంతో కార్తీక్ ఓ దశలో ఎంతో లోతుకు పడిపోయాడు. టీమిండియా నుంచి కూడా దూరమయ్యాడు. అనంతరం విడాకుల తర్వాత, కార్తీక్ స్క్వాష్ ప్లేయర్ దీపికా పల్లికల్ను వివాహం చేసుకున్నాడు. తాజాగా ఆమె కవలలకు తల్లి అయింది.
