Viral Video: ‘ఏం గుండెరా వాడిది’.. 12వ అంతస్ధు నుంచి వేలాడుతూ ఎక్సర్‌సైజులు.. షాకింగ్ వీడియో!

సాధారణంగా ఎవరికైనా పన్నెండో అంతస్థు నుంచి క్రిందకు చూస్తే చచ్చంటే భయం వేస్తుంది. అలాంటిది ఓ వ్యక్తి ఏకంగా పన్నెండో అంతస్థు బాల్కనీ నుంచి వేలాడుతూ ఎక్సర్‌సైజులు చేశాడు. ఆ వ్యక్తి రైలింగ్ పట్టుకుని వ్యాయామాలు చేయగా.. దీనంతటిని ఎదుట బిల్డింగ్‌లో ఓ వ్యక్తి ఫోన్ ద్వారా రికార్డు చేసి.. ఆ వీడియోను సోషల్ మీడియాలో పోస్ట్ చేయడం జరిగింది. ఇక అది కాస్తా ఇప్పుడు నెట్టింట వైరల్‌గా మారింది.

వైరల్ వీడియోపై మీరూ ఓ లుక్కేస్తే.. సదరు వ్యక్తి రైలింగ్ పట్టుకుని స్ట్రెచెస్ చేస్తూ కనిపిస్తాడు. ఇక కాసేపటి ఓ మహిళ లోపల నుంచి బాల్కనీలోకి వచ్చి అతడ్ని రైలింగ్ నుంచి ఇవతలికి తీసుకొస్తుంది. ఈ ఘటన ఫరీదాబాద్‌లోని ఫ్లోరిడా అపార్ట్‌మెంట్‌లో జరిగింది. అతడు చేసే పని చూసిన అందరూ ఒక్కసారిగా షాక్‌కు గురయ్యారు. ఈ వీడియోకు నెటిజన్ల నుంచి భిన్నాభిప్రాయాలు వ్యక్తం అవుతున్నాయి.

కాగా, కొద్దిరోజుల క్రితం ఇలాంటి వీడియో ఒకటి సామాజిక మాధ్యమాల్లో తెగ చక్కర్లు కొట్టింది. బాల్కనీలో ఆరేసిన చీర కింద ఫ్లోర్‌లో పడిపోవటంతో.. ఓ మహిళ తన కొడుకును మరో చీర సహాయంతో బాల్కనీ కిందకు పంపి.. చీరను పైకి తెప్పించుకుంది. అది కూడా తొమ్మిదవ ఫ్లోర్ నుంచి ఎనిమిదవ ఫ్లోర్‌కు పంపింది. ఇతర కుటుంబ సభ్యులు అతన్ని పైకి లాగడం ఆ వీడియోలో చూడవచ్చు.