Viral: పోలీస్ స్టేషన్కు వచ్చిన అనుమానాస్పద ఫోన్ కాల్.. ట్రేస్ చేయగా దెబ్బకు మైండ్ బ్లాంక్..
ఆ పోలీస్ స్టేషన్కు రాత్రివేళ ఓ అనుమానాస్పద ఫోన్ కాల్ వచ్చింది. అవతల వైపు ఎవరన్నది తెలుసుకునేలోగా కట్ అయ్యింది.
Updated on: Aug 18, 2022 | 9:11 PM
ఆ పోలీస్ స్టేషన్కు రాత్రివేళ ఓ అనుమానాస్పద ఫోన్ కాల్ వచ్చింది. అవతల వైపు ఎవరన్నది తెలుసుకునేలోగా కట్ అయ్యింది. దీనితో పోలీసులు ఫోన్ సిగ్నల్స్ ఆధారంగా లొకేషన్ ట్రేస్ చేశారు. వాళ్లంతా హడావుడిగా అక్కడికెళ్ళి చూడగా.. దెబ్బకు ఖంగుతిన్నారు. ఇంతకీ అసలేం జరిగిందంటే..!
వివరాల్లోకి వెళ్తే.. అమెరికాలోని కాలిఫోర్నియా పోలీసులకు శనివారం రాత్రి ఓ అనుమానాస్పద ఫోన్ కాల్ వచ్చింది. అక్కడ షిఫ్ట్లో ఉన్న సిబ్బంది దాన్ని లిఫ్ట్ చేసి.. ఆన్సర్ చేశారు. అవతల వైపు ఎవరో.? ఏంటో.? తెలుసుకోవాలనుకున్నారు. అయితే ఈలోపే ఆ కాల్ కట్ అయ్యింది. దీంతో పోలీసులు ఒక్కసారిగా కంగారుపడ్డారు. ఎవరికో అత్యవసర పరిస్థితి ఏర్పడిందని.. ప్రమాదంలో ఉండి ఉంటారని ఊహించారు.
వెంటనే మొబైల్ సిగ్నల్స్ ఆధారంగా కాల్ ట్రేస్ చేసి.. దాన్ని లొకేషన్ను గుర్తించారు. అది స్థానికంగా ఉన్న ఓ జంతు ప్రదర్శనశాల నుంచి వచ్చిందని కనిపెట్టారు. హుటాహుటిన టీంతో పాటు అక్కడికి చేరుకున్నారు. వారికి ఆ ప్రాంతంలో ఎవరూ కనిపించలేదు. అంతేకాకుండా ఆ ఫోన్ చేసింది ఓ కోతి అని తేలుతుంది. జూలో ఉన్న కాపుచిన్ అనే జాతికి చెందిన కోతులు.. పర్యాటకుల దగ్గర ఉన్న వస్తువులను లాక్కెళతాయని.. వాటితో ఇష్టమొచ్చినట్లుగా ప్రవర్తిస్తాయని అక్కడుకున్న నిర్వాహకులు చెప్పారు. దీంతో పోలీసులు నిరాశతో వెనుతిరగాల్సి వచ్చింది.
మరిన్ని ట్రెండింగ్ న్యూస్ కోసం..
