రేయ్ ఎవర్రా మీరంతా.. ఇలా తగులుకున్నారు.. ! మీలాంటి వారి వల్లే మెట్రో ఆలస్యం అవుతుంది..
చాలా మంది యువతీ యువకులు రిల్స్ కోసం మెట్రోలో ఏదో ఒక పని చేస్తున్నారు. ప్రతి రోజూ ఇలాంటి వీడియోలు కనీసం ఒక్కటైన సోషల్ మీడియాలో చేరి వైరల్‌ అవుతున్నాయి. ఈ సారి ఢిల్లీ మెట్రోలో ప్రయాణిస్తున్న కొందరు కుర్రాళ్లు అలాంటి ఫీట్ చేయడం చూసి జనం ఆగ్రహంతో మండిపోతున్నారు.
ప్రస్తుతం సోషల్ మీడియా ట్రెండ్‌ కొనసాగుతోంది. ఇంటర్నెట్‌లో వైరల్‌గా మారడానికి మెట్రో మార్గంగా మారింది! చాలా మంది యువతీ యువకులు రిల్స్ కోసం మెట్రోలో ఏదో ఒక పని చేస్తున్నారు. ప్రతి రోజూ ఇలాంటి వీడియోలు కనీసం ఒక్కటైన సోషల్ మీడియాలో చేరి వైరల్‌ అవుతున్నాయి. ఈ సారి ఢిల్లీ మెట్రోలో ప్రయాణిస్తున్న కొందరు కుర్రాళ్లు అలాంటి ఫీట్ చేయడం చూసి జనం ఆగ్రహంతో మండిపోతున్నారు. మెట్రో తలుపులు ఆటోమేటిక్‌గా మూసుకుపోతాయని మనకు తెలుసు. దీని వల్ల ఎవరైనా పొరపాటున రెండు డోర్ల మధ్యకి వస్తే అవి తెరుచుకుంటాయి. ఎటువంటి ప్రమాదం జరగదు గానీ, మెట్రో ముందుకు సాగదు. తిరిగి డోర్‌ దానికదే మూసుకున్న తర్వాత ట్రైన్‌ కదులుతుంది. కానీ, ఇక్కడ యువకులు చేసినతో ట్రైన్‌ ఎంతకీ కదలటం లేదు.. అదేలాగో వైరల్‌ వీడియోలో చూసి మీకే అర్థమవుతుంది.
20 సెకన్ల నిడివిగల ఈ వీడియో ఢిల్లీ మెట్రోలో జరిగినట్టుగా సమాచారం. ఢిల్లీ కోచ్‌లో సరదాగా గడుపుతున్న కొందరు యువకులు కనిపించారు.. కరోల్ బాగ్ స్టేషన్ వద్ద మెట్రో రైలు ఆగి ఉంది. దాని తలుపులు క్లోజ్‌ అయిన వెంటనే..అందులోని ఇద్దరు యువకులు..తమ కాళ్లను అడ్డుగా పెట్టి ట్రైన్‌ డోర్‌ తిరిగి తెరుచుకునేలా చేశారు. అంతటితో ఆగలేదు.. పదే పదే రెండు మూడు సార్లు ఇలాగే చేస్తూ పోయారు. ట్రైన్‌ కదిలే సమయానికి కాళ్లు అడ్డుగా పెడుతూ మెట్రో ప్రయాణానికి బ్రేక్‌ వేస్తూ వచ్చారు. అలా చేస్తూ వాళ్లంతా పగలబడి నవ్వుకున్నారు. యువకులు చేసిన పనితో ప్రయాణికులు తీవ్ర అసహనానికి గురయ్యారు. ఆగ్రహంతో ఊగిపోయారు. ఈ వీడియోను ఇన్‌స్టాగ్రామ్ హ్యాండిల్ ‘ansh’ (gupta_ansh172) మార్చి 29న పోస్ట్ చేశారు.
Ase logo ki wajhse metro (@OfficialDMRC) late hoti hai? pic.twitter.com/l7nopyU6UK
— Aman (@imb0yaman) June 8, 2023
ఈ వీడియోను ట్విట్టర్ యూజర్ అమన్ (@imb0yaman) జూన్ 8న పోస్ట్ చేసారు. DMRCని ట్యాగ్ చేసి ఇలా వ్రాశారు – ఇలాంటి వ్యక్తుల వల్ల మెట్రో ఆలస్యం అవుతుందంటూ క్యాప్షన్‌ రాశారు. ఢిల్లీ మెట్రో రైల్‌కు సంబంధించిన ఈ వీడియో.. 11.7 వేల వ్యూస్, 60 లైక్‌లు సాధించింది. దీనిపై ‘ఢిల్లీ మెట్రో రైల్ కార్పొరేషన్’ సహా సామాన్యులు కూడా స్పందించారు. అలాంటి వారిపై కఠిన చర్యలు తీసుకోవాలంటూ కొందరు నెటిజన్లు కోరుతున్నారు. భారీ జరిమానాలు కూడా విధించాలన్నారు. DMRC స్పందిస్తూ.. దయచేసి కోచ్ నంబర్‌ను చెప్పాలంటూ కోరారు..
మరిన్ని ట్రెండింగ్ న్యూస్ కోసం..
