Watch: ఎద్దుల పోరులో బ్యాంక్ ఆఫ్ బరోడా ఓడిపోయింది..! ఏటీఎం ధ్వంసం
జంతువులు బహిరంగ ప్రదేశాల్లో సంచరించడం వల్ల అనేక ప్రమాదాలు జరుగుతున్నాయి. రోడ్ల వెంట వాహనాలు కూడా పాడవుతున్నాయి. ఇప్పుడు రెండు ఎద్దులు ఓ బ్యాంకు ఏటీఎంను ధ్వంసం చేస్తున్న వీడియో సోషల్ మీడియాలో వైరల్‌గా మారింది. ఏటీఎం మెషీన్‌కు ఎంత నష్టం వాటిల్లిందనే దానిపై స్పష్టత లేదు. ఈ వీడియో సోషల్ మీడియాలో వైరల్ అవుతుండగా, చాలా మంది భిన్నమైన కామెంట్స్‌తో స్పందించారు.
Updated on: Dec 24, 2024 | 3:38 PM
బహిర్భూమిలో సంచరించే జంతువులు సామాన్య ప్రజలు, రైతులకు హాని చేయడమే కాకుండా రోడ్డుపై నడుస్తున్న వాహనాలను ఢీకొట్టడంతో ప్రజలకు ప్రమాదకరంగా మారుతున్నాయి. ఇప్పుడు ఈ జంతువులు ప్రభుత్వ ఆస్తులను కూడా ద్వంసం చేస్తున్నాయి. దీనికి సంబంధించిన వీడియో ఒకటి సోషల్ మీడియాలో వైరల్ అవుతోంది. ఈ వీడియోలో రెండు ఎద్దులు ఒక బ్యాంక్ ఏటీఎంను ఎలా ధ్వంసం చేస్తున్నాయో చూస్తే షాక్‌ అవుతారు.
వైరల్ వీడియోలో బ్యాంకు బయట రెండు ఎద్దులు పోరాడుతున్నాయి. ఈ రెండింటి మధ్య జరిగిన పోరును చూసేందుకు పెద్ద ఎత్తున జనం తరలివచ్చారు. వాటిని చెదర గొట్టేందుకు కూడా కొందరు ప్రయత్నించారు. కానీ అవి ఏ మాత్రం తగ్గటం లేదు…ఆ రెండు ఢీ కొంటూ.. బ్యాంకు ఏటీఎం ముందుకు వచ్చాయి. ఎద్దులు ఎటిఎమ్‌లోకి రాకుండా ఆపేందుకు అక్కడున్న వారు చాలా ప్రయత్నించారు. కానీ, ఏటీఎం విధ్వంసం జరిగిపోయింది. ఎద్దులు పోరాడుతూ ఒక్కసారిగా ఏటీఎం వైపు కదిలాయి…ఏటీఎం అద్దాలు పగులగొట్టి లోపలికి ప్రవేశించాయి. అందరూ చూస్తుండగానే ఏటీఎంను ధ్వంసం చేశాయి. చివరకు కొందరు స్థానికులు కర్రలతో తరిమికొట్టే ప్రయత్నం చేయడంతో ఆ రెండు ఎద్దులు రోడ్డుపై పరుగులు తీశాయి.
వీడియో ఇక్కడ చూడండి..
बैंक ऑफ बड़ौदा के लिए नया खर्चा तैयार pic.twitter.com/wqwOfFNqY5
— Abhimanyu Singh Journalist (@Abhimanyu1305) December 22, 2024
ఏటీఎం మెషీన్‌కు ఎంత నష్టం వాటిల్లిందనే దానిపై స్పష్టత లేదు. ఈ వీడియో సోషల్ మీడియాలో వైరల్ అవుతుండగా, చాలా మంది భిన్నమైన కామెంట్స్‌తో స్పందించారు. ఈ వీడియో తీస్తున్న వ్యక్తులు చాలా సంతోషంగా ఉన్నారని, వారికి కోహినూర్ దొరికినట్లు అనిపిస్తోందని సోషల్ మీడియా వినియోగదారు ఒకరు రాశారు.
మరిన్ని ట్రెండింగ్ న్యూస్ కోసం క్లిక్ చేయండి..
