News Reporter: వాతావరణ విశేషాలు చెబుతున్న రిపోర్టర్.. ఇంతలో ఓ కుక్క వచ్చి చేసిన పనికి షాక్! వైరల్ అవుతున్న వీడియో!!

News Reporter: టీవీ రిపోర్టర్ అని ఎవరైనా చెబితే, నీకేం బాబూ అంటారు అందరూ. కానీ, ఒక్కోసారి వాళ్ళ కష్టాలు చూస్తే నవ్వాలో ఏడవాలో అర్ధం కాదు. ఫీల్డ్ లో రిపోర్టింగ్ అంటే అప్పుడప్పుడు చిత్ర విచిత్రమైన పరిస్థితులు ఎదురవుతాయి.

కొన్నిసార్లు పబ్లిక్ రిపోర్టర్ తో వాగ్వాదాలకు దిగుతారు.. ఒక్కోసారి పోలీసులు రిపోర్టర్ల పై తమ ప్రతాపం చూపిస్తారు.. ఇవి సాధారణం. అయితే, అప్పుడప్పుడు జంతువులతో కూడా రిపోర్టర్ల చాలా బాధలు ఎదురవుతాయి. అటువంటిదే ఈ సంఘటన.

ఒక రిపోర్టర్ వాతావరణ విశేషాలు చెప్పడానికి సిద్ధం అవుతుంటే.. ఓ కుక్క వచ్చి ఆమె చేతిలోని మైక్ లాక్కుని పరుగులు తీసింది. వెంటనే ఆ రిపోర్టర్ కూడా కుక్క వెనుక పరుగులు తీసింది.  ప్రస్తుతం ఆ రిపోర్టర్ తిప్పలు రికార్డ్ అయిన వీడియో వైరల్ గా మారింది.

అలీ ఓఙ్కాక్ అనే జర్నలిస్ట్ ఓ వీడియో ట్విట్టర్ లో షేర్ చేశారు. ”రష్యాలో ఒక కుక్క రిపోర్టర్ చేతిలోని మైక్రోఫోన్ లాక్కుని పరుగులు తీసింది.” అని క్యాప్షన్ తో ఒక వీడియో షేర్ చేశారు. ఇప్పుడు ఈ ట్వీట్ ను నెటిజన్లు విపరీతంగా షేర్ చేస్తున్నారు.

ఆ వీడియోలో ఉన్నది మిర్ టీవీ వెదర్ రిపోర్టర్ నాడెజ్దా సెరెజ్కిన అని డైలీ మెయిల్ పేర్కొంది. ఈ వీడియోలో సెరెజ్కిన వాతావరణ విశేషాలు చెప్పడానికి సిద్ధం అవుతుండగా ఓ కుక్క ఆమె చేతుల్లోని మైక్రోఫోన్ లాక్కుంది. అకస్మాత్తుగా జరిగిన ఈ పరిణామంతో ఆమె అవాక్కయింది. తేరుకునే లోగానే ఆ కుక్క మైక్ ను నోట కరుచుకుని పరుగులు తీసింది. ఆ తరువాత ఆ రిపోర్టర్ కూడా ఆ కుక్కను తరుముతూ పరుగులు తీయడం అందర్నీ నవ్విస్తోంది. ఇదిలా ఉంటె ఆ వీడియోలో కనిపిస్తున్న యాంకర్ ఎలినా డాష్కువా ప్రవర్తన కూడా విపరీతంగా వినోదాన్ని పంచుతొంది. దీంతో ఈ వీడియో ఇప్పుడు వైరల్ అయింది. ఆ వీడియోను ఈ ట్వీట్ లో మీరూ చూసేయండి!

A dog in Russia grabbed the reporter’s microphone and ran away during a live broadcast pic.twitter.com/R1T8VZ5Kpt

— Ali Özkök (@Ozkok_A) April 2, 2021

Also Read: Sheep Fashion Show: గొర్రెలకు అందాల పోటీలు.. క్యాట్‌వాక్‌తో అదరగొట్టిన గొర్రెలు.. వీడియో వైరల్‌

Lockdown: మాస్క్ పెట్టుకోండి మొర్రో అంటున్నా వినరు.. మరోసారి దూసుకొచ్చింది.. మూడు వారాాలు లాక్‌డౌన్‌ పడింది…