Viral: బాలిక నోట్లో ఏదో నల్లటి దారంలా కనిపించింది.. పరుగు పరుగున ఆస్పత్రికి వెళ్లగా..

వియత్నాంలోని నేమ్‌సేక్ ప్రావిన్స్‌లో ఓ అరుదైన సంఘటన చోటు చేసుకుంది. స్థానిక క్వాంగ్ న్గై ఆస్పత్రి వైద్యులు 12 ఏళ్ల బాలిక కడుపులో నుంచి 900 గ్రాముల బరువున్న వెంట్రుకల గుట్టను శస్త్రచికిత్స ద్వారా తొలగించారు. బలహీనంగా, చర్మం పాలిపోయి.. కడుపు ఉబ్బరం, ఆకలి లేని స్థితిలో ఆస్పత్రిలో చేరింది సదరు బాలిక.

రక్త పరీక్షలు, ఉదర ఎక్స్‌రే, డైజెస్టివ్ ఎండోస్కోపీ చేసిన అనంతరం వైద్యులు.. ఆమెకు జీర్ణశయాంతర రక్తస్రావం, డ్యూడెనల్, గ్యాస్ట్రిక్ అల్సర్ల కారణంగా జీర్ణ రక్తస్రావం.. కడుపులో వెంట్రుక ముద్ద ఉన్నట్లు గుర్తించారు. ఆ బాలికకు వెంటనే శస్త్రచికిత్స చేసి 900 గ్రాముల బరువున్న వెంట్రుకల ముద్దను తొలగించారు. బాలిక కడుపును దాదాపుగా ఆక్రమించిన ఆ భారీ వెంట్రుకల ముద్దను వైద్యులు విజయవంతంగా బయటకు తీశారు. ఆపరేషన్ అనంతరం బాలికను ఐసీయూకు తరలించిన వైద్యులు.. ఆమె ఆరోగ్యాన్ని నిశితంగా పర్యవేక్షిస్తున్నారు. సదరు బాలికకు లిక్విడ్ డైట్ ఇస్తోన్న డాక్టర్లు.. ప్రస్తుతం ఆమె ఆరోగ్య పరిస్థితి నిలకడగా ఉందన్నారు.

వెంట్రుకలు తినడం లేదా ట్రైకోఫాగియా అనేది రాపుంజెల్ సిండ్రోమ్‌తో ముడిపడిన అరుదైన ఈటింగ్ డిజార్డర్ అని వైద్యులు తెలిపారు. ఈ రుగ్మత కారణంగా కడుపులో జీర్ణం కాని వెంట్రుకలు పేరుకుపోయి తీవ్రమైన ఆరోగ్య సమస్యలకు దారి తీస్తుందన్నారు. ట్రైకోఫేజియా సాధారణంగా పిల్లలు, యవ్వన దశలో ఉన్న బాలబాలికలకు సంభవించవచ్చునని అన్నారు. ముఖ్యంగా అబ్సెసివ్-కంపల్సివ్ డిజార్డర్, ట్రైకోటిల్లోమానియా(జుట్టు లాగడం రుగ్మత) ఉన్నవారిలో మానసిక, నాడీ సంబంధిత లక్షణాలు ఉండొచ్చునని చెప్పారు.

కొంతమంది పిల్లలు, ముఖ్యంగా ఒత్తిడికి గురైనప్పుడు లేదా ఆందోళన చెందుతున్నప్పుడు, తమను తాము ఓదార్చుకునే క్రమంలో జుట్టును తినడం అలవాటు చేసుకుంటారు. అదనంగా, పోషకాహార లోపాలు పిల్లలు జీర్ణం కాని వస్తువులను నమలడానికి దారితీయవచ్చు. ట్రైకోఫాగియా పరిణామాలు ప్రమాదకరమైనవి. ఎందుకంటే కడుపులో వెంట్రుకలు పేరుకుపోయినప్పుడు, అది పేగుల్లో అడ్డుకుని, గ్యాస్ట్రిక్ అల్సర్లు, పేగు అల్సర్లకు కారణం కావచ్చు. కడుపు నొప్పి, వికారం, బరువు తగ్గడం, దీర్ఘకాలిక జీర్ణ రుగ్మతలు వీటి సాధారణ లక్షణాలు.