వర్మకు మరో షాక్..కేసు నమోదు

జగద్గిరి గుట్ట: ఏపీ సీఎం చంద్రబాబును అవమానపరిచేలా సోషల్ మీడియాలో దర్శకుడు రాంగోపాల్‌వర్మ పెట్టిన పోస్టింగ్‌లపై చర్యలు తీసుకోవాలని కోరుతూ టీడీపీ అభిమాని  దేవీబాబు చౌదరి హైదరాబాద్‌లోని బాచుపల్లి పోలీస్‌స్టేషన్‌లో  ఆదివారం ఫిర్యాదు చేశారు. చంద్రబాబు వైసీపీలో చేరుతున్నట్లు మార్ఫింగ్‌ ఫొటోలు సృష్టించి సోషల్‌ మీడియాలో పోస్ట్‌ చేశారంటూ ఆయన ఫిర్యాదులో పేర్కొన్నారు. లక్ష్మీస్‌ ఎన్టీయార్‌ సినిమాపై న్యాయస్థానంలో కేసు వేసి ఆంధ్రప్రదేశ్‌లో అడ్డుకుంది కూడా తానేనని ఆయన పోలీసులకు సమాచారం ఇచ్చారు. ఇప్పటికే ఎన్నికల నేపథ్యంలో..తన లక్ష్మీస్ ఎన్టీయార్ సినమాపై హైకోర్టు ఆంక్షలు విధించిన నేపథ్యంలో వర్మకు ఇది మరో షాక్.