Hyderabad: హైదరాబాద్‌లోని బ్యాంకులకు సోమవారం సెలవు ఉందా..?
జనవరి 22న అయోధ్యలోని రామమందిర ప్రాణప్రతిష్ట వేడుకను పురస్కరించుకుని కేంద్ర ప్రభుత్వం గురువారం కీలక ప్రకటన చేసింది. జనవరి 22న కేంద్ర ప్రభుత్వ ఉద్యోగులకు హాఫ్ హాలీడే ప్రకటించింది. దీంతో ఆ రోజున బ్యాంకులు తెరుచుకుంటాయా.. లేదా అని చాలామంది సెర్చ్ చేస్తున్నారు.
Updated on: Jan 19, 2024 | 1:59 PM
హైదరాబాద్: జనవరి 22న అయోధ్యలో రామాలయ ప్రారంభోత్సవం సందర్భంగా కేంద్ర ప్రభుత్వం ‘హాఫ్ డే’ సెలవు ప్రకటించింది. దీంతో ఆ రోజున హైదరాబాద్‌లో బ్యాంకులకు కూడా సెలవు ఉంటుందా అని చాలామంది సెర్చ్ చేస్తున్నారు. హైదరాబాద్‌లోని బ్యాంకులకు జనవరి 22న సెలవు లేదు. అయితే సోమవారం మధ్యాహ్నం 2:30 గంటల వరకు బ్యాంకులు మూసివేసి ఉంటాయి.
‘ఉద్యోగుల మనోభావాలు, వారి నుంచి వచ్చిన అభ్యర్థనల మేరకు రామ మందిర ప్రారంభోత్సవ వేడుక సందర్భంగా దేశంలోని అన్ని కేంద్ర ప్రభుత్వ కార్యాలయాలు, కేంద్ర పారిశ్రామిక సంస్థలు, కేంద్ర సంస్థలు, 2024 జనవరి 22న మధ్యాహ్నం 2:30 గంటల వరకు సగం రోజు మూసివేయాలి’ అని కేంద్ర ప్రభుత్వం ప్రకటించింది.
Due to the overwhelming sentiment of the employees and requests from them, Central Government announces half day closing till 2:30 pm on 22nd January 2024, at all Central Government offices, Central institutions and Central industrial establishments throughout India on the… pic.twitter.com/9xTPwSx3Ga
— ANI (@ANI) January 18, 2024
హైదరాబాద్‌లో బ్యాంకులకు రానున్న సెలవులు
నగరంలోని బ్యాంకులకు జనవరి 2024లో రానున్న సెలవుల జాబితా క్రింది విధంగా ఉంది.
- జనవరి 21: ఆదివారం
- జనవరి 26: గణతంత్ర దినోత్సవం
- జనవరి 27: నాల్గవ శనివారం
- జనవరి 28: ఆదివారం
ప్రభుత్వ కార్యాలయాలకు సగం రోజు సెలవు:
అన్ని కేంద్ర ప్రభుత్వ కార్యాలయాలు సోమవారం సగం రోజు మూత పడనున్నాయి. ప్రభుత్వ నోటిఫికేషన్ ప్రకారం, దేశవ్యాప్తంగా అన్ని కేంద్ర ప్రభుత్వ కార్యాలయాలు, కేంద్ర సంస్థలు, కేంద్ర పారిశ్రామిక సంస్థలు మధ్యాహ్నం 2:30 గంటల వరకు సగం రోజులు మూసివేయబడతాయి. కేంద్ర ప్రభుత్వంతో పాటు, కొన్ని రాష్ట్రాలు కూడా జనవరి 22న ‘హాఫ్-డే’ సెలవు ప్రకటించాయి.
త్రిపుర, ఒడిశా, రాజస్థాన్, గుజరాత్, అస్సాం రాష్ట్రాల్లో, రాష్ట్ర స్థాయి ప్రభుత్వ కార్యాలయాలు కూడా సోమవారం మధ్యాహ్నం 2:30 గంటల వరకు సగం రోజులు మూసివేయబడతాయి.
మరిన్ని తెలంగాణ వార్తల కోసం ఇక్కడ క్లిక్ చేయండి..
