Telangana Caste census: జోరుగా కొనసాగుతున్న సమగ్ర కులగణన సర్వే .. అత్యధికంగా ఈ జిల్లాలోనే..
తెలంగాణలో ఇంటింటి సర్వే విజయవంతంగా కొనసాగుతుంది. ఈ నెల 6న ప్రారంభమైన ఈ సర్వే కేవలం 12 రోజుల్లోనే 58.3% పూర్తయింది. అయితే ఇందులో ఏ జిల్లా ఫస్ట్ ఉందో తెలుసా? ఏ జిల్లా లాస్ట్ ఉందో తెలుసా?
రాష్ట్ర ప్రభుత్వం ప్రతిష్టాత్మకంగా చేపట్టిన సమగ్ర కుటుంబ ఇంటింటి సర్వే (సామాజిక, ఆర్థిక, విద్య, ఉపాధి, రాజకీయ కుల సర్వే 2024) విజయవంతంగా కొనసాగుతోంది. నవంబర్ 6న ప్రారంభమైన ఈ సర్వే కేవలం 12 రోజుల్లోనే 58.3% పూర్తయింది. అన్ని వర్గాల సంక్షేమం, సామాజిక సాధికారత లక్ష్యంగా చేపట్టిన ఈ సర్వే దేశవ్యాప్తంగా ప్రత్యేక గుర్తింపు పొందుతోంది. సర్వేలో ముందుగా నవంబర్ 6-8 తేదీల్లో ఇళ్ల గణనను ప్రభుత్వం చేపట్టింది. ఈ దశలో మొత్తం 1,16,14,349 ఇళ్లను గుర్తించారు. నవంబర్ 9న ఇంటింటి వివరాల సర్వే ప్రారంభమైంది. ఇప్పటివరకు 67,72,246 గృహాల సర్వే పూర్తయింది.
Telangana: ఇదెక్కడి దోపిడీ రా మావా.! ఫోన్ ఎత్తిన పాపానికి రూ.4లక్షలు హాంఫట్..ఎలా జరిగిందంటే?
నవంబర్ 17 నాటికి గ్రామీణ ప్రాంతాల్లో 64,41,183 ఇళ్లను, పట్టణ ప్రాంతాల్లో 51,73,166 ఇళ్లను సర్వే పూర్తిచేశారు. మొత్తం 1,16,14,349 ఇళ్ల సర్వే కొనసాగుతోంది. సర్వే నిర్వహణకు ప్రభుత్వం బృందాలను ఏర్పాటు చేసింది. మొత్తం 87,807 ఎన్యుమరేటర్లు పాల్గొంటుండగా, వీరికి 8,788 పర్యవేక్షకులు సహకరిస్తున్నారు. మొత్తం 92,901 బ్లాకులుగా సర్వే కొనసాగుతోంది. జిల్లాల వారీగా ములుగు (87.1%), నల్గొండ (81.4%), జనగాం (77.6%), మంచిర్యాల (74.8%), పెద్దపల్లి (74.3%) ముందంజలో ఉన్నాయి. జనసాంద్రత ఎక్కువగా ఉన్న గ్రేటర్ హైదరాబాద్‌లో సర్వే పురోగతి 38.3%గా నమోదైంది. ఈ సర్వే ద్వారా ప్రభుత్వం సామాజిక వర్గాల స్థితిగతులను అర్థం చేసుకొని, సంక్షేమ పథకాలను మరింత సమర్థవంతంగా అమలు చేయాలని లక్ష్యంగా పెట్టుకుంది.
Telangana: మా అబ్బాయిని మాకు తిరిగి అప్పగించండి.. కొడుకు కోసం తల్లిదండ్రుల ఆవేదన
ప్రజల సామాజిక-ఆర్థిక, ఉద్యోగ, రాజకీయ మరియు కుల స్థితిగతులను అంచనా వేయడానికి కాంగ్రెస్ ఎన్నికల ముందు ఇచ్చిన వాగ్దానాలలో కుల గణన ఒకటి..తొలిదశలో సర్వే నిర్వహించేందుకు ఎన్యుమరేటర్లు ప్రతి ఇంటికి స్టిక్కర్లను గుర్తింపు గుర్తుగా అతికించారు. స్టిక్కర్‌లో గ్రామం లేదా మున్సిపాలిటీ పేరు, వార్డు నంబర్, ఎన్యుమరేషన్ బ్లాక్ (EB), EBలోని ఇళ్ల సంఖ్య, ఇళ్ల క్రమ సంఖ్య, ఇంటి నంబర్, కుటుంబ పెద్ద పేరు మరియు తేదీ వంటి వివరాలు ఉంటాయి. ఫిబ్రవరి 4, 2024న సమగ్ర సర్వే నిర్వహించాలని రాష్ట్ర ప్రభుత్వం శాసనసభలో తీర్మానాన్ని ఆమోదించింది. తదనంతరం, ప్లానింగ్ విభాగాన్ని నోడల్ ఏజెన్సీగా నియమిస్తూ అక్టోబర్ 10,2024న GO MS No 18ని జారీ చేసింది. పౌర సంఘాలు, మేధావులు మరియు ఇతర వాటాదారులతో విస్తృత సంప్రదింపుల తర్వాత రూపొందించిన 75 ప్రశ్నలతో కూడిన ప్రశ్నావళిని సర్వేయర్‌లకు అందించారు. రాష్ట్రంలో ప్రారంభమైన కులాల కూర్పు దేశానికే ఆదర్శంగా నిలుస్తుందని, రాహుల్‌గాంధీ నాయకత్వంలో దేశవ్యాప్తంగా కాంగ్రెస్ కులగణనను అమలు చేస్తుందని ఉప ముఖ్యమంత్రి మల్లు భట్టి విక్రమార్క పేర్కొన్నారు. అణగారిన వర్గాల ప్రయోజనాల కోసం మరియు సమాన అవకాశాలను సృష్టించడానికి వనరులను ఉపయోగించుకునేలా విధానాలను రూపొందించడానికి ఈ సర్వే రాష్ట్రానికి వీలు కల్పిస్తుందని డిప్యూటీ సిఎం నొక్కి చెప్పారు. పౌరుల గోప్యతను కాపాడుతామని హామీ ఇచ్చారు.