పండుగ సీజన్‌కు ముందు టీవీఎస్ రాబిన్ లో భారీ అప్‌డేట్.. టాప్ వేరియంట్‌లో

బైక్ కొనుగోలుదారులు ఇప్పుడు రూపంతో పాటు భద్రత, కనెక్టివిటీ వంటి సదుపాయాలకు కూడా ప్రాధాన్యత ఇస్తున్నారు. ఈ అవసరాలను దృష్టిలో పెట్టుకుని Ronin శ్రేణిలో మార్పులు చేశారు. కొత్త Base+ వేరియంట్‌లో డ్యూయల్-ఛానల్ ABS ఇవ్వగా, మిడ్ వేరియంట్‌లో కనెక్టెడ్ ఇన్‌స్ట్రుమెంట్ క్లస్టర్, టాప్ వేరియంట్‌లో ట్రాక్షన్ కంట్రోల్ వంటి ఫీచర్లు వచ్చాయి.

రూ.1.42 లక్షలకే కొత్త Base+ వేరియంట్

కొత్త Ronin Base+ వేరియంట్ ఎక్స్-షోరూమ్ ధర రూ.1,42,490. ఇందులో డ్యూయల్-ఛానల్ ABS ప్రధాన ఆకర్షణగా ఉంది. తక్కువ ధరలోనే ఈ భద్రతా సదుపాయం లభించడం ప్రత్యేకత. ఈ వేరియంట్‌ను Sunlit Yellow, Desert Mirage అనే రెండు కొత్త రంగుల్లో కొనుగోలు చేయవచ్చు.

అప్‌డేట్ చేసిన మిడ్ వేరియంట్ ధర రూ.1,51,540 (ఎక్స్-షోరూమ్). ఇందులో కనెక్టెడ్ ఇన్‌స్ట్రుమెంట్ క్లస్టర్‌ను జోడించారు. దీంతో బైక్‌కు సంబంధించిన కొన్ని కనెక్టెడ్ సదుపాయాలను ఉపయోగించుకోవచ్చు. Type-C ఛార్జింగ్ పోర్ట్ కూడా వచ్చింది. ఈ వేరియంట్ Glacier Silver, Charcoal Ember రంగుల్లో లభిస్తుంది.

టాప్ వేరియంట్‌లో TCS

టాప్ వేరియంట్ ధర రూ.1,63,640 (ఎక్స్-షోరూమ్). ఇందులో Traction Control System (TCS)తో పాటు Type-C ఛార్జింగ్ పోర్ట్, కొత్త ప్రీమియం సీటును అందించారు. Nimbus Grey, Midnight Blue రంగుల్లో ఈ వేరియంట్ లభిస్తుంది. నియో-రెట్రో రూపం, రోడ్‌స్టర్ శైలితో Ronin ఇప్పటికే ప్రత్యేక గుర్తింపు తెచ్చుకుంది. TVS ప్రకారం, ఈ బైక్‌కు 2 లక్షలకు పైగా కస్టమర్లు ఉన్నారు. కొత్త Base+తో పాటు ఇతర వేరియంట్లలో ఫీచర్ల పెంపుతో పండుగ సీజన్‌కు ముందు ఈ శ్రేణి మరింత విస్తరించింది.