ఆ గ్రహంపై రాళ్ల వర్షాలు, తుఫాను గాలులు, అత్యధిక వేడి.. కీలక విషయాలు బయటపెట్టిన శాస్త్రవేత్తలు
ఇటీవల జరిపిన అధ్యయనాలలో ఈ రెండు గ్రహాలకు సంబంధించినటువంటి సమాచారాన్ని సేకరించారు. ఈ గ్రహాల ద్వారా పాలపుంతలోని వైవిధ్యం, సంక్లిష్టత వంటి రహస్యాలను తెలుసుకోవచ్చని శాస్త్రవేత్తలు నమ్ముతున్నారు. ఈ గ్రహాల ద్వారా విశ్వంలోని గ్రహ వ్యవస్థ అభివృద్ధిలో ఉన్నటువంటి వైవిధ్యాన్ని కూడా తెలుసుకునే అవకాశం ఉందని చెబుతున్నారు. నేచర్ జర్నల్లో ప్రచురితమైన ఒక నివేదికలో శాస్త్రవేత్తలు.. హబుల్ స్పేస్ టెలిస్కోప్ ద్వారా భూమికి 1300 కాంతి సంవత్సరాల దూరంలో ఉన్నటువంటి డబ్ల్యుఏఎస్పీ-178b అనే గ్రహాన్ని గుర్తించినట్లు పేర్కొన్నారు.
Updated on: Aug 27, 2023 | 1:21 PM
కొన్ని సంవత్సరాల క్రితం శాస్త్రవేత్తలు రెండు గ్రహాలను కనుగొన్నారు. అయితే ఈ గ్రహాలు మిగిలిన గ్రహాల కన్నా భిన్నంగా ఉన్నాయి. వాటి పరిమాణం చూసుకుంటే కూడా బృహస్పతి గ్రహానికి సమానంగా ఉంది. ఈ రెండు గ్రహాలు మన పాలపుంత గెలాక్సీలో వాటి నక్షత్రానికి సమీపంలో ఉన్నట్లు గుర్తించారు. ఈ రెండు గ్రహాలు అక్కడి అధిక ఉష్ణోగ్రత కారణంగా వేడెక్కుతాయని అలాగే ఈ గ్రహాల్లో ఒకదానిపై ఆవిరితో కూడిన రాళ్ల వర్షం కూడా కురుస్తుండవచ్చని శాస్త్రవేత్తలు భావిస్తున్నారు. ఈ తీవ్రతకు టైటానియం వంటి శక్తివంతమైన లోహాలు కూడా కరిగి ఆ గ్రహంపై ఆవిరైపోతాయని అంటున్నారు.
ఇక వివరాల్లోకి వెళ్తే శాస్త్రవేత్తలు ఇటీవల జరిపిన అధ్యయనాలలో ఈ రెండు గ్రహాలకు సంబంధించినటువంటి సమాచారాన్ని సేకరించారు. ఈ గ్రహాల ద్వారా పాలపుంతలోని వైవిధ్యం, సంక్లిష్టత వంటి రహస్యాలను తెలుసుకోవచ్చని శాస్త్రవేత్తలు నమ్ముతున్నారు. ఈ గ్రహాల ద్వారా విశ్వంలోని గ్రహ వ్యవస్థ అభివృద్ధిలో ఉన్నటువంటి వైవిధ్యాన్ని కూడా తెలుసుకునే అవకాశం ఉందని చెబుతున్నారు. నేచర్ జర్నల్లో ప్రచురితమైన ఒక నివేదికలో శాస్త్రవేత్తలు.. హబుల్ స్పేస్ టెలిస్కోప్ ద్వారా భూమికి 1300 కాంతి సంవత్సరాల దూరంలో ఉన్నటువంటి డబ్ల్యుఏఎస్పీ-178b అనే గ్రహాన్ని గుర్తించినట్లు పేర్కొన్నారు. ఈ గ్రహంపై ఉన్న వాతావరణంలో సిలికాన్ మోనాక్సైడ్ అనే వాయువు కూడా ఉంటుంది.
అలాగే ఈ గ్రహంపై పగటిపూట అసలు మేఘాలు అనేవి ఉండవని.. అయితే రాత్రిపూట మాత్రం గంటకు రెండు వేల మైళ్ల వేగంతో తుఫాను గాలులు వీస్తాయని పరిశోధకులు తెలిపారు. అలాగే ఈ గ్రహం దాని నక్షత్రానికి చాలా దగ్గరగా ఉంది. దీంతో పాటు ఈ గ్రహంలోని ఒక భాగం ఎప్పుడూ కూడా నక్షత్రం వైపు ఉంటుంది. అలాగే అవతలి వైపున ఉన్న సిలికాన్ మోనాక్సైడ్ మాత్రం చాలా చల్లగా ఉండడం వల్ల మేఘాల నుంచి నీరుకు బదులుగా రాళ్ల వర్షం కురుస్తుందని శాస్త్రవేత్తలు అంటున్నారు.
అంతేకాదు.. ఈ గ్రహం మీద ఉదయం, సాయంత్రం వేళ్లల్లో ఉష్ణోగ్రత కూడా చాలా అత్యధికంగా ఉంటుంది. దీని వల్ల రాళ్లు కూడా ఆవిరిగా మారిపోతాయి. పరిశోధకుల తెలిపిన అభిప్రాయం ప్రకారం చూసుకుంటే.. మొదటిసారిగా సిలికాన్ మోనాక్సైడ్ ఇలాంటి రూపంలో కనిపించింది. మరొక అధ్యయనం ఆస్ట్రోఫిజికల్ జర్నల్లో ప్రచురితమయ్యింది. ఇందులో అత్యంత వేడి వాతావరణం ఉన్న గ్రహాన్ని శాస్త్రవేత్తలు కనుగొన్నారని రాసుకొచ్చారు. భూమికి 400 కాంతి సంవత్సరాల దూరంలో ఉన్న ఈ గ్రహానికి కేఈఎల్టీ-20బీ అని పేరు పెట్టినట్లు పేర్కొన్నారు. అయితే భవిష్యత్తులో ఇంకా ఎలాంటి గ్రహాలు కనిపెడతారో వేచి చూడాలి.
మరిన్ని టెక్నాలజీ న్యూస్ కోసం
