Satellite Internet: ఇది వింటేనే షాకవుతారు.. ఒక నెల మొబైల్ రీఛార్జ్ ధర రూ.50,000
Satellite Internet: మనకు మొబైల్ రీఛార్జ్ కావాలంటే డేటాతో కలిపి ప్లాన్స్ సుమారు రూ.200 నుంచి ప్రారంభమవుతుంది. అందులో కాలింగ్స్తో పాటు ఇంటర్నెట్, ఎస్ఎంఎస్ల సదుపాయం ఉంటుంది. నెల వరకు వ్యాలిడిటీ ఉంటుంది. ఇక్కడ మాత్రం నెల రీఛార్జ్ చేసుకోవాలంటే ఏకంగా అక్షరాల 50 వేల రూపాయలు కావాల్సిందే. మరి ఇది ఎక్కడో పూర్తి వివరాలు తెలుసుకుందాం..
Updated on: Feb 11, 2025 | 11:12 AM
పాకిస్తాన్లో ఇంటర్నెట్ వేగం తగ్గడం అనే సమస్యగా మారుతోంది. సెన్సార్షిప్ కారణంగా ఇంటర్నెట్ వేగం తగ్గిందని చెబుతున్నారు నిపుణులు. అయితే ప్రభుత్వం జలాంతర్గామి కేబుల్స్ కత్తిరించడం వల్ల ఇంటర్నెట్ వేగం తగ్గిందని చెబుతోంది పాక్. నెమ్మదిగా ఇంటర్నెట్ వేగం సమస్యను అధిగమించడానికి ప్రభుత్వం ఉపగ్రహ ఇంటర్నెట్ సేవను ప్రారంభించడానికి ప్రయత్నాలు చేస్తోంది. పాకిస్తాన్లో త్వరలో ఉపగ్రహ ఇంటర్నెట్ ఆమోదం పొందవచ్చని భావిస్తున్నారు.
నెలవారీ రీఛార్జ్ ప్లాన్ రూ.50 వేలు:
అయితే ప్రభుత్వం శాటిలైట్ ఇంటర్నెట్ను ఆమోదిస్తే, ఆ తర్వాత సాధారణ పాకిస్తానీ ప్రజలు దానిని ఉపయోగించగలరా అనే ప్రశ్న తలెత్తుతోంది. పాకిస్తాన్లో శాటిలైట్ ఇంటర్నెట్ ధరలు విపరీతంగా పెరగడం వల్ల అలాంటి ప్రశ్న తలెత్తుతోంది. ఎలోన్ మస్క్ శాటిలైట్ ఇంటర్నెట్ సర్వీస్ స్టార్లింక్ పాకిస్తాన్లో అందుబాటులోకి వస్తోంది. అయితే, ఇప్పుడు దాని ధర బయటకు వచ్చింది. శాటిలైట్ మొబైల్ ప్యాకేజీ ధర అక్షరాల 50 వేల రూపాయలు. ఈ ధరలో 50-250 Mbps వేగంతో అందిస్తుంది. హార్డ్వేర్ కోసం 120,000 పాకిస్తానీ రూపాయలు విడిగా చెల్లించాల్సి ఉంటుంది. ఈ ధరకు ఓ మంచి ప్రీమియం స్మార్ట్ఫోన్ను కొనుగోలు చేయవచ్చు.
బిజినెస్ ప్యాక్ ప్లాన్ రూ.95 వేలు:
మనం రెసిడెన్షియల్ ప్యాకేజీ ప్లాన్ విషయానికొస్తే.. దాని నెలవారీ ధర 35 వేలు. దాని హార్డ్వేర్పై ఒకేసారి దాదాపు 110,000 రూపాయలు పెట్టాల్సి ఉంటుంది. ఎలోన్ మస్క్ ఉపగ్రహ ఇంటర్నెట్ వ్యాపార ప్యాకేజీ ధర నెలకు 95 వేల రూపాయలు. ఈ ప్లాన్లో మీరు 100-500 Mbps వేగాన్ని పొందుతారు. మీరు అదే హార్డ్వేర్పై 220,000 రూపాయలు ఖర్చు చేయాలి.
ఉపగ్రహ ఇంటర్నెట్ సర్వీస్ అంటే ఏమిటి?
ఎలోన్ మస్క్ వేలాది ఉపగ్రహాలను తక్కువ భూ కక్ష్యలోకి పంపించాడు. ఇవి భూమిపై ఉన్న కిరణాల ద్వారా ఉపగ్రహ ఇంటర్నెట్ను అందిస్తాయి. ఎటువంటి వైర్ లేదా టవర్ అవసరం ఉండదు. ఉపగ్రహ ఇంటర్నెట్ సర్వీస్ కోసం రిసీవర్ కావాల్సి ఉంటుంది. ఇది కనుక అవసరమైతే దీని కోసం హార్డ్వేర్ ఖర్చు పెట్టుకోవాల్సి ఉంటుంది. అదే ఎక్కువ బడ్జెట్.
ఇది కూడా చదవండి: Gold Price Today: మహిళలకు షాకింగ్.. రికార్డ్ స్థాయిలో బంగారం ధరలు
మరిన్ని బిజినెస్ వార్తల కోసం ఇక్కడ క్లిక్ చేయండి
