Realme 10T 5G: తక్కువ ధరలో ఎక్కువ ఫీచర్లు.. రియల్మీ నుంచి కొత్త 5జీ ఫోన్.. లుక్ అదిరిపోయిందిగా..
రియల్ మీ తన కొత్త 5జీ ఫోన్ రియల్ మీ 10టీ 5జీ(Realme 10T 5G)ని ఆవిష్కరించింది. ఇది మీడియా టెక్ డైమెన్ సిటీ 810 ప్రాసెసర్ తో పాటు 5000ఎంఏహెచ్ బ్యాటరీని కలిగి ఉంది.
ప్రస్తుతం అంతా 5జీ ట్రెండ్ నడుస్తోంది. అన్ని చోట్లా 5జీ నెట్ వర్క్ అందుబాటులోకి రావడంతో జనాలు కూడా 5జీ ఫోన్లు కొనుగోలు చేసేందుకు మొగ్గుచూపుతున్నారు. అందుకు తగ్గట్లుగానే అన్ని స్మార్ట్ ఫోన్ల కంపెనీలు తమ ఉత్పత్తులనను 5జీ వేరియంట్లో లాంచ్ చేస్తున్నాయి. అందులో భాగంగానే రియల్ మీ తన కొత్త 5జీ ఫోన్ రియల్ మీ 10టీ 5జీ(Realme 10T 5G)ని ఆవిష్కరించింది. ఇది మీడియా టెక్ డైమెన్ సిటీ 810 ప్రాసెసర్ తో పాటు 5000ఎంఏహెచ్ బ్యాటరీని కలిగి ఉంది. ప్రస్తుతానికి ఇండోనేషియాలో మాత్రమే ఇది లభ్యమవుతోంది. దీని ధర కూడా అందుబాటులో ఉంది. త్వరలోనే మన దేశంలో కూడా లాంచ్ అయ్యే అవకాశం ఉంది.
స్పెసిఫికేషన్లు ఇవి..
రియల్ మీ 10టీ 5జీ ఫోన్ లో 6.6 అంగుళాల ఫుల్ హెచ్ డీ ప్లస్ ఐసీఎస్ ఎల్సీడీ ప్యానల్ ఉంటుంది. 90Hz రిఫ్రెష్మెంట్ రేటు ఉంటుంది. దీనిలో వాటర్ డ్రాప్ నాట్చ్ కలిగిన 16ఎంపీ సెల్ఫీ కెమెరా ఉంటుంది. వెనుకవైపు ట్రిపుల్ కెమెరా సెటప్ ఉంటుంది. 50 ఎంపీ ప్రైమరీ కెమరాతో పాటు రెండు 2ఎంసీ సెకండరీ కెమెరాలు ఉంటాయి. అంతేకకాక మీడియా టెక్ డైమెన్సిటీ 810 ప్రాసెసర్ ఉంటుంది. ఆండ్రాయిడ్ 13 ఆధారంగా పనిచేస్తుంది. 8జీబీ ర్యామ్, 256జీబీ స్టోరేజీ సామర్థ్యంతో పనిచేస్తుంది. 5000 ఎంఏహెచ్ బ్యాటరీతో పాటు 18 వాట్స్ ఫాస్ట్ చార్జింగ్ సపోర్టు ఉంటుంది. టైప్ సీ చార్జింగ్ పోర్టు ఉంటుంది.
ధర, కలర్స్..
రియల్ మీ 10టీ 5జీ రెండు వేరియంట్లలో అందబాటులో ఉంది. 4జీబీ ర్యామ్, 128 జీబీ స్టోరేజ్, 8జీబీ ర్యామ్, 256జీబీ స్టోరేజ్ సామర్థ్యాలతో వస్తోంది. 4జీబీ వేరియంట్ 6,999 టీహెచ్బీ ఉంటుంది. మన కరెన్సీలో దాదాపు రూ. 16,000. అలాగే 8జీబీ వేరియంట్ టీహెచ్బీ 8,999, మన కరెన్సీలో రూ. 21,000 వరకూ ఉంటుంది. ఇది ఎలక్ట్రిక్ బ్లాక్, డ్యాష్ బ్లూ కలర్ ఆప్షన్స్ లో అందుబాటులో ఉంది.
మరిన్ని టెక్నాలజీ వార్తల కోసం ఇక్కడ క్లిక్ చేయండి..
