Moto G34: భారత మార్కెట్లోకి వచ్చేసిన మోటో బడ్జెట్‌ ఫోన్‌.. రూ. 10 వేలలోనే 5జీ..

ఎప్పటి నుంచో ఎదురు చూస్తున్న కొత్త స్మార్ట్‌ ఫోన్‌ భారత మార్కెట్లోకి వచ్చేసింది. ప్రముఖ ఎలక్ట్రానిక్‌ దిగ్గజ సంస్థ మోటోరోలా ఇండియన్‌ మార్కెట్లోకి కొత్త ఫోన్‌ను తీసుకొచ్చింది. మోటో జీ34 పేరుతో 5జీ ఫోన్‌ను లాంచ్‌ చేసింది. తక్కువ బడ్జెట్‌లో 5జీ నెట్‌వర్క్‌కి సపోర్ట్ చేసే ఫోన్‌ను తీసుకొచ్చారు. చైనాలో గతేడాది డిసెంబర్‌లో లాంచ్‌ అయిన ఈ ఫోన్‌ను తాజాగా మంగళవారం లాంచ్‌ చేశారు. ఇంతకీ ఈ స్మార్ట్‌ ఫోన్‌లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు మీకోసం..

మోటో జీ34 5జీ స్మార్ట్ ఫోన్‌ ధర విషయానికొస్తే 4 జీబీ ర్యామ్‌, 128 జీబీ స్టోరేజ్‌ వేరియంట్‌ ధర రూ. 10,999గా నిర్ణయించారు. ఇక 8 జీబీ ర్యామ్‌, 128 జీబీ స్టోరేజ్‌ వేరియంట్‌ ధర రూ. 11,999గా ఉంది. లాంచింగ్‌ ఆఫర్‌లో భాగంగా ఈ స్మార్ట్‌ ఫోన్‌పై రూ. వెయ్యి ఇన్‌స్టాంట్‌ డిస్కౌంట్‌ లభిస్తోంది. దీంతో ఈ ఫోన్‌ బేసిక్‌ వేరియంట్‌ను రూ. 10 వేలకే సొంతం చేసుకోవచ్చు. ఇక మంగళవారం భారత్‌లో లాంచ్‌ అయిన ఈ ఫోన్‌ సేల్‌ జనవరి 17వ తేదీ నుంచి ఫ్లిప్‌కార్ట్‌తో పాటు మోటో అధికారిక వెబ్‌సైట్‌లో అందుబాటులోకి రానున్నాయి.

ఇక ఈ ఫోన్‌ ఫీచర్ల విషయానికొస్తే ఇందులో ఆండ్రాయిడ్‌ 14 ఆపరేటింగ్ సిస్టమ్‌ను అందించారు. మూడేళ్లపాటు సెక్యూరిటీ అప్‌డేట్స్‌ను అందించనున్నారు. అలాగే ఆండ్రాయిడ్ 15కి ఆపరేటింగ్ సిస్టమ్‌ను అప్‌డేట్ చేసుకోవచ్చు. ఇక స్క్రీన్‌ విషయానికొస్తే ఇందులో 6.5 ఇంచెస్‌తో కూడిన హెచ్‌డీ+ ఎల్‌సీడీ డిస్‌ప్లేను అందించారు. 720×1,600 పిక్సెల్స్‌ రిజల్యూషన్‌, 20:9 యాక్సెప్ట్ రేషియో ఈ స్క్రీన్‌ సొంతం. పాండా గ్లాస్‌ ప్రొటెక్షన్‌ను ఈ స్క్రీన్‌ను అందించారు. ఈ స్మార్ట్‌ ఫోన్‌ స్నాప్‌డ్రాగన్‌ 695 ఎస్‌ఓసీ ప్రాసెసర్‌తో పనిచేస్తుంది. ఈ ఫోన్‌లో 8 జీబీ ర్యామ్‌ను అందించనున్నారు. వర్చువల్‌గా ర్యామ్‌ను 16జీబీ వరకు పెంచుకోవచ్చు.

ఇక కెమెరా విషయానికొస్తే ఇందులో 50 మెగాపిక్సెల్స్‌తో కూడిన రెయిర్‌ కెమెరాను అందించారు. అలాగే సెల్ఫీలు, వీడియోల కోసం 16 మెగాపిక్సెల్స్‌తో కూడిన ఫ్రంట్‌ కెమెరాను అందించారు. ఈ స్మార్ట్‌ ఫోన్‌లో స్టోరేజ్‌ని ఎస్‌డీ కార్డు ద్వారా 1 టీబీ వరకు పెంచుకోవచ్చు. కనెక్టివిటీ ఫీచర్ల విషయానికొస్తే ఇందులో 5జీ నెట్‌వర్క్‌, వైఫై 802.11, బ్లూటూత్‌, ఎఫ్‌ రేడియో, 3.5 ఎమ్‌ఎమ్‌ హెడ్‌ఫోన్‌ జాక్‌, యూఎస్‌బీ టైప్‌ సీ పోర్ట్‌ వంటి ఫీచర్లను అందించారు. ఇక మోటో జీ 34 5జీ స్మార్ట్‌ ఫోన్‌లో 29 వాట్స్‌ టర్బో పవర్‌కు సపోర్ట్ చేసే 5000 ఎమ్‌ఏహెచ్‌ బ్యాటరీని అందించారు.

మరిన్ని టెక్నాలజీ వార్తల కోసం క్లిక్ చేయండి..