GPS Vs Navic: మీ మొబైల్ ఫోన్లలో ఎన్ని రకాల శాటిలైట్ నావిగేషన్ సిస్టమ్‌లు ఉన్నాయో తెలుసా.. భారతీయులు ఇతరులకంటే ఏం ప్రత్యేకతంటే..
Satellite Navigation Systems: మనం ఎక్కడికైన వెళ్లాలని అనుకుంటే జీపీఎస్ ఆన్ చేస్తాం. నావిగేషన్ ఇచ్చే రూట్ మ్యాప్‌తో ముందుకు కదులుతాం. అయితే మనం ఇప్పటి వరకు వినియోగిస్తున్న నావిగేషన్.. గూగుల్ మ్యాపింగ్ మొత్తం అమెరికా నుంచి పని చేస్తుంది. అయితే, Apple తన కొత్త ఐఫోన్ సిరీస్‌లో NavIC నావిగేషన్ సిస్టమ్‌కు మద్దతు ఇచ్చింది. ఇది ఇస్రో రూపొందించిన స్వదేశీ GPS వ్యవస్థ. అయితే, మన ఫోన్‌లో ఎలాంటి నావిగేషన్ ఉంటుందో తెలుసా..
Updated on: Sep 15, 2023 | 4:21 PM
మనమందరం ఉపయోగించే స్మార్ట్‌ఫోన్‌లలో అమెరికన్ జీపీఎస్ సిస్టమ్ ఇన్‌స్టాల్ చేయబడింది. ఇది ఒక ప్రదేశం నుంచి మరొక ప్రదేశానికి సమాచారాన్ని అందిస్తుంది. జీపీఎస్ వ్యవస్థ అమెరికా ప్రభుత్వ నియంత్రణలో పనిచేస్తుంది. మొబైల్ ఫోన్లలో ఎన్ని రకాల జీఎన్ఎస్ఎస్ ఉన్నాయో మనలో చాలా మందికి తెలియదు. ఆ విషయాలను ఇక్కడ తెలుసుకుందాం. జీఎన్ఎస్ఎస్ అంటే గ్లోబల్ నావిగేషన్ శాటిలైట్ సిస్టమ్.. అంటే అమెరికాలో జీపీఎస్ ఉన్నట్లే ఇతర దేశాల్లో కూడా గ్లోబల్ నావిగేషన్ సిస్టమ్స్ ఉన్నాయి.
మొత్తం 4 GNSS (గ్లోబల్ నావిగేషన్ శాటిలైట్ సిస్టమ్) ఉన్నాయి. ప్రపంచంలో మొత్తం 4 గ్లోబల్ నావిగేషన్ శాటిలైట్ సిస్టమ్‌లు ఉన్నాయి. వీటిలో అమెరికా నిర్వహిస్తున్న జీపీఎస్, రష్యా GLONASS, యూరోపియన్ యూనియన్ గెలీలియో, చైనా BeiDou నిర్వహిస్తున్నాయి. ఇది కాకుండా, భారతదేశంలో కూడా ఓ నావిక్ సిస్టం ఉంది. ఐఆర్ఎన్ఎస్ఎస్, జపాన్ క్యూజెడ్‌ఎస్ఎస్ అనే రెండు భారతీయ నావిగేషన్ ఉపగ్రహ వ్యవస్థలు ఉన్నాయి. లోకల్ నావిగేషన్ శాటిలైట్ సిస్టమ్ కొన్ని పరిమితులను మాత్రమే కవర్ చేస్తుంది. అయితే గ్లోబల్ సిస్టమ్ మీకు దేశవ్యాప్తంగా మ్యాపింగ్ సమాచారాన్ని అందిస్తుంది.
ఐఫోన్‌లో స్వదేశీ నావిగేషన్..
మొబైల్ కంపెనీలు తమ స్మార్ట్ ఫోన్లలో అమెరికాకు చెందిన జీపీఎస్ సిస్టమ్‌ను ఎక్కువగా వినియోగిస్తున్నాయి. దాని సహాయంతో మీరు లొకేషన్ మొదలైన వాటి గురించి సమాచారాన్ని పొందుతున్నారు. అయితే, గురువారం మార్కెట్లోకి ఇచ్చిన స్వదేశంలో తయారు చేసిన యాపిల్ తన కొత్త ఐఫోన్ సిరీస్‌లో భారతదేశ స్వదేశీ జీపీఎస్ వ్యవస్థను అందించింది. నావిగేటర్‌కు iPhone 15 Pro, Pro maxలో మద్దతు ఉంది. ప్రధాని మోదీ కొత్త జీపీఎస్ వ్యవస్థను భారతీయ మత్స్యకారులకు అంకితం చేశారు. దానికి నావిక్ అని పేరు పెట్టారు. Apple కాకుండా, కొన్ని చైనీస్ స్మార్ట్‌ఫోన్ బ్రాండ్‌లు కూడా తమ పరికరాలలో NavICకి మద్దతు ఇవ్వడం ప్రారంభించాయి. 2025 నాటికి తమ మొబైల్ ఫోన్లలో స్వదేశీ GPS వ్యవస్థలను అందించాలని మొబైల్ తయారీదారులందరినీ కేంద్ర ప్రభుత్వం కోరింది.
GPS, నావిగేటర్ మధ్య తేడా ఏంటంటే..
జీపీఎష్, నావిక్(NAVIC) మధ్య వ్యత్యాసం ఏంటంటే.. జీపీఎస్ మొత్తం భూమిని కవర్ చేస్తుంది. అయితే నావిక్ (NAVIC ) భారతదేశం.. దాని పరిసర ప్రాంతాలను మాత్రమే కవర్ చేస్తుంది. నావిక్‌ను అభివృద్ధి చేయడానికి 2006లో ఆమోదం లభించింది. అయితే ఈ ప్రాజెక్ట్ ఆలస్యమవుతూనే ఉంది. అయితే, ఈ పని మోదీ ప్రభుత్వం ప్రతిష్టాత్మకంగా తీసుకుంది. 2018లో దీని పని ప్రారంభమైంది. స్వదేశీ వ్యవస్థ 7 ఉపగ్రహాల సహాయంతో పనిచేస్తుంది. ఇది భారత్ మొత్తం భూభాగాన్ని కవర్ చేస్తుంది. భారతదేశంతో పాటు.. ఈ స్వదేశీ వ్యవస్థ చుట్టుపక్కల దేశాలకు ఖచ్చితమైన స్థాన ఆధారిత సమాచారాన్ని అందించగలదు.
మరిన్ని టెక్నాలజీ న్యూస్ కోసం
