Malware Attacks: మొబైల్స్‌పై పెరిగిన మాల్వేర్ దాడులు.. సంచలన నివేదికలో నివ్వెరపోయే వాస్తవాలు
వినియోగదారుల వ్యక్తిగత డేటాను తస్కరించడమే లక్ష్యంగా మోసగాళ్లు సరికొత్త మాల్వేర్లతో పంజా విసరుతున్నారు. 2023లో ప్రపంచవ్యాప్తంగా మాల్వేర్, యాడ్‌వేర్, రిస్క్‌వేర్ నుంచి మొబైల్ పరికరాలపై దాదాపు 33.8 మిలియన్ల దాడులు నిరోధించాయి. అయితే గత సంవత్సరం గణాంకాలతో పోలిస్తే ఇటువంటి దాడులు 50 శాతం పెరిగాయని కొత్త నివేదిక వెల్లడించింది.
పెరుగుతున్న టెక్నాలజీ మనుషులకు సరికొత్త సమస్యలను తెచ్చిపెడుతుంది. ఇటీవల కాలంలో ప్రతి ఒక్కరి చేతుల్లో మొబైల్ ఫోన్స్ ఉంటున్నాయి. ఈ నేపథ్యంలో అందులోని డేటాను తస్కరించడానికి సైబర్ నేరగాళ్లు పుట్టుకొచ్చారు. వినియోగదారుల వ్యక్తిగత డేటాను తస్కరించడమే లక్ష్యంగా మోసగాళ్లు సరికొత్త మాల్వేర్లతో పంజా విసరుతున్నారు. 2023లో ప్రపంచవ్యాప్తంగా మాల్వేర్, యాడ్‌వేర్, రిస్క్‌వేర్ నుంచి మొబైల్ పరికరాలపై దాదాపు 33.8 మిలియన్ల దాడులు నిరోధించాయి. అయితే గత సంవత్సరం గణాంకాలతో పోలిస్తే ఇటువంటి దాడులు 50 శాతం పెరిగాయని కొత్త నివేదిక వెల్లడించింది. పరిశోధకులు మూడు కొత్త ప్రమాదకరమైన మాల్వేర్ వేరియంట్‌లైన టాంబిర్, డీడబ్ల్యూఫోన్, గిగాబడ్ వంటి వాటి వల్ల వ్యక్తిగత డేటా తస్కరణకు గురవుతుందని గుర్తించారు. ఈ మాల్వేర్స్ వల్ల కలిగే నష్టాలు ఏంటో? ఓసారి తెలుసుకుందాం.
టాంబిర్, డీడబ్ల్యూఫోన్, గిగాబడ్ హానికరమైన ప్రోగ్రామ్‌లను డౌన్‌లోడ్ చేయడం వల్ల క్రెడెన్షియల్ దొంగతనం నుంచి టూ-ఫాక్టర్ ఆథెంటికేషన్, స్క్రీన్ రికార్డింగ్‌ను దాటవేయడం, వినియోగదారు గోప్యత, భద్రతను ప్రమాదంలో పడేసే వరకు విభిన్న లక్షణాలను ప్రదర్శిస్తాయని వెల్లడైంది. రెండు సంవత్సరాల సాపేక్ష ప్రశాంతత తర్వాత 2023లో ఆండ్రాయిడ్ మాల్వేర్, రిస్క్‌వేర్ కార్యకలాపాలు పెరిగాయి. నివేదిక ప్రకారం తంబిర్ అనేది టర్కీలోని వినియోగదారులను లక్ష్యంగా చేసుకునే స్పైవేర్ అప్లికేషన్. ఐపీ టీవీ యాప్‌గా తగిన అనుమతులను పొందిన తర్వాత ఎస్ఎంఎస్, కీస్ట్రోక్‌ల వంటి సున్నితమైన వినియోగదారు సమాచారాన్ని సేకరిస్తుంది. నవంబర్ 2023లో కనుగొన్న డీడబ్ల్యూఫోన్ చైనీస్ ఓఈఎ: తయారీదారుల నుంచి సెల్ ఫోన్‌లను లక్ష్యంగా చేసుకుంది. ప్రధానంగా రష్యన్ మార్కెట్‌ను లక్ష్యంగా చేసుకుని మాల్వేర్ సిస్టమ్ అప్‌డేట్ అప్లికేషన్‌లా కనిపిస్తూ వినియోగదారుల డేటాను తస్కరిస్తుంది.
గిగాబడ్ 2022 మధ్యకాలం నుంచి వెలుగులోకి వచ్చింది. మొదట ఆగ్నేయాసియాలోని వినియోగదారుల నుండి బ్యాంకింగ్ ఆధారాలను దొంగిలించడంపై దృష్టి పెట్టింది. కానీ తర్వాత పెరూ వంటి ఇతర దేశాలకు సరిహద్దులు దాటి అప్పటి నుంచి ఇది నకిలీ లోన్ మాల్వేర్‌గా పరిణామం చెందింది. ముఖ్యంగా 2ఎఫ్ఏను దాటవేయడానికి వినియోగదారుల ద్వారా స్క్రీన్ రికార్డింగ్, అనుకరించే ట్యాపింగ్ చేయగలదని పరిశోధకులు కనుకొన్నారు. పెరుగుతున్న దాడుల నేపథ్యంలో యూజర్లు జాగ్రత్త ఉండాలని నిపుణులు సూచిస్తున్నారు. అనధికారిక మూలాల నుంచి యాప్‌లను డౌన్‌లోడ్ చేయకుండా యాప్ అనుమతులను నిశితంగా సమీక్షించాలని చెబుతున్నారు. ఈ యాప్‌లు దోపిడీ కార్యాచరణను కలిగి ఉండవని, వినియోగదారు మంజూరు చేసిన అనుమతులపై మాత్రమే ఆధారపడి ఉంటాయని, యాంటీ-మాల్వేర్ సాధనాలను ఉపయోగించడం మీ ఆండ్రాయిడ్ పరికరానికి సంబంధించిన సమగ్రతను కాపాడుకోవడంలో సహాయపడుతుందని వెల్లడిస్తున్నారు.
మరిన్ని టెక్నాలజీ వార్తల కోసం ఇక్కడ క్లిక్ చేయండి..
