Gas Cylinder Tips: ఈ టిప్స్‌ ఫాలో అయితే నెల రోజులు వచ్చే గ్యాస్ సిలిండర్‌ 45 రోజులు వస్తుంది!

Gas Cylinder Tips: మీ గ్యాస్ సిలిండర్ వినియోగాన్ని పెంచడానికి ఇక్కడ అద్భుతమైన చిట్కాలు ఉన్నాయి. ఈ చిట్కాలను పాటించినట్లయితే నెల రోజులు వచ్చే మీ సిలిండర్‌ ఏకంగా 45 రోజుల వరకు వస్తుంది. దీని వల్ల మీ గ్యాస్ ఎంతో ఆదా అవుతుంది. ప్రస్తుతం ఎల్‌పీపీ సంక్షేభం నేపథ్యంలో ఈ టిప్స్‌ ఎంతగానో ఉపయోగపడతాయి..

Gas Cylinder Tips

Subhash Goud |
Updated on: Mar 27, 2026 | 1:14 PM

Gas Cylinder Tips: మీ వంట గ్యాస్ సిలిండర్ వినియోగాన్ని సమర్థవంతంగా పెంచడానికి కొన్ని ముఖ్యమైన మార్గాలు ఇక్కడ ఉన్నాయి. ఈ సాధారణ చిట్కాలను అనుసరించడం ద్వారా నెల రోజులు వచ్చే గ్యాస్ 45 రోజులు పాటు ఉపయోగించుకోవచ్చు.

ఇది కూడా చదవండి: Free Gas: గృహ వినియోగదారులకు కేంద్రం భారీ గుడ్‌న్యూస్‌.. రూ.500 వరకు ఉచిత గ్యాస్‌.. సెక్యూరిటీ ఫీజు జీరో…!

మొదట: స్టవ్ వెలిగించినప్పుడు మంట ఎప్పుడూ నీలం రంగులో ఉండాలి. మంట ఎరుపు లేదా పసుపు రంగులో ఉంటే, బర్నర్ రంధ్రాలు పూడుకుపోయాయని అర్థం. దీనివల్ల గ్యాస్ ఎక్కువగా వృథా అవుతుంది. అందుకే బర్నర్లను వెంటనే శుభ్రం చేయాలి.
రెండవది: వంట చేసేటప్పుడు పాత్రపై మూత పెట్టడం తప్పనిసరి. మూత పెట్టడం వల్ల ఆవిరి బయటకు పోకుండా లోపలే ఉండి, ఆహారం త్వరగా ఉడుకుతుంది. తద్వారా 30% గ్యాస్ ఆదా అవుతుంది.

ఇవి కూడా చదవండి

మూడవది: స్టవ్ మీద పాత్ర పెట్టేముందు అది పొడిగా ఉందో లేదో చూసుకోండి. తడి పాత్ర పెడితే ఆ నీరు ఆవిరి కావడానికే కొంత గ్యాస్ వృథా అవుతుంది. అందుకే పాత్రను తుడిచి వాడటం మంచిది.
నాలుగవది: పప్పులు, బియ్యం లేదా శనగలు వంటివి వండే ముందు కనీసం అరగంట సేపు నీటిలో నానబెట్టండి. దీంతో అవి త్వరగా ఉడుకుతాయి. వంట సమయం తగ్గి గ్యాస్ ఆదా అవుతుంది.
ఐదవది: వీలైనంత వరకు ఎక్కువగా వంటలను ప్రెజర్ కుక్కర్‌లో చేయండి. సాధారణ పాత్రల కంటే కుక్కర్‌లో వంట త్వరగా అవుతుంది, గ్యాస్ వినియోగం తగ్గుతుంది.
చివరగా పెద్ద బర్నర్‌పై చిన్న గిన్నె పెట్టి వండొద్దు. మంట గిన్నె దాటి బయటికి వస్తే అది గ్యాస్ వృథా అవుతుందని గుర్తుంచుకోవాలి. అందువల్ల మీడియం ఫ్లేమ్‌లో వంట చేయడం అలవాటు చేసుకోండి. ఈ చిట్కాల ద్వారా మీరు గ్యాస్ వినియోగాన్ని తగ్గించుకోవచ్చు.