House on Moon: చంద్రుడిపై ఉన్న ఆ వింత ఆకారం ఏంటబ్బా.. వైరల్ అవుతున్న ఫోటోలు.. మిస్టరీని చేధించే పనిలో శాస్త్రవేత్తలు..!

House on Moon: చంద్రుడిపై ఉన్న ఆ వింత ఆకారం ఏంటబ్బా.. వైరల్ అవుతున్న ఫోటోలు.. మిస్టరీని చేధించే పనిలో శాస్త్రవేత్తలు..!
China Rover Moon

House on Moon: ఈ విశ్వంలో నవగ్రహాలతో పాటు మనకు తెలియని మరెన్నో గ్రహాలు, నక్షత్రాలు, గ్రహ శకలాలు.. ఇంకా ఎన్నో వింతలు విశేషాలు ఉన్నాయి. వాటిని పసిగట్టేందుకు

Shiva Prajapati

|

Dec 07, 2021 | 9:31 AM

House on Moon: ఈ విశ్వంలో నవగ్రహాలతో పాటు మనకు తెలియని మరెన్నో గ్రహాలు, నక్షత్రాలు, గ్రహ శకలాలు.. ఇంకా ఎన్నో వింతలు విశేషాలు ఉన్నాయి. వాటిని పసిగట్టేందుకు ప్రపంచ దేశాల శాస్త్రవేత్తలు పోటీ పడి మరీ పరిశోధనలు నిర్వహిస్తున్నారు. ముఖ్యంగా గ్రహాలపై వేట ఓ రేంజ్‌లో చేస్తున్నారు. భూమిని పోలిన గ్రహాలు విశ్వంలో ఉన్నాయా? ఇక్కడ ఉండే వాతావరణం మరే గ్రహంపైనైనా ఉందా? అనే అంశాలను సీరియస్‌గా పరిశోధిస్తున్నారు. ముఖ్యంగా మార్స్‌పై, భూమికి సమీపంగా ఉండే చంద్రుడిపై ఈ ప్రయోగాల స్థాయి మరింత ఎక్కువే అని చెప్పాలి. అయితే, తాజాగా మనకు కనిపించే చందమామపైకి చేంజ్ 3 రోవర్‌ను పంపిన చైనా.. ఆ తర్వాత మనకు కనిపించనివైపు ఉండే చందమామపైకి యూటు-2 రోవర్‌ని పంపింది. ఆ రోవర్ ఇప్పుడు చందమామను పరిశోధిస్తోంది. మరోవైపు నాసా కూడా చందమామ దగ్గరకు వ్యోమగాముల్ని పంపేందుకు భారీ ప్రాజెక్టు చేపట్టింది. ఇలాంటి సమయంలో యూటు-2 రోవర్ పంపిన ఓ ఫొటో అందరిలోనూ ఆసక్తి రేపుతోంది. ఇంతకీ ఆ ఫోటోలో ఉన్నదేంటి? అంత ఆసక్తి ఎందుకు కలిగిస్తోంది. సైంటిస్టులు దానిని ఎందుకు అంత సీరియస్‌గా తీసుకున్నారు? వివరాలు ఇప్పుడు తెలుసుకుందాం..

చైనాకు చెందిన యుటు-2 రోవర్‌ 2019 నుంచి చందమామ అవతలి భాగాన్ని పరిశోధిస్తోంది. తాజాగా ఈ రోవర్ నుంచి వచ్చిన ఓ ఫొటోలో ఓ క్యూబ్ లాంటి ఇల్లు ఆకారం కనిపించింది. చూడ్డానికి అదో సింగిల్ బెడ్ రూంలాగా ఉంది. ఓ తలుపు కూడా ఉన్నట్లు కనిపిస్తోంది. ఇప్పుడు ఈ ఫోటో సోషల్‌ మీడియాలో తెగ వైరల్‌ అవుతుంది. అయితే చైనా స్పేస్ ప్రోగ్రామ్‌ అధికారి ఆండ్ర్యూ జోన్స్ రోవర్‌ పంపిన ఫోటోను ట్విట్టర్ ద్వారా షేర్ చేశారు.

యూటు-2 రోవర్ చంద్రుడిపై తీసిన ఫొటోని షేర్ చేస్తూ… అందులో క్యూబ్ షేప్‌లో ఏదో ఉంది అని తెలిపారు జోన్స్‌. అది వోన్ కార్మాన్ పగులు లోయలో ఉందని, అది రోవర్‌కి 80 మీటర్ల దూరంలో ఉందని ట్వీట్‌లో రాసుకొచ్చాడు. అయితే ఇప్పుడు ఆ క్యూబ్ షేప్‌లో ఉన్నది ఏమిటన్నది తెలుసుకునేందుకు చైనా శాస్త్రవేత్తలు ప్రయత్నిస్తున్నారు. ఐతే.. ఈ మిస్టరీ వీడేందుకు చాలా రోజుల టైమ్‌ పట్టవచ్చని అంటున్నారు సైంటిస్టులు. ఎందుకంటే… యూటు-2 రోవర్ ఆ ఇంటి లాంటి నిర్మాణాన్ని చేరేందుకు సమయం పడుతుందని అన్నారు. ఆ రోవర్ చాలా నెమ్మదిగా కదులుతుందని, దాన్ని కదిలించే పనిని భూమిపై ఉన్న చైనా శాస్త్రవేత్తలు చేపడుతున్నారు.

 Also read:

AP Government: భూమిస్తేనే లేఅవుట్లకు అనుమతి.. ఏపీ సర్కార్ సంచలన నిర్ణయం

Megastar Chiranjeevi: స్పీడ్ పెంచిన చిరంజీవి.. మెగా డిసెంబర్ అంటూ నెట్టింట్లో చిరు మేనియా..

Mysterious Disease: ఆ ఊరిని గడగడలాడిస్తున్న వింత వ్యాధి.. విద్యార్థులకు మాత్రమే అలా జరుగుతుండటంతో..!

Follow us on

Most Read Stories

Click on your DTH Provider to Add TV9 Telugu