Instagram Posts : ఇన్‌స్టాగ్రామ్ పోస్ట్‌ల ద్వారా అత్యధికంగా సంపాదించే ఆటగాళ్లు వీరే..! మీరు ఓ లుక్కేయండి..

Instagram Posts : ఒక్కసారి క్రీడాకారులుగా గుర్తింపు వచ్చిందంటే ఆదాయం దానంతటే అదే వస్తూ ఉంటుంది. ఆటలు ఆడటం ద్వారా మాత్రమే కాకుండా

Virat Kohli

uppula Raju |

Updated on: Jul 02, 2021 | 7:44 AM

Instagram Posts : ఒక్కసారి క్రీడాకారులుగా గుర్తింపు వచ్చిందంటే ఆదాయం దానంతటే అదే వస్తూ ఉంటుంది. ఆటలు ఆడటం ద్వారా మాత్రమే కాకుండా ఇంకా చాలా విధాలుగా వారికి ఇన్‌కమ్ ఉంటుంది. బిజినెస్, యాడ్స్ ఇవి కాకుండా ఇప్పుడు సోషల్ మీడియా అకౌంట్లు కూడా వారికి ఆదాయాన్ని తెచ్చిపెడుతున్నాయి. ప్రతిరోజు వారు చేసే పోస్ట్‌ల ద్వారా చాలామంది డబ్బులు సంపాదిస్తున్నారు. అందులో ముఖ్యంగా ఇన్‌స్టాగ్రామ్ పోస్ట్‌ల ద్వారా చాలా మంది స్పోర్ట్స్ పర్సన్స్ అధికంగా వెనకేసుకుంటున్నారు. అయితే ఇందులో అత్యధికంగా సంపాదించే ఆటగాళ్లలో ఎవరెవరు ఉన్నారనేది హాప్పర్ హెచ్‌క్యూ విడుదల చేసింది. ఈ జాబితాలో అగ్రశ్రేణి ఆటగాళ్ళలో విరాట్ కోహ్లీ కూడా ఉన్నాడు.

1. హాప్పర్ హెచ్‌క్యూ ప్రకారం.. ఇన్‌స్టాగ్రామ్ పోస్ట్ నుంచి అత్యధికంగా సంపాదించే ఆటగాడు పోర్చుగల్ స్టార్ ఫుట్‌బాల్ క్రీడాకారుడు క్రిస్టియానో రొనాల్డో. ఇతడు ఇన్‌స్టాగ్రామ్ పోస్ట్ కోసం రూ.11.9 కోట్లు వసూలు చేస్తున్నాడు. రొనాల్డో 4 రోజుల క్రితం ఇన్‌స్టాగ్రామ్‌లో తాజా పోస్ట్ చేశాడు ఇందులో అతను పోర్చుగల్ ఫుట్‌బాల్ జట్టుతో కనిపిస్తాడు. ఈ చిత్రాన్ని యూరో 2020 సమయంలో తీశారు.

2. ఇన్‌స్టాగ్రామ్ పోస్ట్ కోసం అత్యధిక పారితోషికం తీసుకునే రెండో ఆటగాడు అర్జెంటీనా స్టార్ ఫుట్‌బాల్ క్రీడాకారుడు లియోనెల్ మెస్సీ. ఇన్‌స్టాగ్రామ్ పోస్టుకు మెస్సీ రూ.8.6 కోట్లు వసూలు చేస్తున్నాడు. అయితే బార్సిలోనాతో మెస్సీ ఒప్పందం జూన్ 30 తో ముగుస్తుంది.

3. ఇన్‌స్టాగ్రామ్ పోస్ట్ నుంచి అత్యధిక వసూళ్లు చేసిన మూడవ ఆటగాడు బ్రెజిల్ ఫుట్‌బాల్ క్రీడాకారుడు నేమార్. ఇన్‌స్టాగ్రామ్ పోస్టుకు రూ .16.1 కోట్లు సంపాదిస్తాడు. ఒక రోజు క్రితం చేసిన కొత్త ఇన్‌స్టాగ్రామ్ పోస్ట్‌లో నేమార్ తన సహచరుడు థియాగో సిల్వాతో కలిసి కనిపించాడు.

4. ఇన్‌స్టాగ్రామ్ పోస్ట్ నుంచి అత్యధిక పారితోషికం తీసుకునే ఆటగాళ్ల జాబితాలో విరాట్ కోహ్లీ నాలుగో స్థానంలో ఉన్నాడు. విరాట్ కోహ్లీ ఇన్‌స్టాగ్రామ్ పోస్టుకు రూ .5 కోట్లు సంపాదిస్తున్నాడు. విరాట్ ప్రస్తుతం టెస్ట్ సిరీస్ ఆడటానికి ఇంగ్లాండ్‌లో ఉన్నాడు. విరాట్ తన తాజా ఇన్‌స్టాగ్రామ్ పోస్ట్‌ను ఇంగ్లాండ్ నుంచే షేర్ చేస్తు్న్నాడు. ఇందులో అనుష్కతో కలిసి ఉన్న ఫొటోలను కూడా షేర్ చేస్తాడు.