ఇండోనేసియా ఓపెన్ ఫైనల్లో సింధు!
ఇండోనేసియా ఓపెన్ వరల్డ్ టూర్ సూపర్–1000 బ్యాడ్మింటన్ టోర్నమెంట్లో భారత స్టార్ షట్లర్ పీవీ సింధు ఫైనల్కు దూసుకెళ్లింది. సెమీస్లో చైనా షట్లర్ చెన్ యుఫీని 46 నిమిషాల్లోనే ఓడించింది. శనివారం జరిగిన ఈ సెమీస్లో 21-19, 21-10 తేడాతో యుఫీని సింధూ మట్టికరిపించి తొలిసారి ఇండోనేషియా ఓపెన్ ఫైనల్లోకి దూసుకెళ్లింది. మ్యాచ్ను చైనా షట్లర్ ధాటిగా ఆరంభించింది. సింధూపై మొదటి గేమ్లో 4-7తో ఆధిక్యంలోకి వెళ్లింది. తర్వాత దూకుడును పెంచిన సింధు అటాకింగ్ గేమ్తో మొదటి […]
Updated on: Jul 20, 2019 | 6:08 PM
ఇండోనేసియా ఓపెన్ వరల్డ్ టూర్ సూపర్–1000 బ్యాడ్మింటన్ టోర్నమెంట్లో భారత స్టార్ షట్లర్ పీవీ సింధు ఫైనల్కు దూసుకెళ్లింది. సెమీస్లో చైనా షట్లర్ చెన్ యుఫీని 46 నిమిషాల్లోనే ఓడించింది. శనివారం జరిగిన ఈ సెమీస్లో 21-19, 21-10 తేడాతో యుఫీని సింధూ మట్టికరిపించి తొలిసారి ఇండోనేషియా ఓపెన్ ఫైనల్లోకి దూసుకెళ్లింది. మ్యాచ్ను చైనా షట్లర్ ధాటిగా ఆరంభించింది. సింధూపై మొదటి గేమ్లో 4-7తో ఆధిక్యంలోకి వెళ్లింది. తర్వాత దూకుడును పెంచిన సింధు అటాకింగ్ గేమ్తో మొదటి సెట్ను 21-19తో కైవసం చేసుకుంది. అనంతరం రెండో గేమ్లో ప్రత్యర్థికి ఎలాంటి అవకాశం ఇవ్వకుండా సింధు పూర్తి ఆధిపత్యం ప్రదర్శించింది. దీంతో 21-10తో గేమ్తో పాటు మ్యాచ్ను చేజిక్కించుకుంది. ఇక ఫైనల్లో భాగంగా ఆదివారం జపాన్ స్టార్ క్రీడాకారిణి యమగూచితో సింధూ తలపడనుంది.
#IndonesiaOpenSuper1000 #SF ResultsSINDHU THROUGH TO FINALS!
PV Sindhu beats All England Champ 2nd seed Chen Yufei of China in STRAIGHT games 21-19 21-10!!!!14-18 down in first game & 0-4 down in second!!! She is Meaning Business here!!She faces Yamaguchi in Final! #BestLuck pic.twitter.com/5n3zl7DmW9
— Badminton Addict (@bad_critic346) July 20, 2019
