Boxam International: కోవిడ్ రక్కసి వెంటాడింది… స్వర్ణం పోయింది… ఫైనల్స్​ నుంచి ముగ్గురు భారత బాక్సర్ల ఔట్

Indian Boxers: కరోనా రక్కసి ఆటగాళ్లను కూడా వెంటాడుతోంది. బక్సమ్​ టోర్నీ ఫైనల్స్​కు ముందు.. భారత బాక్సర్​ ఆశీష్​ కుమార్​కు కరోనా అనుమానాలు..

  • Sanjay Kasula
  • Publish Date - 1:37 pm, Sun, 7 March 21
Boxam International: కోవిడ్ రక్కసి వెంటాడింది... స్వర్ణం పోయింది...  ఫైనల్స్​ నుంచి ముగ్గురు భారత బాక్సర్ల ఔట్
COVID-19 case hits Indian boxers in Spanish tourney

Indian Boxersl: కరోనా రక్కసి ఆటగాళ్లను కూడా వెంటాడుతోంది. బక్సమ్​ టోర్నీ ఫైనల్స్​కు ముందు.. భారత బాక్సర్​ ఆశీష్​ కుమార్​కు కరోనా అనుమానాలు పక్కకు తప్పించాయి. దీంతో అతని సహచరులు హుసాముద్దీన్​, సుమిత్​ సంగ్వాన్​లు కూడా టోర్నీ నుంచి తప్పుకున్నారు.

స్పెయిన్ వేదికగా జరుగుతోన్న బక్సమ్​ అంతర్జాతీయ బాక్సింగ్​ టోర్నమెంట్​ ఫైనల్​ పోరుకు ముందు.. భారత్​కు ఊహించని షాక్​ తగిలింది. కరోనా కారణంగా టోర్నీ నుంచి ముగ్గురు బాక్సర్లకు చేదు అనుభవం ఎదురైంది. 75 కేజీల విభాగంలో భారత్​కు ప్రాతినిథ్యం వహిస్తున్న ఆశీష్​ కుమార్​కు కొవిడ్​ పాజిటివ్​గా తేలింది. దీంతో అతని రూమ్​మేట్​లు అయిన మహమ్మద్​ హుసాముద్దీన్​ (57 కేజీ), సుమిత్ సంగ్వాన్ (81 కేజీ) కూడా పోటీ  వైదొలగాల్సి వచ్చింది.

ఈ ముగ్గురికి రజత పతకాలు….

స్వర్ణం గెలుచుకోవల్సిన ఆటగాళ్లకు పెద్ద ఎదురుదెబ్బతగిలింది. ఫైనల్లో పోటీ పడితే వారికి స్వర్ణం గెలిచే వచ్చి వుండేది. హుసాముద్దీన్​, సంగ్వాన్​లకు చేసిన కరోనా పరీక్షల్లో నెగెటివ్​గా వచ్చినప్పటికీ.. స్థానిక ప్రభుత్వ మార్గదర్శకాల మేరకు టోర్నీ నుంచి తప్పుకోక తప్పలేదు.

మరోవైపు అనారోగ్యం కారణంగా మరో వెటరన్​ బాక్సర్ సతీశ్​ కుమార్ 91 పైన కేజీల విభాగం కూడా ఫైనల్లో పాల్గొనలేదు. ఇతనికీ రజత పతకం దక్కనుంది. ​ఎంతో గొప్పగా ప్రారంభించిన బాక్సింగ్ పోటీలు.. చివరికిలా ముగించింది భారత్. ఆశీష్​కు ఎలాంటి వైరస్​ లక్షణాలు లేవు.. కానీ.. అతడు బాగానే ఉన్నాడని భారత బాక్సింగ్ హై పర్ఫామెన్స్​ డైరెక్టర్ శాంటిగో నీవా పేర్కొన్నారు.

ఒక్కరే ‘బంగారం’..

ఇందిలావుంటే.. పురుషుల 63 కేజీ విభాగంలో కేవలం మనీశ్​ కుమార్​ మాత్రమే స్వర్ణం కైవసం చేసుకున్నాడు. ఫైనల్లో డెన్మార్క్​ ప్రత్యర్థి నికోలై టెర్టెర్యాన్​పై మనీశ్​ గెలుపొందాడు. మోకాలి గాయం తగ్గడంతో తర్వాత ఆడిన తొలి టోర్నమెంట్​లోనే మనీశ్​ సత్తా చాటాడు. 69 కేజీల విభాగంలో వికాస్​ క్రిష్ణన్ ఫైనల్లో ఓటమి పాలయ్యాడు. పైగా ఈ పోటీలో అతనికి కంటికి గాయమైంది.

ఇవి కూడా చదవండి

తక్కువ ధరలకే మందులు దొరికే ‘మోదీ కీ దుకాన్’, ప్రజారోగ్యానికి ప్రాధాన్యం, మోదీ

Richards Birthday Special: విధ్వంసకరమైన ఆటకు తొలి ప్రతీక వివియన్‌ రిచర్డ్స్‌, రిచర్డ్స్‌ అంటేనే ఊచకోత..