అఫ్గాన్‌పై బంగ్లా సూపర్ విక్టరీ

ఈ ప్రపంచకప్‌లో ఆల్‌రౌండ్ ప్రదర్శన కనబరుస్తూ అందరి ప్రశంసలు అందుకుంటోంది బంగ్లాదేశ్. భారత్ లాంటి బలమైన జట్టును ఓడించినంత పని చేసిన పసికూన అఫ్గాన్‌పై సూపర్ విక్టరీ సాధించింది. సోమవారం సౌథాంఫ్టన్ వేదికగా జరిగిన ఈ మ్యాచ్‌లో బంగ్లా 62 పరుగుల తేడాతో అఫ్గాన్‌పై అలవోకగా విజయాన్ని అందుకుంది. టాస్ ఓడి మొదట బ్యాటింగ్ చేసిన బంగ్లాదేశ్.. ముష్ఫికర్‌ రహీమ్‌(83), షకిబుల్ హసన్‌(51) రాణించడంతో నిర్ణీత 50 ఓవర్లకు 7 వికెట్లు నష్టపోయి 262 పరుగులు చేసింది. […]

Updated on: Jun 25, 2019 | 6:12 AM

ఈ ప్రపంచకప్‌లో ఆల్‌రౌండ్ ప్రదర్శన కనబరుస్తూ అందరి ప్రశంసలు అందుకుంటోంది బంగ్లాదేశ్. భారత్ లాంటి బలమైన జట్టును ఓడించినంత పని చేసిన పసికూన అఫ్గాన్‌పై సూపర్ విక్టరీ సాధించింది. సోమవారం సౌథాంఫ్టన్ వేదికగా జరిగిన ఈ మ్యాచ్‌లో బంగ్లా 62 పరుగుల తేడాతో అఫ్గాన్‌పై అలవోకగా విజయాన్ని అందుకుంది. టాస్ ఓడి మొదట బ్యాటింగ్ చేసిన బంగ్లాదేశ్.. ముష్ఫికర్‌ రహీమ్‌(83), షకిబుల్ హసన్‌(51) రాణించడంతో నిర్ణీత 50 ఓవర్లకు 7 వికెట్లు నష్టపోయి 262 పరుగులు చేసింది. అటు అఫ్గాన్ బౌలర్లలో ముజీబ్‌ రెహ్మాన్‌ (3/39) కట్టుదిట్టమైన బౌలింగ్ చేసి.. బంగ్లా భారీ స్కోర్ చేయకుండా కట్టడి చేశాడు.

అనంతరం లక్ష్య ఛేదనలో భాగంగా బరిలోకి దిగిన అఫ్గాన్‌ను… షకిబ్‌ (5/29), ముస్తాఫిజుర్‌ (2/32)లు గట్టి దెబ్బ తీయడంతో ఆ జట్టు 47 ఓవర్లలో 200 పరుగులకు ఆలౌటైంది. కెప్టెన్ గుల్బాదిన్‌ నైబ్‌ (47), షెన్వారి (49) మాత్రమే చెప్పుకోదగ్గ ఇన్నింగ్స్‌ ఆడారు. షకిబుల్ హాసన్‌కు ‘మ్యాన్‌ ఆఫ్‌ ద మ్యాచ్‌’ దక్కింది. ఇప్పటివరకు టోర్నీలో ఏడు మ్యాచ్‌లాడిన బంగ్లాదేశ్‌కు ఇది మూడో విజయం. ప్రస్తుతం ఆ జట్టు పాయింట్ల పట్టికలో ఐదో స్థానంలో ఉంది.

Bangladesh win for the third time in #CWC19!

Not for the first time this tournament, Shakib Al Hasan is their star man ? #CWC19 | #BANvAFG | #RiseOfTheTigers pic.twitter.com/qGULklaNj3

— Cricket World Cup (@cricketworldcup) June 24, 2019