Vijay Hazare Trophy: 22 బంతుల్లోనే 106 పరుగులు.. 17 ఏళ్ల కుర్రాడి వైల్డ్ ఫైర్ ఇన్నింగ్స్

ముంబై యువ ఆల్ రౌండర్ ఆయుష్ మ్హత్రే నూతన సంవత్సరాన్ని అట్టహాసంగా ప్రారంభించాడు. విజయ్ హజారే ట్రోఫీ రౌండ్ 7లో ఆయుష్ మ్హత్రే అద్భుతమైన సెంచరీని సాధించాడు. సౌరాష్ట్రపై భారీ సెంచరీతో చెలరేగాడు. తన మెరుపు ఇన్నింగ్స్‌తో ముంబై విజయానికి బాటలు వేశాడు. అహ్మదాబాద్‌లోని నరేంద్ర మోదీ స్టేడియంలో సౌరాష్ట్రతో జరిగిన మ్యాచ్‌లో ఆయుష్ ఈ ఘనత సాధించాడు. ఈ ఇన్నింగ్స్‌కు గానూ క్రికెట్ అభిమానుల నుంచి ఆయుష్ మ్హత్రే అభినందనలు అందుతున్నాయి. ఈ మ్యాచ్ లో సౌరాష్ట్ర ముందు బ్యాటింగ్ చేసి ముంబైకు 290 పరుగుల టార్గెట్ ను అందించింది. ఈ విన్నింగ్ ఛాలెంజ్‌ను ఛేదించేందుకు ముంబై నుంచి ఓపెనింగ్ జోడీ ఆయుష్ మ్హత్రే, జై బిష్టా బరిలోకి దిగారు. ఈ ఓపెనింగ్ జోడీ ముంబైకి మెరుపు ఆరంభాన్ని అందించింది. మొదట ఆయుష్ 38 బంతుల్లో 8 ఫోర్లు, 1 సిక్స్ సాయంతో అర్ధ సెంచరీ పూర్తి చేసుకున్నాడు. వీరిద్దరూ 141 పరుగుల సెంచరీ భాగస్వామ్యం నెలకొల్పారు. అయితే 18వ ఓవర్ నాలుగో బంతికి జై 45 పరుగుల వద్ద ఔటయ్యాడు.

జై ఔట్ అయిన తర్వాత కూడా ఆయుష్ అవతలి వైపు నుంచి బ్యాటింగ్ కొనసాగించాడు. ఆయుష్ టోర్నీలో తన మూడో మ్యాచ్‌లో రెండో సెంచరీని కూడా సాధించాడు. అర్ధ సెంచరీ తర్వాత, ఆయుష్ కేవలం 29 బంతుల్లో సెంచరీ పూర్తి చేశాడు. 67 బంతుల్లో 10 ఫోర్లు, 5 సిక్సర్ల సాయంతో ఆయుష్ ఈ సెంచరీ పూర్తి చేశాడు. సెంచరీ తర్వాత కూడా ఆయుష్ దూకుడు కొనసాగించాడు. చివరకు 148 పరుగుల వద్ద ఔటయ్యాడు. ఓవరాల్ గా ఆయుష్ 93 బంతుల్లో 9 సిక్సర్లు, 13 ఫోర్ల సాయంతో 159.14 స్ట్రైక్ రేట్‌తో 148 పరుగులు చేశాడు. ఇందులో 13 ఫోర్లు, 9 సిక్సర్లు ఉన్నాయి. అంటే కేవలం వీటితోనే 106 పరుగులు చేశాడన్నమాట.

Ayush Mhatre went unsold in the IPL, but the 17-year-old looks very impressive when batting.

pic.twitter.com/DIHc6EIgvQ

— Vipin Tiwari (@Vipintiwari952) December 3, 2024

An innings to remember! 😍

A quick fire century from Ayush Mhatre to power Mumbai to a victory! 💥#MCA #Mumbai #Cricket #Wankhede #BCCI pic.twitter.com/ZDGJL5Cicc

— Mumbai Cricket Association (MCA) (@MumbaiCricAssoc) January 5, 2025

మరిన్ని క్రీడా వార్తల కోసం ఇక్కడ క్లిక్ చేయండి..