డేవిడ్ వార్నర్కు అరుదైన బహుమతి ఇవ్వనున్న రాజమౌళి.. లిస్ట్లోకి బాహుబలి ఎంట్రీ..?
Rajamouli - David Warner: రాజమౌళి, డేవిడ్ వార్నర్ మధ్య ఉన్న స్నేహపూర్వక సంబంధానికి, అలాగే బాహుబలి సినిమా పట్ల వార్నర్కు ఉన్న అభిమానానికి ఈ సంఘటన నిదర్శనం. గతంలో వీరిద్దరూ ఒక వాణిజ్య ప్రకటనలో కూడా కలిసి నటించారు. అప్పటి నుంచి వీరి మధ్య మంచి బంధం కొనసాగుతోంది.
Updated on: Jul 29, 2025 | 8:29 PM
Rajamouli – David Warner: భారత సినీ ప్రపంచంలో తమదైన ముద్ర వేసిన దర్శకధీరుడు ఎస్.ఎస్. రాజమౌళి, ఆస్ట్రేలియా స్టార్ క్రికెటర్ డేవిడ్ వార్నర్కు ఒక అరుదైన బహుమతిని పంపనున్నారు. ‘బాహుబలి’ చిత్రంలోని రాజ కిరీటాన్ని వార్నర్కు బహుమతిగా ఇస్తానని రాజమౌళి ప్రకటించారు. ఈ ఆసక్తికరమైన సంఘటన ప్రస్తుతం సోషల్ మీడియాలో వైరల్గా మారింది.
వార్నర్ ‘బాహుబలి’ గెటప్, రాజమౌళి స్పందన..
ఆస్ట్రేలియా క్రికెట్కు వీడ్కోలు పలికిన తర్వాత కూడా డేవిడ్ వార్నర్కు తెలుగు రాష్ట్రాల్లో విశేషమైన అభిమాన గణం ఉంది. తెలుగు సినిమాలపై, పాటలపై తనకున్న అభిమానాన్ని చాటుకుంటూ వార్నర్ గతంలో అనేక టిక్ టాక్ రీల్స్, డబ్బింగ్ వీడియోలు చేసి తెలుగు ప్రేక్షకులను అలరించారు. ఇటీవల, వార్నర్ నితిన్ హీరోగా నటిస్తున్న ‘రాబిన్ హుడ్’ చిత్రంలో విలన్ పాత్రలో కూడా కనిపించారు.
తాజాగా, వార్నర్ తన ఇన్స్టాగ్రామ్ ఖాతాలో ‘బాహుబలి’ గెటప్ లో ఉన్న కొన్ని ఫోటోలను పంచుకున్నారు. ఈ ఫోటోలలో ఆయన కవచం, డాలు, కిరీటంతో బాహుబలిని పోలి ఉన్నారు. “కిరీటంతో ఉన్న ఫోటో బాగుందా? లేనిది నచ్చిందా?” అంటూ ఆయన తన పోస్ట్కు క్యాప్షన్ ఇచ్చారు. ఈ ఫోటోలు సోషల్ మీడియాలో వైరల్ అవ్వడంతో, దీనిపై స్వయంగా రాజమౌళి స్పందించారు.
“హాయ్ డేవిడ్.. మీరు ఇప్పుడు మాహిష్మతి సామ్రాజ్యానికి నిజమైన మహారాజులా తయారవ్వండి. నేను ఈ కిరీటాన్ని మీకు పంపుతున్నాను” అని సరదాగా రిప్లై ఇచ్చారు రాజమౌళి. దీనికి వార్నర్ స్పందిస్తూ, “ఈ ప్రత్యేకమైన బహుమతి కోసం ఎదురుచూస్తున్నాను” అని బదులిచ్చారు. బాహుబలి టీమ్ కూడా వార్నర్ కు “మీరు ఆస్ట్రేలియాలో ఈ సినిమాను మరోసారి చూడండి” అని కామెంట్ చేయగా, వార్నర్ “ఓకే” అని థంబ్స్-అప్ సింబల్తో తన అంగీకారాన్ని తెలిపారు.
View this post on Instagram
స్నేహబంధానికి నిదర్శనం..
రాజమౌళి, డేవిడ్ వార్నర్ మధ్య ఉన్న స్నేహపూర్వక సంబంధానికి, అలాగే బాహుబలి సినిమా పట్ల వార్నర్కు ఉన్న అభిమానానికి ఈ సంఘటన నిదర్శనం. గతంలో వీరిద్దరూ ఒక వాణిజ్య ప్రకటనలో కూడా కలిసి నటించారు. అప్పటి నుంచి వీరి మధ్య మంచి బంధం కొనసాగుతోంది.
‘బాహుబలి: ది ఎపిక్’ విడుదల..
‘బాహుబలి: ది బిగినింగ్’, ‘బాహుబలి 2: ది కన్క్లూజన్’ చిత్రాలు విడుదలై పదేళ్లు పూర్తవుతున్న సందర్భంగా, ఈ రెండు భాగాలను కలిపి ఒకే ఫార్మాట్లో ‘బాహుబలి: ది ఎపిక్’ పేరుతో ప్రపంచవ్యాప్తంగా అక్టోబర్ 31న విడుదల చేయనున్నారు. ఈ సందర్భంగానే రాజమౌళి వార్నర్ కు ఈ ప్రత్యేక బహుమతిని పంపడం విశేషం. ఈ వార్త బాహుబలి అభిమానులతో పాటు డేవిడ్ వార్నర్ అభిమానులకు కూడా ఆనందాన్ని పంచుతోంది.
మరిన్ని క్రికెట్ వార్తల కోసం ఇక్కడ క్లిక్ చేయండి..
