Team India: టీమిండియా ఆశలన్నీ ఈ ఐదుగురిపైనే.. లిస్టులో ఎవరున్నారంటే..
IND vs AUS: ఆస్ట్రేలియాతో భారత జట్టు మూడు టీ20 మ్యాచ్ల సిరీస్ ఆడనుంది. ఈ సిరీస్లో తొలి మ్యాచ్ సెప్టెంబర్ 20న మొహాలీలో, రెండో టీ20 సెప్టెంబర్ 23న నాగ్పూర్లో, చివరి మ్యాచ్ సెప్టెంబర్ 25న జరగనుంది.
Updated on: Sep 17, 2022 | 6:20 AM
IND vs AUS 2022: T20 ప్రపంచ కప్ 2022కి ముందు భారత జట్టు ఆస్ట్రేలియా వర్సెస్ దక్షిణాఫ్రికాతో స్వదేశంలో సిరీస్లు ఆడనుంది. టీం ఇండియా ముందుగా ఆస్ట్రేలియాతో 3 టీ20 మ్యాచ్ల సిరీస్ ఆడనుంది. ఆస్ట్రేలియా సిరీస్ తర్వాత టీమిండియా దక్షిణాఫ్రికాతో తలపడనుంది. భారత్-ఆస్ట్రేలియా మధ్య తొలి మ్యాచ్ సెప్టెంబర్ 20న మొహాలీలో జరగనుంది. అదే సమయంలో, సెప్టెంబర్ 23న నాగ్పూర్లో భారత్-ఆస్ట్రేలియా మధ్య రెండో టీ20 మ్యాచ్ జరగనుంది. కాగా, సిరీస్లోని చివరి మ్యాచ్ సెప్టెంబర్ 25న హైదరాబాద్లో తలపడనున్నాయి. అయితే, ఆస్ట్రేలియాతో సిరీస్లో మ్యాచ్ గమనాన్ని మార్చగల ఐదుగురు భారతీయ ఆటగాళ్లను ఇప్పుడు చూద్దాం.
విరాట్ కోహ్లీ..
ఆసియా కప్ 2022లో భారత మాజీ కెప్టెన్ విరాట్ కోహ్లి అద్భుత ప్రదర్శన చేశాడు. 2022 ఆసియా కప్లో విరాట్ కోహ్లీ 5 మ్యాచ్ల్లో 276 పరుగులు చేశాడు. అదే సమయంలో ఆఫ్ఘనిస్థాన్తో జరిగిన మ్యాచ్లో విరాట్ కోహ్లీ 61 బంతుల్లో 122 పరుగులతో అద్భుత ఇన్నింగ్స్ ఆడాడు. విరాట్ కోహ్లీ ఫామ్లోకి వచ్చిన తర్వాత భారత జట్టు మేనేజ్మెంట్, అభిమానులు ఊపిరి పీల్చుకున్నారు. 2022లో విరాట్ కోహ్లి టీ20 ప్రపంచకప్ అద్భుతంగా సాగుతుందని భారత అభిమానులు ఆశిస్తున్నారు. అయితే దీనికి ముందు ఆస్ట్రేలియాతో జరిగే సిరీస్లో మరోమారు ఉగ్ర రూపం దాల్చిన విరాట్ని చూడొచ్చు.
జస్ప్రీత్ బుమ్రా..
భారత ఫాస్ట్ బౌలర్ జస్ప్రీత్ బుమ్రా గాయం కారణంగా చాలా కాలం పాటు టీమ్ ఇండియాలో భాగం కాలేదు. జస్ప్రీత్ బుమ్రా గాయం కారణంగా 2022 ఆసియా కప్లో భారత జట్టులో భాగం కాదు. కానీ, ప్రస్తుతం ఈ ఫాస్ట్ బౌలర్ పూర్తిగా ఫిట్గా ఉన్నాడు. ఆస్ట్రేలియాతో జరిగే సిరీస్లో భారత జట్టు మేనేజ్మెంట్, అభిమానుల దృష్టి జస్ప్రీత్ బుమ్రాపైనే ఉంటుంది. నిజానికి, ఈ ఫాస్ట్ బౌలర్ తనంతట తానుగా మ్యాచ్ గమనాన్ని మార్చగల సమర్థుడు.
హర్షల్ పటేల్..
గాయం తర్వాత హర్షల్ పటేల్ కూడా ఆస్ట్రేలియాతో సిరీస్లో పునరాగమనం చేస్తున్నాడు. అంతకుముందు హర్షల్ పటేల్ ఆసియా కప్ 2022లో భారత జట్టులో భాగం కాలేదు. హర్షల్ పటేల్ డెత్ ఓవర్లలో గొప్ప వైవిధ్యానికి ప్రసిద్ది చెందాడు. ఆస్ట్రేలియాతో జరిగే సిరీస్లో భారత జట్టు ఈ ఫాస్ట్ బౌలర్ నుంచి మంచి ప్రదర్శనను ఆశించనుంది.
సూర్యకుమార్ యాదవ్..
పరిమిత ఓవర్ల ఫార్మాట్లో సూర్యకుమార్ యాదవ్ అద్భుతంగా ఆకట్టుకున్నాడు. ఇంగ్లండ్తో జరిగిన సిరీస్లో సెంచరీ చేసిన తర్వాత, ఈ బ్యాట్స్మెన్ బ్యాట్ ఆసియా కప్ 2022లో కూడా చాలా ఆకట్టుకుంది. ఆసియా కప్ 2022లో హాంకాంగ్తో జరిగిన మ్యాచ్లో సూర్యకుమార్ యాదవ్ 26 బంతుల్లో అజేయంగా 68 పరుగులు చేసి ఆకట్టుకున్నాడు. ప్రస్తుతం ఈ బ్యాట్స్మెన్ ఆస్ట్రేలియాతో జరిగే సిరీస్లో సత్తా చాటేందుకు సిద్ధమయ్యాడు.
మహ్మద్ షమీ..
2022 టీ20 ప్రపంచకప్ కోసం భారత జట్టులో మహ్మద్ షమీ ఎంపిక కాలేదు. అప్పటి నుంచి వరుసగా ప్రశ్నలు తలెత్తుతున్నాయి. గతంలో మహ్మద్ షమీని ఆసియా కప్నకు కూడా భారత జట్టులో ఎంపిక చేయలేదు. అయితే ఆస్ట్రేలియాతో జరిగే సిరీస్లో మహ్మద్ షమీ టీమ్ఇండియాలో భాగం కానున్నాడు. నిజానికి, మహ్మద్ షమీ కొత్త బంతితో వికెట్లు తీయడంలో ప్రసిద్ధి చెందాడు. ఇప్పుడు ఆస్ట్రేలియాతో సిరీస్లో మహ్మద్ షమీ ఎలా రాణిస్తాడో చూడటం సరదాగా ఉంటుంది.
