Team India: గుట్టుచప్పుడుగా పెండ్లి చేసుకున్న టీమిండియా క్రికెటర్.. ఎవరో తెలుసా?

Chetan Sakariya Marriage: టీమ్ ఇండియా ఇటీవలి జింబాబ్వే పర్యటన ముగిసింది. ఇప్పుడు భారత్ శ్రీలంక పర్యటనకు వెళ్లవలసి ఉంది. ఇదిలా ఉంటే టీమిండియా ఆటగాడు గుట్టుచప్పుడుగా పెళ్లి చేసుకున్నాడు. ఈ ఆటగాడు గత ఏడాది నిశ్చితార్థం చేసుకున్నాడు. ఇప్పుడు ఏడడుగులు వేశాడు. భారత ఆటగాడు జయదేవ్ ఉనద్కత్ ఈ ఆటగాడి వివాహం గురించి సోషల్ మీడియాలో ఓ ఫొటోను పంచుకోవడం ద్వారా అభిమానులకు తెలియజేశాడు. ఈ ఆటగాడు మరెవరో కాదు 26 ఏళ్ల భారత ఫాస్ట్ బౌలర్ చేతన్ సకారియా.

చేతన్ సకారియా పెళ్లి..

భారత ఫాస్ట్ బౌలర్ చేతన్ సకారియా పెళ్లి చేసుకున్నాడు. అతను గత సంవత్సరం మేఘనా జంబూచాతో నిశ్చితార్థం చేసుకున్నాడు. ఇప్పుడు వివాహం చేసుకున్నాడు. ఈ సమాచారాన్ని జైదేవ్ ఉనద్కత్ తెలిపాడు. ఉనద్కత్ ఈ ఆటగాడి పెండ్లి ఫొటోను పంచుకున్నాడు. అందులో అతను కూడా కనిపించాడు. ఈ ఇద్దరు ఆటగాళ్లు దేశవాళీ క్రికెట్‌లో సౌరాష్ట్ర జట్టుకు ఆడుతున్నారు.

చేతన్‌ను అభినందిస్తూ, జయదేవ్ ఉనద్కత్ ఇన్‌స్టాగ్రామ్‌లో ఫొటోతో పాటు క్యాప్షన్‌లో, “ప్రియమైన చేతన్, మీ కెరీర్ ప్రారంభం నుంచి కొన్ని అద్భుతమైన స్పెల్‌లను బౌలింగ్ చేయడం, మ్యాచ్‌లను గెలవడం నేను చూశాను. అయితే ఇది మీ జీవితంలో సుదీర్ఘమైన స్పెల్. ఇది ముఖ్యమైన స్పెల్. మీ ఇద్దరికీ శుభాకాంక్షలు” అంటూ చెప్పుకొచ్చాడు.

చేతన్ 5 డిసెంబర్ 2023న మేఘనా జంబుచాతో నిశ్చితార్థం..

View this post on Instagram

A post shared by Jaydev Unadkat (@jd_unadkat)

ఇప్పటివరకు చేతన్ సకారియా కెరీర్..

గత కొంత కాలంగా చేతన్ సకారియాకు ఐపీఎల్‌లో వరుసగా అవకాశాలు వస్తున్నాయి. దేశవాళీ క్రికెట్‌లో అద్భుత ప్రదర్శన చేసిన తర్వాత చేతన్ సకారియా ఐపీఎల్‌లో అరంగేట్రం చేశాడు. చేతన్ 2024 ఐపీఎల్‌లో కోల్‌కతా నైట్ రైడర్స్‌లో భాగంగా ఉన్నాడు. అంతకుముందు, చేతన్ 2023 IPLలో ఢిల్లీ క్యాపిటల్స్‌లో భాగంగా ఉన్నాడు. అతను రాజస్థాన్ రాయల్స్ జట్టుతో IPL అరంగేట్రం చేశాడు. ఆ తర్వాత టీమ్ ఇండియాకు కూడా ఆడాడు.

View this post on Instagram

A post shared by CHETAN SAKARIYA (@sakariya.chetan)

జులై 2021లో శ్రీలంక పర్యటనలో చేతన్ తన అంతర్జాతీయ అరంగేట్రం చేశాడు. కానీ, అతను కేవలం 1 ODI, 2 T20 ఇంటర్నేషనల్స్ ఆడాడు. అంతర్జాతీయ క్రికెట్‌లో అతని పేరిట 3 వికెట్లు ఉన్నాయి. కొంతకాలంగా గాయంతో ఇబ్బంది పడుతున్నాడు. అతను ఐపీఎల్ 2024లో ఒక్క మ్యాచ్ కూడా ఆడలేకపోయాడు. గతేడాది జులైలో దులీప్ ట్రోఫీలో కూడా ఆడలేకపోయాడు. గాయం సమస్యల కారణంగా ఇప్పటివరకు తన కెరీర్‌లో చాలాసార్లు మైదానానికి దూరంగా ఉన్నాడు.

మరిన్ని క్రీడా వార్తల కోసం ఇక్కడ క్లిక్ చేయండి..