SRH vs RCB Highlights, IPL 2024: 35 పరుగుల తేడాతో ఓడిన హైదరాబాద్.. ఎట్టకేలకు ఆర్‌సీబీ ఖాతాలో మరో విజయం..

బెంగళూరు జట్టు ఎట్టకేలకు ఓ విజయాన్ని ఖాతాలో వేసుకుంది. వరుస పరాజయాలతో సతమతమవుతోన్న ఆర్‌సీబీ హైదరాబాద్ జట్టును 35 పరుగుల తేడాతో ఓడించింది. దీంతో ఇప్పటి వరకు ఆర్‌సీబీ 2 విజయాలు సాధించింది.

16వ ఓవర్‌లో హైదరాబాద్‌కు చెందిన 8 మంది బ్యాట్స్‌మెన్ కూడా ఔటయ్యారు. ఓవర్ 5వ బంతికి మెరాన్ గ్రీన్ ఎస్‌ఆర్‌హెచ్ బ్యాటర్ భువనేశ్వర్ కుమార్‌ను పెవిలియన్‌కు పంపాడు.

11వ ఓవర్లో హైదరాబాద్ స్కోరు 100 పరుగుల మార్కును దాటింది. స్వప్నిల్ వేసిన ఓవర్లో పాట్ కమిన్స్ వరుసగా రెండు సిక్సర్లు బాదాడు. ఓవర్ ముగిసేసరికి సన్ రైజర్స్ స్కోరు 104/6గా నిలిచింది. అయితే, 13.1 ఓవర్‌లో కమిన్స్ పెవిలియన్ చేరాడు. దీంతో 7 వికెట్లు కోల్పోయింది.

8వ ఓవర్లో హైదరాబాద్ 5వ వికెట్ కోల్పోయింది. నితీష్ కుమార్ రెడ్డి 13 పరుగుల వద్ద ఔటయ్యాడు. కర్ణ్ శర్మ బౌలింగ్‌లో అతను అవుటయ్యాడు. ఈ ఓవర్ తర్వాత హైదరాబాద్ స్కోరు 72/5గా నిలిచింది.

5వ ఓవర్లో హైదరాబాద్ మూడో వికెట్ కోల్పోయింది. ఇక్కడ ఐడెన్ మార్క్రామ్ 7 పరుగులు చేసి ఔటయ్యాడు. స్వప్నిల్ సింగ్ చేతిలో ఎల్‌బీడబ్ల్యూ అయ్యాడు. ఈ ఓవర్లో హైదరాబాద్ స్కోరు 50 దాటింది. స్వప్నిల్ వేసిన 5వ బంతికి క్లాసెన్ సిక్సర్ బాదాడు. 7 పరుగులు చేసిన తర్వాత క్లాసెన్ ఔటయ్యాడు.

4 ఓవర్లు ముగిసే సిరికి సన్ రైజర్స్ హైదరాబాద్ జట్టు 2 వికెట్లు కోల్పోయి 37 పరుగులు చేసింది.

సన్‌రైజర్స్ హైదరాబాద్ ఛేజింగ్ మొదలైంది. 207 పరుగులను ఛేదించే క్రమంలో తొలి ఓవర్లోనే హైదరాబాద్ జట్టుకు భారీ షాక్ తగిలింది. హెడ్ 1 పరుగుకే పెవిలియిన్ చేరాడు.

టాస్ ఓడి బ్యాటింగ్ చేసిన బెంగళూరు నిర్ణీత 20 ఓవర్లలో 7 వికెట్లకు 206 పరుగులు చేసింది. దీంతో హైదాబాద్ ముందు 207 పరుగుల టార్గెట్ నిలిచింది.

18 ఓవర్లు ముగిసే సరికి రాయల్ ఛాలెంజర్స్ బెంగళూరు జట్టు 5 వికెట్లు కోల్పోయి 179 పరుగులు చేసింది.

ఉనద్కత్ వికెట్ల వేట కొనసాగిస్తున్నాడు. ముందు డేంజరస్ రజత్‌ను పెవిలియన్ చేర్చిన ఉనద్కత్.. ఇప్పుడు కోహ్లీని కూడా పెవిలియన్ చేర్చాడు. దీంతో బెంగళూరు జట్టు 140 పరుగుల వద్ద నాలుగో వికెట్ కోల్పోయింది. కోహ్లీ 51 పరుగులు చేసి పెవిలయన్ చేరాడు.

రజత్ పాటిదార్ క్రీజులోకి వచ్చిన వెంటనే దూకుడు బ్యాటింగ్‌తో హైదరాబాద్ బౌలర్లకు దడ పుట్టించాడు. కేవలం 19 బంతుల్లోనే 5 సిక్సులు, 2 ఫోర్లతో మైదానాన్ని హోరెత్తించాడు. అయితే, ఆవెంటనే పెవిలియన్ చేరి నిరాశపరిచాడు. దీంతో బెంగళూరు జట్టు 130 పరుగులకు 3 వికెట్లు కోల్పోయింది.

11 ఓవర్లు ముగిసే సరికి రాయల్ ఛాలెంజర్స్ బెంగళూరు జట్టు 2 వికెట్లు కోల్పోయి 121 పరుగులు చేసింది. కోహ్లీ 43, రజత్ 46 పరుగులతో క్రీజులో ఉన్నారు.

షాబాజ్ స్థానంలో మయాంక్ మార్కండే బౌలింగ్ వేసేందుకు వచ్చాడు. విల్ జాక్స్ బంతిని స్వీప్ చేయడానికి ప్రయత్నించి, వికెట్ కోల్పోయాడు. దీంతో బెంగళూరు జట్లు 65 పరుగుల వద్ద రెండో వికెట్ కోల్పోయింది.

3.5 ఓవర్‌లో బెంగళూరుకు భారీ దెబ్బ తగిలింది. డుప్లెసిస్ 12 బంతుల్లో 25 పరుగులు చేసి నటరాజన్ బౌలింగ్‌లో పెవిలియన్ చేరాడు. దీంతో బెంగళూరు జట్టు 48 పరుగులకు తొలి వికెట్‌ను కోల్పోయింది.

3 ఓవర్లు ముగిసే సరికి బెంగళూరు జట్టు వికెట్ నష్టపోకుండా 43 పరుగులు చేసింది. కోహ్లీ 18, డుప్లెసిస్ 25 పరుగులతో నిలిచారు.

రెండు జట్ల ఇంపాక్ట్ ప్లేయర్లు:

సన్‌రైజర్స్ హైదరాబాద్ ఇంపాక్ట్ ప్లేయర్లు: ట్రావిస్ హెడ్, ఉమ్రాన్ మాలిక్, అన్మోల్‌ప్రీత్ సింగ్, గ్లెన్ ఫిలిప్స్, వాషింగ్టన్ సుందర్.

రాయల్ ఛాలెంజర్స్ బెంగళూరు ఇంపాక్ట్ ప్లేయర్లు: సుయాష్ ప్రభుదేసాయి, అనుజ్ రావత్, హిమాన్షు శర్మ, విజయ్‌కుమార్ వైషాక్, స్వప్నిల్ సింగ్.

సన్‌రైజర్స్ హైదరాబాద్ (ప్లేయింగ్ XI): అభిషేక్ శర్మ, ఐడెన్ మర్క్రమ్, హెన్రిచ్ క్లాసెన్(w), నితీష్ రెడ్డి, అబ్దుల్ సమద్, షాబాజ్ అహ్మద్, పాట్ కమిన్స్(సి), భువనేశ్వర్ కుమార్, జయదేవ్ ఉనద్కత్, మయాంక్ మార్కండే, టి నటరాజన్

రాయల్ ఛాలెంజర్స్ బెంగళూరు (ప్లేయింగ్ XI): విరాట్ కోహ్లి, ఫాఫ్ డు ప్లెసిస్(సి), రజత్ పటీదార్, కామెరాన్ గ్రీన్, విల్ జాక్స్, దినేష్ కార్తీక్(w), మహిపాల్ లోమ్రోర్, కర్ణ్ శర్మ, లాకీ ఫెర్గూసన్, మహ్మద్ సిరాజ్, యశ్ దయాల్.

కీలక మ్యాచ్‌లో బెంగళూరు జట్టు టాస్ గెలిచి, తొలుత బ్యాటింగ్ ఎంచుకుంది. దీంతో హైదరాబాద్ జట్టు బౌలింగ్ చేసేందుకు సిద్ధమైంది.

హైదరాబాద్ బ్యాట్స్‌మెన్‌ల అద్భుతమైన ఫామ్‌‌తో కోల్‌కతాతో జరిగిన సీజన్‌లోని మొదటి మ్యాచ్‌లో 300 పరుగులకు పైగా స్కోర్ చేసింది. రెండో మ్యాచ్‌లో ముంబైని ఓడించింది. మూడో మ్యాచ్‌లో ఆ జట్టు గుజరాత్‌పై మళ్లీ ఓడిపోయింది. అయితే, దీని తర్వాత వరుసగా 4 మ్యాచ్‌ల్లో విజయం సాధించింది. చెన్నై, పంజాబ్, బెంగళూరు, ఢిల్లీలను ఓడించింది.

రాయల్ చాలెంజర్స్ బెంగళూరు సీజన్‌లో 7 మ్యాచ్‌ల్లో ఓడిపోయింది. చెన్నై, కోల్‌కతా, లక్నో, రాజస్థాన్, ముంబై, హైదరాబాద్, కోల్‌కతాలపై ఓడిపోయింది. పంజాబ్‌తో జరిగిన ఒక్క మ్యాచ్‌లో మాత్రమే ఆ జట్టు విజయం సాధించింది.

ఇప్పటి వరకు ఇరు జట్ల మధ్య మొత్తం 24 ఐపీఎల్ మ్యాచ్‌లు జరిగాయి. హైదరాబాద్‌ 13, బెంగళూరు 10 గెలిచాయి. కాగా ఒక్క మ్యాచ్ ఫలితం మాత్రం వెల్లడి కాలేదు.

ఏప్రిల్ 25న హైదరాబాద్‌లో వాతావరణం చాలా వేడిగా ఉంటుంది. ఈ రోజు హీట్ వేవ్ కోసం ఆరెంజ్ అలర్ట్ ఉంది. మ్యాచ్ జరిగే రోజు ఇక్కడ ఉష్ణోగ్రత 40 నుంచి 27 డిగ్రీలు నమోదయ్యే అవకాశం ఉంది. ఈ రోజున వర్షాలు కురిసే అవకాశం లేదు.

IPL 2024 41వ మ్యాచ్‌లో సన్‌రైజర్స్ హైదరాబాద్ (SRH) నేడు రాయల్ ఛాలెంజర్స్ బెంగళూరు (RCB)తో తలపడనుంది. హైదరాబాద్‌లోని రాజీవ్ గాంధీ ఇంటర్నేషనల్ స్టేడియంలో రాత్రి 7:30 గంటల నుంచి మ్యాచ్ జరగనుంది. రాత్రి 7:00 గంటలకు టాస్‌ జరుగుతుంది.