Smriti Mandhana: స్మృతి మంధాన ఫిట్‌నెస్ సీక్రెట్ ఇదే.. నాన్-వెజ్ తినకుండానే అంత అందంగా ఎలా ఉంటారో తెలుసా ?

Smriti Mandhana: భారతీయ మహిళా క్రికెట్ జట్టు వైస్ కెప్టెన్ స్మృతి మంధాన గురించి ప్రత్యేకంగా పరిచయం అక్కర్లేదు. మైదానంలో తన అద్భుతమైన బ్యాటింగ్‌తో ప్రత్యర్థులను వణికించే ఈమె తన అద్భుతమైన ఫిట్‌నెస్‌తోనూ కుర్రకారు హృదయాలను కొల్లగొడుతున్నారు. కేవలం 30 ఏళ్ల వయసులోనే ఆమె తన శరీరాన్ని ఎంతో ఫిట్‌గా, ఆరోగ్యంగా ఉంచుకుంటున్నారు. దీని వెనుక ఎలాంటి కఠినమైన డైట్‌లు, భారీ కసరత్తులు ఉన్నాయి? మాంసాహారం ముట్టకుండా ఆమె ఎలా ఫిట్‌గా ఉంటున్నారో చూద్దాం.

రకరకాల వర్కవుట్లతో చెమటోడ్చే స్మృతి

శరీర సామర్థ్యాన్ని పెంచుకోవాలంటే ఒకే రకమైన వ్యాయామానికి పరిమితం కాకూడదని స్మృతి నమ్ముతారు. ఆమె వారానికి 6 రోజులు క్రమం తప్పకుండా వర్కవుట్లు చేస్తారు. కాళ్ల బలాన్ని పెంచుకోవడానికి ప్రతిరోజూ క్రమం తప్పకుండా రన్నింగ్ చేస్తారు. అంతేకాకుండా స్క్వాట్స్, డెడ్‌లిఫ్ట్స్, పుల్-అప్స్ వంటి కఠినమైన వ్యాయామాలు చేస్తూ కండరాలను బలంగా ఉంచుకుంటారు. ఒకవేళ ఉదయం సమయం కుదరకపోతే, సాయంత్రం వేళల్లో జిమ్‌కి వెళ్లి మరీ తన వర్కవుట్‌ను పూర్తి చేస్తారు. క్రమశిక్షణే ఆమె విజయానికి అసలు రహస్యం.

శాఖాహారమే ఆమె బలం

చాలా మంది సెలబ్రిటీలు, క్రికెటర్లు ప్రోటీన్ కోసం చికెన్, మటన్, చేపలు తింటుంటారు. కానీ స్మృతి మంధాన మాత్రం వీటికి పూర్తి దూరం. ఆమె పూర్తిగా ఇంట్లో తయారుచేసిన సాధారణ శాఖాహారాన్ని మాత్రమే ఇష్టపడతారు. ప్రధానంగా లాక్టో-ఓవో-వెజిటేరియన్ డైట్‌ను పాటిస్తారు. ఇందులో పండ్లు, కూరగాయలు, తృణధాన్యాలు, పాల ఉత్పత్తులు, గుడ్లు ఉంటాయి. శరీరానికి కావలసిన ప్రోటీన్ అందడానికి ఆమె గుడ్లు, ప్రోటీన్ షేక్స్ తీసుకుంటారు. శరీరాన్ని ఎప్పుడూ హైడ్రేటెడ్‌గా ఉంచుకోవడానికి నీరు, కొబ్బరి నీళ్లు తాగుతుంటారు.

చీట్ డే రోజు ఇష్టమైన ఫుడ్స్ ఇవే

స్మృతి మంధానాకు రాజస్థానీ మార్వాడీ వంటకాలు, స్ట్రీట్ ఫుడ్‌లో భేల్‌పూరి అంటే ఎంతో ఇష్టం. చీట్ డే రోజుల్లో ఆమె ఇష్టంగా భేల్‌పూరి తింటారు. అయితే స్వీట్ల జోలికి మాత్రం అస్సలు వెళ్లరు. ఒకవేళ తీపి తినాలనిపిస్తే మాత్రం ఆరోగ్యకరమైన డార్క్ చాక్లెట్‌ను తిని సరిపెట్టుకుంటారు. సరైన నిద్ర, క్రమశిక్షణతో కూడిన ఆహారపు అలవాట్లే తన ఫిట్‌నెస్‌కు అసలైన కారణమని ఆమె చెబుతున్నారు.

మరిన్ని క్రీడా వార్తల కోసం ఇక్కడ క్లిక్ చేయండి..