AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

IPL 2027 Retention: ధోనీ సహా పలువురు స్టార్ ప్లేయర్లకు షాక్.. ఏ జట్టు నుంచి ఎవరు రిలీజ్ అయ్యారంటే?

IPL 2027 Retention: ఐపీఎల్ 2027 మినీ వేలానికి ముందు ఫ్రాంచైజీలు తమ జట్లలో భారీ మార్పులకు సిద్ధమయ్యాయి. ముంబై ఇండియన్స్, చెన్నై సూపర్ కింగ్స్, రాజస్థాన్ రాయల్స్ సహా ఏడు జట్లు పలువురు ఆటగాళ్లను విడుదల చేసినట్లు సమాచారం. ముఖ్యంగా ఎంఎస్ ధోనీ, ట్రావిస్ హెడ్, ట్రెంట్ బౌల్ట్, దీపక్ చాహర్ వంటి పేర్లు విడుదల జాబితాలో ఉండటం అభిమానులను ఆశ్చర్యానికి గురిచేస్తోంది. ఏ జట్టు నుంచి ఎంతమంది విడుదలయ్యారు? వేలానికి ఎంత మొత్తం మిగిలింది?

IPL 2027 Retention: ధోనీ సహా పలువురు స్టార్ ప్లేయర్లకు షాక్.. ఏ జట్టు నుంచి ఎవరు రిలీజ్ అయ్యారంటే?
Ipl 2027 Retention List
Venkata Chari
|

Updated on: Nov 17, 2026 | 6:42 PM

Share

IPL 2027 Retention: ఇండియన్ ప్రీమియర్ లీగ్ (IPL) 2027 మినీ వేలానికి ముందు ఫ్రాంచైజీల మధ్య ఆటగాళ్ల విడుదల వ్యవహారం ఆసక్తికరంగా మారింది. వచ్చే సీజన్‌లో బలమైన జట్టును నిర్మించడమే లక్ష్యంగా పలు ఫ్రాంచైజీలు కీలక నిర్ణయాలు తీసుకున్నట్లు తెలుస్తోంది. ఈ క్రమంలో ముంబై ఇండియన్స్ (Mumbai Indians), చెన్నై సూపర్ కింగ్స్ (Chennai Super Kings), రాజస్థాన్ రాయల్స్ (Rajasthan Royals), సన్‌రైజర్స్ హైదరాబాద్ (Sunrisers Hyderabad), పంజాబ్ కింగ్స్ (Punjab Kings), లక్నో సూపర్ జెయింట్స్ (Lucknow Super Giants), ఢిల్లీ క్యాపిటల్స్ (Delhi Capitals) జట్ల విడుదల జాబితాలు చర్చనీయాంశమయ్యాయి.

ముంబై ఇండియన్స్ నుంచి బౌల్ట్, చాహర్ ఔట్!

ముంబై ఇండియన్స్ ఇద్దరు కీలక పేసర్లను విడుదల చేసినట్లు సమాచారం. న్యూజిలాండ్ స్టార్ బౌలర్ ట్రెంట్ బౌల్ట్, భారత పేసర్ దీపక్ చాహర్ ఈ జాబితాలో ఉన్నారు. బౌల్ట్ ధర రూ.12.5 కోట్లు కాగా, చాహర్ ధర రూ.9.25 కోట్లు. వీరిద్దరినీ విడుదల చేయడం ద్వారా ముంబైకి రూ.21.75 కోట్ల బడ్జెట్ అందుబాటులోకి రానుంది. వేలంలో కొత్త ఆటగాళ్లను తీసుకునేందుకు ఈ మొత్తాన్ని ఉపయోగించుకునే అవకాశం ఉంది.

ధోనీ సహా 10 మందిని విడుదల చేసిన సీఎస్కే!

చెన్నై సూపర్ కింగ్స్ విడుదల జాబితా మరింత ఆసక్తికరంగా ఉంది. మాజీ కెప్టెన్ ఎంఎస్ ధోనీతో పాటు మొత్తం 10 మంది ఆటగాళ్ల పేర్లు ఇందులో ఉన్నాయి. మాథ్యూ షార్ట్ (రూ.1.5 కోట్లు), మాట్ హెన్రీ (రూ.2 కోట్లు), జాక్ ఫౌల్క్స్ (రూ.75 లక్షలు), ప్రశాంత్ వీర్ (రూ.14.2 కోట్లు), అమన్ ఖాన్ (రూ.40 లక్షలు), కుల్దీప్ యాదవ్ (రూ.30 లక్షలు), ఆకాష్ మధ్వాల్ (రూ.30 లక్షలు), డియాన్ ఫారెస్టర్ (రూ.30 లక్షలు), మాక్‌నీల్ నోరోన్హా (రూ.75 లక్షలు) ఈ జాబితాలో ఉన్నారు.

అలాగే ఎంఎస్ ధోనీ (MS Dhoni) రూ.4 కోట్ల ఒప్పందం కూడా ముగియనుంది. మొత్తం ఈ విడుదలల ద్వారా సీఎస్కేకు రూ.24.5 కోట్ల బడ్జెట్ అందుబాటులోకి వస్తుందని సమాచారం. ధోనీ ఆటగాడిగా ఐపీఎల్‌కు వీడ్కోలు పలకడం చెన్నై అభిమానులకు భావోద్వేగ క్షణంగా మారింది.

రాజస్థాన్ రాయల్స్ నుంచి ఏడుగురు విడుదల!

రాజస్థాన్ రాయల్స్ కూడా తమ జట్టులో మార్పులకు సిద్ధమైంది. ఆడమ్ మిల్నే (రూ.2.4 కోట్లు), క్వేనా మఫాకా (రూ.1.5 కోట్లు), తుషార్ దేశ్‌పాండే (రూ.6.5 కోట్లు), కుల్దీప్ సేన్ (రూ.75 లక్షలు), యుధ్వీర్ సింగ్ (రూ.35 లక్షలు), విఘ్నేష్ పుత్తూర్ (రూ.30 లక్షలు), రవి సింగ్ విడుదల జాబితాలో ఉన్నారు.

అయితే షిమ్రోన్ హెట్‌మయర్, నాండ్రే బర్గర్‌లను కూడా విడుదల చేస్తారా? అనే అంశంపై ఇంకా స్పష్టత లేదు. హెట్‌మయర్‌ను మినహాయిస్తే రాజస్థాన్ వద్ద రూ.12.75 కోట్ల బడ్జెట్ అందుబాటులో ఉంటుందని సమాచారం.

ట్రావిస్ హెడ్‌కు షాక్.. SRH నుంచి తొమ్మిది మంది!

సన్‌రైజర్స్ హైదరాబాద్ విడుదల జాబితాలో స్టార్ ఓపెనర్ ట్రావిస్ హెడ్ పేరు ఉండటం అందరినీ ఆశ్చర్యానికి గురిచేస్తోంది. అతడితో పాటు కమిందు మెండిస్ (రూ.75 లక్షలు), జయదేవ్ ఉనద్కట్ (రూ.1 కోటి), దుష్మంత చమీరా మదుషంక (రూ.75 లక్షలు), ఓంకార్ టార్మలే (రూ.30 లక్షలు), అమిత్ కుమార్ (రూ.30 లక్షలు), శివమ్ మావి (రూ.75 లక్షలు), జెరాల్డ్ కోయెట్జీ (రూ.2 కోట్లు), డేవిడ్ పేన్ (రూ.1.5 కోట్లు) కూడా విడుదలయ్యే ఆటగాళ్ల జాబితాలో ఉన్నారు.

ఈ విడుదలల ద్వారా సన్‌రైజర్స్ హైదరాబాద్‌కు రూ.21.35 కోట్ల బడ్జెట్ అందుబాటులోకి వస్తుందని సమాచారం. ట్రావిస్ హెడ్ వంటి కీలక బ్యాటర్‌ను వదులుకోవాలనే నిర్ణయం నిజమైతే హైదరాబాద్ బ్యాటింగ్ కూర్పులో భారీ మార్పులు తప్పవు.

పంజాబ్ కింగ్స్ నుంచి ఆరుగురు ఔట్!

గత సీజన్‌లో ఫైనల్‌కు చేరిన పంజాబ్ కింగ్స్ కూడా కొంతమంది ఆటగాళ్లను విడుదల చేయనుంది. లాకీ ఫెర్గూసన్, మిచెల్ ఓవెన్, నేహల్ వడేరా, ప్యాలా అవినాష్, ప్రవీణ్ దూబే, విశాల్ నిషాద్ ఈ జాబితాలో ఉన్నారు. వీరిని విడుదల చేయడం ద్వారా పంజాబ్‌కు రూ.10.1 కోట్ల బడ్జెట్ అందుబాటులోకి వస్తుందని సమాచారం.

లక్నో సూపర్ జెయింట్స్ నుంచి ఆరుగురు!

లక్నో సూపర్ జెయింట్స్ కూడా తమ జట్టులో మార్పులు చేస్తోంది. ఎం. బ్రెట్జ్కే (రూ.75 లక్షలు), అన్రిచ్ నోర్జే (రూ.2 కోట్లు), జార్జ్ లిండే (రూ.1 కోటి), వానిందు హసరంగ (రూ.2 కోట్లు), నమన్ తివారీ (రూ.1 కోటి), అర్షిన్ కులకర్ణి (రూ.30 లక్షలు) విడుదల జాబితాలో ఉన్నారు.

ఈ ఆటగాళ్లను విడుదల చేయడం ద్వారా లక్నోకు రూ.7.05 కోట్ల బడ్జెట్ మిగలనుంది. మరోవైపు జమ్మూకశ్మీర్ బ్యాటర్ అబ్దుల్ సమద్‌ను మాత్రం జట్టు కొనసాగించనున్నట్లు సమాచారం.

ఢిల్లీ క్యాపిటల్స్ నుంచి 10 మంది విడుదల!

ఢిల్లీ క్యాపిటల్స్ విడుదల జాబితాలోనూ పలు కీలక పేర్లు ఉన్నాయి. నితీశ్ రాణా, అభిషేక్ పోరెల్, పథుమ్ నిస్సాంక, బెన్ డకెట్, కరుణ్ నాయర్, సాహిల్ పరాఖ్, దుష్మంత చమీరా, రెహాన్ అహ్మద్, మిచెల్ స్టార్క్, అజయ్ మండల్‌లను విడుదల చేయనున్నట్లు సమాచారం. ఈ నిర్ణయంతో ఢిల్లీకి ఏకంగా రూ.27 కోట్ల బడ్జెట్ అందుబాటులోకి వస్తుందని తెలుస్తోంది.

వేలంలో భారీ పోటీ తప్పదా?

ఏడు జట్ల విడుదల జాబితాలను పరిశీలిస్తే.. ఈసారి మినీ వేలంలో ఫ్రాంచైజీల మధ్య ఆసక్తికర పోటీ జరిగే అవకాశముంది. ముఖ్యంగా ముంబై, చెన్నై, హైదరాబాద్, ఢిల్లీ వంటి జట్లు తమ అవసరాలకు అనుగుణంగా కొత్త ఆటగాళ్లను ఎంపిక చేసుకోవచ్చు. అయితే విడుదల జాబితాలోని కొన్ని పేర్లపై ఇంకా స్పష్టత రావాల్సి ఉంది. ముఖ్యంగా రాజస్థాన్ రాయల్స్ హెట్‌మయర్, బర్గర్‌ల విషయంలో తుది నిర్ణయం తీసుకోవాల్సి ఉంది. అధికారిక రిటెన్షన్ ప్రకటనతోనే అన్ని జట్ల పూర్తి వివరాలు వెల్లడికానున్నాయి.

మరిన్ని క్రీడా వార్తల కోసం ఇక్కడ క్లిక్ చేయండి..

Follow Us