Shubman Gill: హైదరాబాద్లో నయా సెంచరీ మిషన్.. రిచర్డ్స్ నుంచి బాబర్, విరాట్ల లెక్కలు మార్చేసిన శుభ్మన్ గిల్..
India vs New Zealand 1st ODI: హైదరాబాద్లో న్యూజిలాండ్తో జరిగిన మ్యాచ్లో శుభ్మన్ గిల్ 87 బంతుల్లో సెంచరీ చేసి ఎన్నో రికార్డులను బద్దలు కొట్టాడు.
అద్భుతమైన క్లాస్, అంతకంటే అద్భుతమైన టైమింగ్.. వాటితో పాటు పరుగులు సాధించాలనే విపరీతమైన ఆకలి.. అన్నీ కలగలిపితే టీమిండియా యంగ్ ప్లేయర్ శుభ్మన్ గిల్. హైదరాబాద్లో బాద్షా ఇన్నింగ్స్తో వన్డే క్రికెట్లో ఎన్నో ఏళ్లనాటి రికార్డులను బద్దలు కొట్టి, టీమిండియా నయా కింగ్లా మారాడు. న్యూజిలాండ్తో తొలి వన్డేకు ముందు అంతా విరాట్ కోహ్లీ మళ్లీ ఫామ్లోకి రావడంపైనే జనాలు మాట్లాడుకున్నారు. కానీ, వాటన్నింటినీ శుభ్మన్ గిల్ మైమరిపించేలా చేసి, తన పేరును ఉప్పల్ స్టేడింయలోనే కాదు.. ప్రపంచ క్రికెట్లోనూ ప్రత్యేకంగా లిఖించుకున్నాడు. తన బ్యాట్తో పరుగుల వర్షం కురిపిస్తూ అభిమానుల మనసు దోచుకుంటున్నాడు. శ్రీలంకపై ఇటీవల వన్డేలో సెంచరీ చేసిన శుభ్మన్, హైదరాబాద్లో న్యూజిలాండ్ బౌలర్లపై అదే భీకరమైన ఇన్నింగ్స్తో చిత్తు చేశాడు. శుభ్మాన్ గిల్ ఇక్కడ కూడా సెంచరీ సాధించాడు. దీంతో అతను అనేక రికార్డులను బద్దలు కొట్టాడు.
హైదరాబాద్ వన్డేలో శుభ్మన్ గిల్ కేవలం 87 బంతుల్లో సెంచరీ పూర్తి చేశాడు. 2 సిక్సర్లు, 14 ఫోర్ల ఆధారంగా గిల్ సెంచరీ పూర్తి చేశాడు. వన్డేల్లో మూడోసారి సెంచరీ సాధించే పనిలో ఎన్నో పెద్ద మైలురాళ్లను సాధించాడు.
అత్యంత వేగంగా వెయ్యి పరుగులు..
ICYMI – ????. ?. ?????! ? ?
That celebration says it ALL ? ?Follow the match ? https://t.co/IQq47h2W47 #TeamIndia | #INDvNZ | @ShubmanGill pic.twitter.com/OSwcj0t1sd
— BCCI (@BCCI) January 18, 2023
శుభ్మన్ గిల్ తన సెంచరీతో తన పేరు మీద పెద్ద రికార్డు సృష్టించాడు. గిల్ 19వ వన్డేలోనే వెయ్యి పరుగులు పూర్తి చేశాడు. దీనితో అతను భారతదేశం తరపున అత్యంత వేగంగా 1000 వన్డే పరుగులు చేసిన ఆటగాడిగా నిలిచాడు. 24 వన్డేల్లో ఈ ఫీట్ చేసిన విరాట్, ధావన్లను శుభ్మన్ గిల్ ఓడించాడు. బాబర్ ఆజం, వివియన్ రిచర్డ్స్ వంటి ఆటగాళ్లు కూడా 1000 వన్డే పరుగులు పూర్తి చేయడానికి 21 ఇన్నింగ్స్లు తీసుకున్నారు. ప్రపంచ రికార్డు ప్రస్తుతం 18 ఇన్నింగ్స్ల్లో 1000 వన్డే పరుగులు చేసిన ఫఖర్ జమాన్ పేరిట ఉంది.
శుభమాన్ గిల్ ఖాతాలో మరో ప్రత్యేక మైలురాయి..
Milestone ? – Shubman Gill becomes the fastest Indian to score 1000 ODI runs in terms of innings (19) ??
Live – https://t.co/DXx5mqRguU #INDvNZ @mastercardindia pic.twitter.com/D3ckhBBPxn
— BCCI (@BCCI) January 18, 2023
కేవలం 19వ వన్డే ఇన్నింగ్స్లో శుభ్మన్ గిల్ మూడో సెంచరీ సాధించాడు. శిఖర్ ధావన్ తర్వాత అత్యంత వేగంగా మూడు వన్డే సెంచరీలు సాధించిన భారతీయుడిగా నిలిచాడు. ధావన్ 17 ఇన్నింగ్స్ల్లో 3 వన్డే సెంచరీలు సాధించాడు. వన్డే క్రికెట్లో శుభ్మన్ గిల్ విధ్వంసం సృష్టించాడు. 2019లో అరంగేట్రం చేసిన గిల్ ఆ తర్వాత చాలా కాలం వరకు అవకాశం రాలేదు. కానీ, గిల్ 2022లో తనకు వచ్చిన అవకాశాన్ని పూర్తిగా సద్వినియోగం చేసుకున్నాడు. అప్పటి నుంచి ఈ ఆటగాడు వెనుదిరిగి చూడలేదు. గిల్ వన్డే సగటు 60 కంటే ఎక్కువగా నిలిచింది. అలాగే 100 కంటే ఎక్కువ స్ట్రైక్ రేట్తో పరుగులు చేస్తున్నాడు. గిల్ సెంచరీకి సెంచరీ చేస్తున్న తీరు బహుశా అందుకే ఈ ఆటగాడిని కొత్త సెంచరీ మెషిన్ అని పిలుస్తున్నట్లు స్పష్టమవుతోంది.
మరిన్ని క్రికెట్ వార్తల కోసం ఇక్కడ క్లిక్ చేయండి..