IND vs SA: 15 పరుగులు.. 6 వికెట్లతో సిరాజ్ ‘మియా’ భీభత్సం.. హైదరాబాదీ కెరీర్ బెస్ట్ బౌలింగ్ ఫిగర్స్..
Mohammed Siraj: మహ్మద్ సిరాజ్ టెస్టు ఇన్నింగ్స్లో 5 వికెట్లు తీయడం ఇది మూడోసారి. అంతకుముందు అతను ఐదు వికెట్లు మాత్రమే తీసుకున్నాడు. ఈసారి వరుసగా ఆరు వికెట్లు సాధించాడు. తన చిన్న టెస్టు కెరీర్లో సిరాజ్కి ఇదే అత్యుత్తమ ప్రదర్శనగా నిలిచింది. అంతకుముందు 2021లో బ్రిస్బేన్లో ఆస్ట్రేలియాతో జరిగిన మ్యాచ్లో సిరాజ్ 73 పరుగులకు ఐదు వికెట్లు తీశాడు. అదే ఏడాది అంటే 2023లో వెస్టిండీస్పై 60 పరుగులకు 5 వికెట్లు తీశాడు.
Updated on: Jan 03, 2024 | 7:45 PM
South Africa vs India, 2nd Test: భారత్-దక్షిణాఫ్రికా మధ్య జరుగుతున్న రెండో టెస్టు మ్యాచ్లో తొలుత బ్యాటింగ్ చేసిన దక్షిణాఫ్రికా జట్టు మొత్తం కేవలం 55 పరుగులకే ఆలౌటైంది. భారత్ తరుపున నిప్పులు చెరిగిన బౌలింగ్తో ఆకట్టుకున్న సిరాజ్.. 6 వికెట్లు పడగొట్టి రికార్డు సృష్టించాడు. తన చివరి టెస్టు మ్యాచ్ ఆడుతున్న దక్షిణాఫ్రికా కెప్టెన్ డీన్ ఎల్గర్ టాస్ గెలిచి ముందుగా బ్యాటింగ్ ఎంచుకున్నాడు. కానీ, జట్టు స్కోరు కేవలం 5 పరుగుల వద్ద ఉండగా, ఆడమ్ మార్క్రామ్ రెండు పరుగుల వద్ద ఔటయ్యాడు.
కెప్టెన్ డీన్ ఎల్గర్ కూడా నాలుగు పరుగులు చేసి పెవిలియన్కు చేరుకున్నాడు. అప్పుడు జట్టు స్కోరు కేవలం ఎనిమిది పరుగులు మాత్రమే. ఈ ఇద్దరు స్టార్టర్లను మహ్మద్ సిరాజ్ బలిపశువును చేశాడు. జస్ప్రీత్ బుమ్రా మూడో వికెట్కు మూడు పరుగుల వద్ద ట్రిస్టన్ స్టబ్స్ను అవుట్ చేసి దక్షిణాఫ్రికాకు షాక్ ఇచ్చాడు.
టోనీ డి’జోర్జి వికెట్ను తీసిన సిరాజ్ తన మూడో వికెట్ని పడగొట్టాడు. ఒక ఎండ్ నుంచి వరుసగా తొమ్మిది ఓవర్లు బౌలింగ్ చేసి ఆరు వికెట్లు తీశాడు. ఈ సమయంలో అతను కేవలం 15 పరుగులు మాత్రమే ఇచ్చాడు.
4వ వికెట్లో 12 పరుగుల వద్ద డేవిడ్ బెడింగ్హామ్, సిరాజ్ వికెట్ పడగొట్టగా, 5వ వికెట్లో 15 పరుగులు చేసిన కైల్ వెర్రెన్నే పెవిలియన్ బాట పట్టాడు. తర్వాత వచ్చిన మార్కో జాన్సన్ ఖాతా తెరవకుండానే సిరాజ్ చేతిలో పడ్డాడు. మహ్మద్ సిరాజ్ టెస్టు ఇన్నింగ్స్లో 5 వికెట్లు తీయడం ఇది మూడోసారి. అంతకుముందు అతను ఐదు వికెట్లు మాత్రమే తీసుకున్నాడు. ఈసారి వరుసగా ఆరు వికెట్లు సాధించాడు. తన చిన్న టెస్టు కెరీర్లో సిరాజ్కి ఇదే అత్యుత్తమ ప్రదర్శనగా నిలిచింది.
అంతకుముందు 2021లో బ్రిస్బేన్లో ఆస్ట్రేలియాతో జరిగిన మ్యాచ్లో సిరాజ్ 73 పరుగులకు ఐదు వికెట్లు తీశాడు. అదే ఏడాది అంటే 2023లో వెస్టిండీస్పై 60 పరుగులకు 5 వికెట్లు తీశాడు.
రెండు జట్ల ప్లేయింగ్-11..
భారత్: రోహిత్ శర్మ (కెప్టెన్), యశస్వి జైస్వాల్, శుభ్మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్ (వికెట్ కీపర్), రవీంద్ర జడేజా, జస్ప్రీత్ బుమ్రా, మహ్మద్ సిరాజ్, ముఖేష్ కుమార్, ప్రసిద్ధ్ కృష్ణ.
దక్షిణాఫ్రికా: డీన్ ఎల్గర్ (కెప్టెన్), ఐడెన్ మార్క్రామ్, టోనీ డిజార్జ్, ట్రిస్టన్ స్టబ్స్, డేవిడ్ బెడింగ్హామ్, కైల్ వేరియన్ (వికెట్ కీపర్), మార్కో యాన్సన్, కేశవ్ మహరాజ్, కగిసో రబడ, లుంగి ఎన్గిడి, నాండ్రే బెర్గర్.
మరిన్ని క్రీడా వార్తల కోసం ఇక్కడ క్లిక్ చేయండి..
