RR vs RCB Predicted Playing XI: ఫైనల్ బెర్త్పై కన్నేసిన బెంగళూర్, రాజస్థాన్.. ప్లేయింగ్ 11లో కీలక మార్పులు?
Rajasthan Royals Vs Royal Challengers Bangalore Qualifier 2 Playing XI: రెండు జట్ల కళ్ళు ఫైనల్పై ఉన్నాయి. అందువల్ల ఈ రెండు జట్లు తమ అత్యుత్తమ ఆటగాళ్లతోనే బరిలోకి దిగేందుకు ప్లాన్ చేస్తున్నాయి.
ఐపీఎల్ 2022(IPL-2022) మొదటి ఫైనలిస్ట్ జట్టుగా గుజరాత్ టైటాన్స్ ఫిక్స్ అయిన సంగతి తెలసిందే. ఇక రెండవ జట్టు ఎవరు అనేది శుక్రవారం తేలనుంది. రెండో క్వాలిఫయర్ అహ్మదాబాద్లోని నరేంద్ర మోదీ స్టేడియంలో జరగనుంది. ఇందులో రాజస్థాన్ రాయల్స్ వర్సెస్ రాయల్ ఛాలెంజర్స్ బెంగళూరు (RR vs RCB) జట్టు తలపడుతుంది. ఈ మ్యాచ్లో గెలిచిన జట్టు ఆదివారం జరిగే ఫైనల్లో గుజరాత్ టైటాన్స్తో తలపడనుంది. తొలి క్వాలిఫయర్లో రాజస్థాన్ను ఓడించిన గుజరాత్ ఫైనల్ టిక్కెట్ను బుక్ చేసుకుంది. లీగ్ దశలో గుజరాత్, రాజస్థాన్లు అగ్రస్థానంలో నిలిచాయి. కాబట్టి ఈ రెండు జట్లూ తొలి క్వాలిఫయర్ ఆడాయి. తొలి క్వాలిఫయర్లో ఓడిన జట్టుకు ఫైనల్ చేరేందుకు మరో అవకాశం లభిస్తుంది. మరోవైపు, ఎలిమినేటర్లో ఆడే జట్టు క్వాలిఫయర్ 2 అడ్డంకిని దాటాలి. ఈ మ్యాచ్ ఇద్దరికీ ఫైనల్కు కీలకం కాబట్టి రెండు జట్లూ తమ అత్యుత్తమ ప్లేయింగ్-11 (RR vs RCB Playing-11)ని తీసుకురావాలని కోరుకుంటాయి.
రాజస్థాన్ జట్టు 2008 నుంచి ఫైనల్ ఆడలేదు, బెంగళూరు 2016 నుంచి ఫైనల్కు చేరుకోలేదు. ఇలాంటి పరిస్థితుల్లో ఈ మ్యాచ్లో ఇరు జట్లు ప్రాణాలర్పిస్తాయనడంలో సందేహంలేదు. రాజస్థాన్ తమ చివరి మ్యాచ్లో ఓడిపోయింది. ఇలాంటి పరిస్థితుల్లో గత మ్యాచ్లో తప్పిదాల నుంచి పాఠాలు నేర్చుకుని.. ఈ మ్యాచ్లో గెలిచి ఫైనల్లోకి అడుగుపెట్టాలని భావిస్తోంది. లక్నోపై తను ప్రదర్శించిన గేమ్నే కొనసాగించేందుకు బెంగళూరు ప్రయత్నిస్తోంది.
బెంగళూరు టీంలో మార్పులేదు..!
చివరి మ్యాచ్లో బెంగళూరు అద్భుతం చేసింది. రజత్ పాటిదార్ బలమైన ఆటతీరును కనబరుస్తూ సెంచరీ చేసి అజేయంగా 112 పరుగులతో ఆకట్టుకున్నాడు. ప్లేఆఫ్స్లో అన్క్యాప్లో లేని భారత ఆటగాడికి ఇదే తొలి సెంచరీ కావడం విశేషం. బౌలింగ్లో కూడా ఈ జట్టు బాగా రాణించింది. ఇటువంటి పరిస్థితిలో, ఈ జట్టు తన ప్లేయింగ్-11లో మార్పులు చేసే అవకాశం తక్కువ.
రాజస్థాన్ జట్టులో మార్పులు..
రాజస్థాన్కు చివరి మ్యాచ్లో వీరి బౌలింగ్ అంతగా ఆకట్టుకోలేదు. యుజ్వేంద్ర చాహల్, రవిచంద్రన్ అశ్విన్ విఫలమయ్యారు. ఒబెడ్ మెక్కాయ్ కూడా రాణించలేదు. అయితే ఈ జట్టులో మార్పు వచ్చే అవకాశాలు ఇంకా తక్కువగానే కనిపిస్తున్నాయి. ఇంతకు ముందు మంచి ఇన్నింగ్స్లు ఆడిన అతడికి జట్టు మరో అవకాశం ఇచ్చినా యశస్వి జైస్వాల్ బ్యాట్ కూడా ఆడలేదు.
రెండు జట్ల ప్లేయింగ్ XI ఎలా ఉండనుందంటే..
రాయల్ ఛాలెంజర్స్ బెంగళూరు: ఫాఫ్ డు ప్లెసిస్ (కెప్టెన్), విరాట్ కోహ్లి, గ్లెన్ మాక్స్వెల్, రజత్ పాటీదార్, మహిపాల్ లోమోర్డ్, షాబాజ్ అహ్మద్, దినేష్ కార్తీక్ (వికెట్ కీపర్), వనిందు హసరంగా, హర్షల్ పటేల్, జోష్ హేజిల్వుడ్, మహ్మద్ సిరాజ్.
రాజస్థాన్ రాయల్స్: సంజు సామ్సన్ (కెప్టెన్/కీపర్), జోస్ బట్లర్, యశస్వి జైస్వాల్, రియాన్ పరాగ్, దేవదత్ పడిక్కల్, షిమ్రాన్ హెట్మెయర్, ఆర్ అశ్విన్, ట్రెంట్ బౌల్ట్, ప్రసిద్ధ్ కృష్ణ, యుజ్వేంద్ర చాహల్, ఒబెడ్ మెక్కాయ్.