Video: ఇంత డేంజరస్గా ఉన్నావేందయ్యా.. 3 ఫోర్లు, 13 సిక్సర్లు.. రింకూ ఫ్రెండ్ ఊహించని ఊచకోత..
Swastik Chikara Blistering Innings In UPT20 League: ఉత్తరప్రదేశ్ టీ20 లీగ్ 2024 27వ మ్యాచ్ మీరట్ మావెరిక్స్ వర్సెస్ గోరఖ్పూర్ లయన్స్ మధ్య జరిగింది. ఈ మ్యాచ్లో రింకూ సింగ్ నేతృత్వంలోని మీరట్ జట్టు కేవలం ఒక్క పరుగు తేడాతో ఉత్కంఠభరితంగా విజయం సాధించింది. తొలుత బ్యాటింగ్ చేసిన మీరట్ 20 ఓవర్లలో 5 వికెట్ల నష్టానికి 175 పరుగులు చేసింది. స్వస్తిక్ చికారా అద్భుతంగా బ్యాటింగ్ చేసి అద్భుత సెంచరీ చేశాడు.
![Video: ఇంత డేంజరస్గా ఉన్నావేందయ్యా.. 3 ఫోర్లు, 13 సిక్సర్లు.. రింకూ ఫ్రెండ్ ఊహించని ఊచకోత..](https://images.tv9telugu.com/wp-content/uploads/2024/09/swastik-chikara-rinku-singh.jpg?w=1280)
Swastik Chikara Blistering Innings In UPT20 League: ఉత్తరప్రదేశ్ టీ20 లీగ్ 2024 27వ మ్యాచ్ మీరట్ మావెరిక్స్ వర్సెస్ గోరఖ్పూర్ లయన్స్ మధ్య జరిగింది. ఈ మ్యాచ్లో రింకూ సింగ్ నేతృత్వంలోని మీరట్ జట్టు కేవలం ఒక్క పరుగు తేడాతో ఉత్కంఠభరితంగా విజయం సాధించింది. తొలుత బ్యాటింగ్ చేసిన మీరట్ 20 ఓవర్లలో 5 వికెట్ల నష్టానికి 175 పరుగులు చేసింది. స్వస్తిక్ చికారా అద్భుతంగా బ్యాటింగ్ చేసి అద్భుత సెంచరీ చేశాడు. అనంతరం గోరఖ్పూర్ లయన్స్ 6 వికెట్లు కోల్పోయి 174 పరుగులు మాత్రమే చేయగలిగింది.
స్వస్తిక్ చికారా 68 బంతుల్లో 114 పరుగులు..
టాస్ గెలిచిన మీరట్ మావెరిక్స్ కెప్టెన్ రింకూ సింగ్ ముందుగా బ్యాటింగ్ ఎంచుకున్నాడు. అయితే తొలి ఓవర్లోనే పరుగులేమీ చేయకుండానే జట్టుకు తొలి ఎదురుదెబ్బ తగిలింది. ఓపెనర్ అక్షయ్ దూబే తన ఖాతా కూడా తెరవలేకపోయాడు. ఆ తర్వాత మాధవ్ కౌశిక్ కూడా పరుగులు చేయకుండా పెవిలియన్కు చేరుకున్నాడు. ఒకానొక సమయంలో ఆ జట్టు 14 పరుగులకే 3 వికెట్లు కోల్పోయింది. ఆ తర్వాత కెప్టెన్ రింకూ సింగ్, స్వస్తిక్ చికార కలిసి ఇన్నింగ్స్ను చక్కదిద్దారు. రింకూ సింగ్ 35 బంతుల్లో 3 ఫోర్లు, 2 సిక్సర్ల సాయంతో 44 పరుగులు చేశాడు. కాగా, స్వస్తిక్ చికారా 68 బంతుల్లో 3 ఫోర్లు, 13 సిక్సర్ల సాయంతో అజేయంగా 114 పరుగులు చేశాడు. అంకిత్ రాజ్పుత్ అద్భుతంగా బౌలింగ్ చేసి 25 పరుగులిచ్చి 3 వికెట్లు పడగొట్టాడు.
కేవలం 1 పరుగు తేడాతో విజయం సాధించిన రింకూ సింగ్ టీం..
View this post on Instagram
లక్ష్యాన్ని ఛేదించే క్రమంలో గోరఖ్పూర్ లయన్స్ తరపున ఓపెనర్ అభిషేక్ గోస్వామి అద్భుత ఇన్నింగ్స్ ఆడాడు. 38 బంతుల్లో 4 ఫోర్లు, 1 సిక్స్ సాయంతో 43 పరుగులు చేశాడు. అయితే సిద్ధార్థ్ యాదవ్ ఖాతా తెరవకుండానే ఔటయ్యాడు. అతని ఔటైన తర్వాత కెప్టెన్ అక్షదీప్ నాథ్ ఇన్నింగ్స్ను చేజిక్కించుకున్నాడు. 49 బంతుల్లో 6 ఫోర్ల సాయంతో 59 పరుగులు చేసినా జట్టును విజయతీరాలకు చేర్చలేకపోయాడు. ఆఖరి 5 బంతుల్లో జట్టు విజయానికి 17 పరుగులు చేయాల్సి ఉండగా దానిని అందుకోలేకపోయింది.
ఈ విజయంతో రింకూ సింగ్కు చెందిన మీరట్ మావెరిక్స్ తొలిస్థానాన్ని మరింత పటిష్టం చేసుకుంది. లక్నో జట్టు రెండో స్థానంలో, గోరఖ్పూర్ జట్టు మూడో స్థానంలో నిలిచాయి.
మరిన్ని క్రీడా వార్తల కోసం ఇక్కడ క్లిక్ చేయండి..