MS Dhoni: దటీజ్ ధోని.. ఇప్పటికీ ఏమాత్రం తగ్గని క్రేజ్.. షారుక్ – అమితాబ్లనే దాటేశాడుగా.. ఎందులోనో తెలుసా?
MS Dhoni Endorsements: టీమిండియా మాజీ కెప్టెన్ ఎంఎస్ ధోని పాపులారిటీ నానాటికీ పెరుగుతోంది. దీని కారణంగా, అతను బ్రాండ్ ఎండార్స్మెంట్ ప్రపంచంలో ప్రముఖ బాలీవుడ్ తారలు షారుక్ ఖాన్, అమితాబ్ బచ్చన్లను కూడా విడిచి పెట్టాడు. ఈ సంవత్సరం ధోనీ ఈ దిగ్గజాల కంటే ఎక్కువ బ్రాండ్లతో ఒప్పందాలు కుదుర్చుకున్నాడు.
Updated on: Dec 10, 2024 | 9:15 AM
MS Dhoni Endorsements: ఎంఎస్ ధోని భారత క్రికెట్లో చెరగని ముద్ర వేశాడు. చాలా ఏళ్ల క్రితమే అంతర్జాతీయ క్రికెట్కు దూరమైనా నేటికీ అతని ఆదరణ తగ్గలేదు. తగ్గడమే కాకుండా మరింత పెరిగింది. 43 ఏళ్లు పూర్తి చేసుకున్న ధోని భారత్కు అత్యంత విజయవంతమైన కెప్టెన్గా నిలిచాడు. ఇప్పుడు బ్రాండ్ ఎండార్స్మెంట్స్లో ప్రపంచంలోనే అగ్రగామిగా నిలిచాడు. బ్రాండ్ డీల్స్పై సంతకం చేయడంలో ప్రముఖ బాలీవుడ్ స్టార్లు షారుఖ్ ఖాన్, అమితాబ్ బచ్చన్లను కూడా ధోని వెనక్కు నెట్టేశాడు.
బ్రాండ్ ఎండార్స్మెంట్లో ధోనీ ‘కింగ్’..
మీడియా కథనాల ప్రకారం, కెప్టెన్ కూల్ అని పేరుగాంచిన ధోని 2024 మొదటి ఆరు నెలల్లో 42 బ్రాండ్లతో ఒప్పందాలు కుదుర్చుకున్నాడు. దీనితో పాటు, అతను బ్రాండ్లను ఎండార్స్ చేయడంలో షారుక్ ఖాన్, అమితాబ్ బచ్చన్ల కంటే ముందున్నాడు. బాలీవుడ్ సూపర్ స్టార్ అమితాబ్ బచ్చన్ ఈ ఏడాది మొదటి ఆరు నెలల్లో 41 బ్రాండ్లతో ఒప్పందాలు కుదుర్చుకున్నారు. అదే సమయంలో, షారుక్ ఖాన్ ఈ కాలంలో 34 ఒప్పందాలపై సంతకం చేశారు. అంటే, ఈ ఇద్దరు దిగ్గజాలు ఎంఎస్ ధోనిని వెనక్కునెట్టడంలో విఫలమయ్యారు.
జార్ఖండ్లో ఓటర్లకు అవగాహన కల్పించడం నుంచి పెద్ద పెద్ద ఆటోమొబైల్ బ్రాండ్ల కోసం ప్రచారం చేయడం వరకు ధోని ప్రభావం కొనసాగుతోంది. ధోనీ ఇప్పుడు ఐపీఎల్లో మాత్రమే ఆడుతున్నాడు. అతనితో అనుబంధం కోసం కంపెనీలు ఇంకా తహతహలాడుతున్నాయి. ధోని సగటు రోజువారీ స్క్రీన్ సమయం ఇతర స్టార్ల కంటే కొంచెం తక్కువగా ఉంది. కానీ, అతని బ్రాండ్ విలువ నిరంతరం పెరుగుతోంది. ఈ ఏడాది ధోనీ పలు ప్రముఖ బ్రాండ్లతో ఒప్పందాలు కుదుర్చుకున్నాడు.
ఐపీఎల్ 2025లో చూడొచ్చు..
ఎంఎస్ ధోని ఐపీఎల్ 2025లో అన్క్యాప్డ్ ప్లేయర్గా ఆడనున్నాడు. చెన్నై సూపర్ కింగ్స్ అతడిని 4 కోట్ల రూపాయల వేతనంతో తన వద్ద ఉంచుకుంది. ఐపీఎల్ 2025 మెగా వేలం కోసం బీసీసీఐ పాత నిబంధనను మళ్లీ ప్రవేశపెట్టింది. దీని ప్రకారం ఏ ఆటగాడు వరుసగా గత 5 సంవత్సరాలుగా అంతర్జాతీయ క్రికెట్కు రిటైర్మెంట్ ఇచ్చినా లేదా గత 5 సంవత్సరాలుగా వరుసగా ఏదైనా అంతర్జాతీయ మ్యాచ్ ఆడుతూ ఉంటే, అతను ప్లేయింగ్ 11లో భాగం కాకపోతే, అతన్ని అన్క్యాప్డ్ ప్లేయర్గా కొనసాగించవచ్చు. ఈ నియమం కారణంగా, ధోని ఆగస్ట్ 2020లో అంతర్జాతీయ క్రికెట్ను విడిచిపెట్టినందున, అన్క్యాప్డ్ ప్లేయర్గా బరిలోకి దిగనున్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..
