ODI World Cup2023: టీమిండియా ఫ్యాన్స్‌కు గుడ్న్యూస్.. మరోసారి జట్టులోకి ఎంఎస్‌ ధోని ఎంట్రీ.. ఎందుకో తెలుసా?
MS Dhoni: భారత జట్టు ఈ ఏడాది వన్డే ప్రపంచ కప్ 2023(ODI World Cup-2023)కు ఆతిథ్యం ఇవ్వనుంది. ఈ ICC టోర్నమెంట్ అక్టోబర్‌లో ప్రారంభం కానుంది. దీనికి ముందు భారత అభిమానులకు గుడ్న్యూస్ అందనుంది.
Updated on: Jun 22, 2023 | 5:15 AM
ODI World Cup-2023: భారత జట్టు ఈ ఏడాది వన్డే ప్రపంచ కప్ 2023(ODI World Cup-2023)కు ఆతిథ్యం ఇవ్వనుంది. ఈ ICC టోర్నమెంట్ అక్టోబర్‌లో ప్రారంభం కానుంది. దీనికి ముందు భారత అభిమానులకు గుడ్న్యూస్ అందనుంది. ‘మహాకుంభ్ ఆఫ్ క్రికెట్’గా పేరుగాంచిన ఐసీసీ వన్డే ప్రపంచ కప్-2023 ఈ సంవత్సరం భారతదేశంలో ఆడబడుతుంది. అక్టోబర్‌-నవంబర్‌లో జరిగే ఈ టోర్నీ భారత్‌కు ప్రత్యేకం. నిజానికి 2011 నుంచి ఈ టోర్నీని టీమిండియా గెలవలేదు. వెటరన్ మహేంద్ర సింగ్ ధోని (MS Dhoni) సారథ్యంలో వాంఖడే వేదికగా జరిగిన వన్డే ప్రపంచకప్ 2011లో భారత్ ఫైనల్ మ్యాచ్‌లో విజయం సాధించి, ఐసీసీ ట్రోఫీని దక్కించుకుంది.
రోహిత్‌పై కీలక బాధ్యతలు..
డాషింగ్ ఓపెనర్ రోహిత్ శర్మ సారథ్యంలోని టీమ్ ఇండియా ఈసారి ఐసీసీ ట్రోఫీని గెలుచుకునేందుకు శాయశక్తులా ప్రయత్నిస్తుంది. 2013 నుంచి ఐసీసీ ట్రోఫీని గెలవలేదు. ధోనీ నాయకత్వంలో భారత్ ఐసీసీ ఛాంపియన్స్ ట్రోఫీని గెలుచుకుంది. ఇప్పుడు భారత పరిస్థితులను సద్వినియోగం చేసుకుంటూ, ట్రోఫీని గెలవడానికి రోహిత్ ఏ రాయిని వదిలిపెట్టడానికి ఇష్టపడడు.
ధోనీకి కీలక బాధ్యతలు..!
అంతర్జాతీయ క్రికెట్ నుంచి రిటైరైన వెటరన్ మహేంద్ర సింగ్ ధోనీకి బీసీసీఐ పెద్ద బాధ్యతను అప్పగించవచ్చు. భారత అత్యంత విజయవంతమైన కెప్టెన్లలో ఒకరైన ధోని నాయకత్వంలో, భారత జట్టు 3 ICC ట్రోఫీలను గెలుచుకుంది. అతను 2007లో టీ20 ప్రపంచకప్, 2011లో వన్డే ప్రపంచకప్, 2013లో ఛాంపియన్స్ ట్రోఫీని భారత్‌కు అందించాడు. అంతేకాదు తన కెప్టెన్సీలో టీమిండియాను నంబర్-1గా నిలబెట్టాడు. రాబోయే వన్డే ప్రపంచకప్‌లో బీసీసీఐ ధోనీని మెంటార్‌గా చేయగలదనే వార్తలు వినిపిస్తున్నాయి.
2021లో కూడా ధోనీ మెంటార్‌గా..
BCCI ధోని అనుభవాన్ని పూర్తిగా ఉపయోగించాలనుకుంటోంది. భారతదేశంలో జరిగే ODI ప్రపంచ కప్‌లో అతనిని జట్టుతో ఉంచాలని ఆలోచిస్తున్నట్లు తెలుస్తోంది. గతంలో 2021లో జరిగిన టీ20 ప్రపంచకప్‌లో ధోనీని టీమిండియా మెంటార్‌గా నియమించారు. అతని మార్గదర్శకత్వంలో క్రీడాకారులు ఉత్సాహాన్ని పొందడమే కాకుండా, ధోని అనుభవాన్నికూడా టోర్నమెంట్‌లో ఉపయోగించుకోవాలని చూస్తోంది.
మరిన్ని క్రీడా వార్తల కోసం ఇక్కడ క్లిక్ చేయండి..
