రిటైర్మెంట్‌పై ధోని ఎమోషనల్ కామెంట్

ప్రస్తుత వరల్డ్ కప్‌లో ధోనీ తన రేంజ్‌కు తగ్గ ప్రదర్శన చేయడం లేదని.. బ్యాటింగ్‌లో తీవ్రంగా విఫలమవుతున్నాడని పలవురు భారత అభిమానులతో పాటు మాజీ ప్లేయర్లు సైతం పెదవి విరిచిన సంగతి తెలిసిందే. రిటైర్మంట్ విషయంలో గతంలో ఎప్పుడూ రూమర్స్ వచ్చినా వాటికి ‘తలా’  తన బ్యాటుతోనే సమాధానం చెప్పాడు.  కానీ ప్రస్తుతం విమర్శల తీవ్రత పెరగడంతో భారత వికెట్‌ కీపర్‌ స్పందించాడు.

‘క్రికెట్‌ నుంచి ఎప్పుడు తప్పుకుంటానో నాకు తెలియదు. శ్రీలంకతో మ్యాచ్‌కు ముందే నేను రిటైర్‌ కావాలని చాలా మంది కోరుకుంటున్నారు’ అని ధోనీ ఏబీపీ మీడియాతో అన్నాడు. అయితే ఈ విషయంలో టీమిండియా ఆటగాళ్లని కానీ, జట్టు యాజమాన్యాన్ని కానీ తాను నిందించడం లేదని పేర్కొన్నాడు.