Mohammed Siraj: ఆర్సీబీపై సిరాజ్ మియా పోస్ట్..కట్ చేస్తే.. సీన్‌లోకి రషిద్ ఖాన్ ఎంట్రీ.. నువ్వు మావోనివంటూ..
రాయల్ ఛాలెంజర్స్ బెంగళూరు మహ్మద్ సిరాజ్‌ను మెగా వేలంలో కొనుగోలు చేయలేదు. గుజరాత్ టైటాన్స్ 2025 మెగా వేలంలో సిరాజ్‌ను కొనుగోలు చేసింది. తాజాగా ఈ విషయంపై సిరాజ్ స్పందించాడు.
Updated on: Nov 27, 2024 | 5:30 AM
మహ్మద్ సిరాజ్ IPL 2025లో గుజరాత్ టైటాన్స్ తరపున ఆడనున్నాడు. 12.25 కోట్లకు సిరాజ్‌ను గుజరాత్ కొనుగోలు చేసింది. సిరాజ్ గత 7 సంవత్సరాలుగా RCBలో భాగంగా ఉన్నాడు. ఇప్పుడు RCBని విడిచిపెట్టిన తర్వాత, సిరాజ్ భావోద్వేగ పోస్ట్‌ను సోషల్ మీడియాలో షేర్ చేశాడు. సిరాజ్ ఒక వీడియోను పంచుకున్నాడు. అందులో అతను RCBతో గడిపిన ప్రత్యేక క్షణాలను పంచుకున్నాడు. వీడియోలో సిరాజ్, RCB మధ్య ఉన్న కనెక్షన్ కనిపించింది.
వీడియో పోస్ట్‌ను పంచుకుంటూ, సిరాజ్ సుదీర్ఘ క్యాప్షన్ రాశాడు. “నా ప్రియమైన RCBకి, RCBతో గడిపిన ఏడు సంవత్సరాలు అద్భుతం, నేను RCB జెర్సీలో వేసిన మొదటి బంతి నుండి తీసిన ప్రతి వికెట్ వరకు, ఆడిన ప్రతి మ్యాచ్, మీతో పంచుకున్న ప్రతి క్షణం, ప్రయాణం అసాధారణమైనది ఏమీ కాదు” అని క్యాప్షన్‌లో పేర్కొన్నాడు. ఈ వీడియో పోస్ట్‌లో, సిరాజ్ ‘నా హమారా, నా తుమ్హారా హువా, ఇష్కా కా యే సితం నా గన్వారా హువా’ పాటను ఉపయోగించాడు. ఈ వీడియోపై గుజరాత్ టైటాన్స్‌కు చెందిన రషీద్ ఖాన్ వ్యాఖ్యానిస్తూ, “ఇప్పుడు మీరు మావారు” అని కామెంట్ చేశాడు. సిరాజ్ తన కెరీర్‌లో ఇప్పటివరకు 93 మ్యాచ్‌లు ఆడాడు. 93 వికెట్లు పడగొట్టాడు.
View this post on Instagram
మరిన్ని క్రికెట్ వార్తల కోసం ఇక్కడ క్లిక్ చేయండి
