Mohammad Azharuddin : మళ్లీ హెచ్‌సీఏ పగ్గాలు అజారుద్దీన్‌కే..! అపెక్స్‌ కౌన్సిల్‌ను రద్దు చేసిన అంబుడ్స్‌మన్‌

Mohammad Azharuddin : అంబుడ్స్‌మన్‌ జస్టిస్ దీపక్ వర్మ (రిటైర్డ్) హైదరాబాద్ క్రికెట్ అసోసియేషన్ అధ్యక్షుడిగా మహ్మద్ అజారుద్దీన్‌ను తిరిగి నియమించారు. దీంతో పాటు అపెక్స్ కౌన్సిల్‌లోని ఐదుగురు సభ్యులను తాత్కాలికంగా అనర్హులుగా ప్రకటించారు. ఇందులో ఉపాధ్యక్షుడు జాన్‌ మనోజ్‌, కార్యదర్శి విజయానంద్‌, సంయుక్త కార్యదర్శి నరేష్‌ శర్మ, కోశాధికారి సురేందర్‌ అగర్వాల్‌, కౌన్సిలర్‌ అనురాధ ఉన్నారు. ఈ ఆదేశాలు అమలు చేయడంతో పాటు హెచ్‌సీఏ పాలన సజావుగా సాగేలా అధ్యక్షుడు అజహరుద్దీన్‌ నేతృత్వంలోని అపెక్స్‌ కౌన్సిల్‌ బాధ్యత తీసుకుంటుందని ఆయన పేర్కొన్నారు.

ఇటీవలే హెచ్‌సీఏలోని అపెక్స్‌ కౌన్సిల్‌ సభ్యులు ఏకపక్ష ధోరణిలో వ్యవహరిస్తున్నారని, అక్రమాలకు పాల్పడ్డారంటూ మాజీ అధ్యక్షుడు మహ్మద్‌ అజారుద్దీన్‌ అంబుడ్స్‌మన్‌కు ఫిర్యాదు చేసిన సంగతి తెలిసిందే. అజహర్‌ ఫిర్యాదును పరిశీలించిన అంబుడ్స్‌మన్‌ అపెక్స్‌ కౌన్సిల్‌ను రద్దు చేస్తున్నట్లు తెలిపింది. అయితే దీనిపై అపెక్స్ కౌన్సిల్ స్పందిస్తూ అసలు అంబుడ్స్‌మన్‌ నియామకం చెల్లదంటూ ఆగ్రహం వ్యక్తం చేసింది. అంబుడ్స్‌మన్‌గా దీపక్ వర్మను అజార్ ఏకపక్షంగా నియమించాడని ఆ వ్యక్తి అజహర్‌ చెప్పినట్టే వ్యవహరిస్తాడని పేర్కొంది. కాగా సోమవారం మధ్యాహ్నం 12 గంటలకు మీడియా సమావేశం ఏర్పాటు చేయనున్నట్లు అపెక్స్‌ కౌన్సిల్‌ తెలిపింది.

జస్టిస్ దీపక్ వర్మ మాట్లాడుతూ..”అపెక్స్ కౌన్సిల్ స్వయంగా అలాంటి నిర్ణయాలు తీసుకోదు. అందువల్ల ఎన్నికైన అధ్యక్షుడిని సస్పెండ్ చేయడానికి ఈ ఐదుగురు సభ్యులు ఆమోదించిన తీర్మానాన్ని (ఏదైనా ఉంటే) పక్కన పెట్టడం సముచితమని నేను భావిస్తున్నాను” అని పేర్కొన్నారు. జూన్ 17 న హైదరాబాద్ క్రికెట్ అసోసియేషన్ (హెచ్‌సిఎ) సుప్రీం కౌన్సిల్ రాజ్యాంగాన్ని ఉల్లంఘించిందనే ఆరోపణలతో మొహమ్మద్ అజారుద్దీన్‌ను సస్పెండ్ చేసిన సంగతి తెలిసిందే.. అపెక్స్ కౌన్సిల్ కూడా అజర్‌పై దుష్ప్రవర్తన ఆరోపణలు చేసింది. బిసిసిఐ జనరల్ బాడీ ప్రత్యేక సమావేశంలో వారు శివాలాల్ యాదవ్‌ను తమ ప్రతినిధిగా చేసుకోవాలనుకున్నారు కాని బిసిసిఐ జోక్యం చేసుకుని అజారుద్దీన్‌ను సమావేశంలో పాల్గొనడానికి అనుమతించింది.

ట్రాన్సాక్షన్ చేయకుండానే క్రెడిట్ కార్డ్ నుంచి రెండున్నర లక్షలు వాడినట్టు మెసేజ్ వచ్చింది.. అసలు కథ ఇదీ..!

యూపీ రాజధాని లక్నోలో కుప్పలా కూలిపోయిన మాజీ ఎంపీ బిల్డింగ్… రక్షిత కట్టడాల పరిధిలోనిదన్న అధికారులు

Telangana Corona Updates: తెలంగాణలో గణనీయంగా తగ్గిన కరోనా కేసుల సంఖ్య.. తాజాగా ఎన్ని కేసులంటే..