Ben Stokes: ఏదో చేద్దాం అని రిటైర్మెంట్ నుండి తిరిగి వచ్చాడు.. కట్ చేస్తే జట్టులో చోటు గల్లంతు..

ఇంగ్లాండ్ క్రికెట్‌కు మరో షాక్ తగిలింది. టెస్ట్ కెప్టెన్, స్టార్ ఆల్‌రౌండర్ అయిన బెన్ స్టోక్స్ భారత పర్యటనతో పాటూ వచ్చే ఏడాది పాకిస్థాన్‌లో జరగనున్న ఛాంపియన్స్ ట్రోఫీ నుంచి కూడా తప్పుకోవాల్సి వచ్చింది. ఈ గాయం అతని కెరీర్‌కు కీలకమైన సమయంలో ఇంగ్లాండ్ జట్టును ప్రభావితం చేస్తోంది.

ఈ నెల ప్రారంభంలో న్యూజిలాండ్‌తో జరిగిన మూడో టెస్ట్‌లో గాయపడిన 33 ఏళ్ల స్టోక్స్‌ను గాయం సమస్యల కారణంగా టీమ్ మేనేజ్‌మెంట్ పక్కన పెట్టింది. ఇంగ్లాండ్ క్రికెట్ బోర్డు ప్రకటనలో, “స్టోక్స్ ఎంపికకు అర్హుడు కాదు, అతని గాయంపై పరిశీలన కొనసాగుతోంది” అని పేర్కొన్నారు.

ఇంగ్లాండ్ టీమ్ జూన్‌లో జరగబోయే యాషెస్ సిరీస్‌కు సిద్ధమవుతోంది. ఈ గాయం కారణంగా, ఇంగ్లాండ్ తన రెడ్-బాల్ కెప్టెన్‌ను రిస్క్ తీసుకోకుండా నిర్ణయం తీసుకుంది.

ఇంగ్లాండ్ జట్టులో ఇద్దరు కీలక ఆటగాళ్లు తిరిగి వచ్చారు. జో రూట్, ప్రపంచ కప్ తర్వాత ODI జట్టులోకి తిరిగి చేరాడు. ఫాస్ట్ బౌలర్ మార్క్ వుడ్ కూడా గాయం కారణంగా పాకిస్థాన్, న్యూజిలాండ్ టెస్ట్ సిరీస్‌లను మిస్ అయ్యాడు కానీ రానున్న ఈ రెండు సిరీస్ లకు జట్టులో ఎంపిక అయ్యాడు.

ఇంగ్లాండ్ జట్టులో కొత్త టాలెంట్ అయిన జాకబ్ బెథెల్, రెహాన్ అహ్మద్ వంటి యువ ఆటగాళ్లతో ప్రోత్సాహకరమైన మార్పులు కనిపిస్తున్నాయి. అయితే జోస్ బట్లర్ నాయకత్వంలో వన్డే, టీ20 జట్లకు మార్గదర్శకత్వం అందిస్తున్నారు.