రోకో లేకుండా టెస్ట్ మ్యాచ్ ఆడనున్న టీం ఇండియా! ఇంతకు ముందు ఇలా ఎప్పుడు జరిగిందో తెలుసా?

జనవరి 2022లో దక్షిణాఫ్రికా పర్యటనలో జోహన్నెస్‌బర్గ్ వేదికగా జరిగిన రెండవ టెస్ట్ మ్యాచ్ భారత క్రికెట్ చరిత్రలో ఒక విశేష సంఘటనగా నిలిచింది. ఈ మ్యాచ్‌లో టీమ్ ఇండియా విరాట్ కోహ్లీ, రోహిత్ శర్మ లేకుండా ఆడింది. అప్పటిదాకా భారత టెస్ట్ క్రికెట్‌లో ఈ ఇద్దరి ఉనికి లేకపోవడం చాలా అరుదైన సందర్భం. కోహ్లీకి ఎగువ వెన్నులో నొప్పి ఉండటం వల్ల అతను ఆ మ్యాచ్‌కు దూరమయ్యాడు, అలాగే రోహిత్ శర్మ హామ్‌స్ట్రింగ్ గాయం కారణంగా ఆ సిరీస్‌కు దూరమయ్యాడు. వీరి గైర్హాజరీలో కెఎల్ రాహుల్ జట్టుకు నాయకత్వం వహించాడు, కానీ భారత్ ఆ టెస్ట్‌ను ఏడు వికెట్ల తేడాతో కోల్పోయింది. ఆ తర్వాతి టెస్ట్‌లో కోహ్లీ తిరిగి వచ్చినా, అది అతని చివరి కెప్టెన్‌గా టెస్ట్ మ్యాచ్ కావడం విశేషం. అతని పదవీ విరమణతో పాటు, రోహిత్ శర్మకు కెప్టెన్సీ బాధ్యతలు అప్పగించబడ్డాయి.

ఇప్పుడు, కోహ్లీ-రోహిత్ ఇద్దరూ అధికారికంగా టెస్ట్ క్రికెట్‌కు గుడ్‌బై చెప్పడంతో, భారత జట్టు వారి ఉనికి లేకుండా టెస్ట్ క్రికెట్‌లో కొత్త శకానికి అరంగేట్రం చేయబోతోంది. వీరిద్దరూ దశాబ్దానికి పైగా భారత బ్యాటింగ్ లైనప్‌కు మద్దతుగా నిలిచారు, ఎన్నో విజయాల్లో కీలక పాత్ర పోషించారు. వారి రిటైర్మెంట్ తర్వాత, జట్టులో కేవలం పరుగుల కొరతే కాకుండా, వారి నాయకత్వం, అనుభవం, మైదానంలో ప్రేరణ వంటి అంశాల్లోనూ ఒక ఖాళీ ఏర్పడుతుంది. కోహ్లీ అగ్రహంతో కూడిన పోరాట స్పూర్తిని, రోహిత్ శాంతమైన నిర్ణయాత్మకతను జట్టుకు అందించారు.

ఈ నేపథ్యంలో, జూలై 2025లో ఇంగ్లాండ్ పర్యటనకు సిద్ధమవుతున్న భారత జట్టు, కొత్త తరానికి బాధ్యతలను అప్పగించాల్సిన అవసరం ఉంది. యువ ఆటగాళ్లు యశస్వి జైస్వాల్, శుభ్‌మాన్ గిల్ వంటి వారు ఇప్పుడు టెస్ట్ ఫార్మాట్‌లో కీలకంగా మారాల్సి ఉంటుంది. వారిపై పెద్ద బాధ్యత ఉంది. కేవలం బ్యాట్‌తోనే కాకుండా, కొత్త తరం క్రికెటర్లకు మార్గదర్శకులుగా నిలవాల్సిన అవసరం ఉంది. కోహ్లీ, రోహిత్ శర్మ ముద్ర వదిలిన జాడలో, ఇప్పుడు వీరు కొత్త అధ్యాయాన్ని రాయాల్సిన సమయం ఆసన్నమైంది.

మరిన్ని క్రికెట్ వార్తల కోసం ఇక్కడ క్లిక్ చేయండి..