IND vs SA: టీమిండియా ఓటమికి ఆ నలుగురే విలన్లు.. ఒక్క ఓటమితో పరువు పోయేలా చేశారుగా
రాయ్పూర్లో భారత్ ఘోర పరాజయాన్ని చవిచూసింది. 358 పరుగులు చేసినప్పటికీ టీం ఇండియా మ్యాచ్లో ఓడిపోయింది. భారీ స్కోర్ను కాపాడుకునే క్రమంలో టీమిండియా ఎక్కడ తప్పిదం చేసిందో ఇప్పుడు తెలుసుకుందామా.. ఓ సారి ఈ స్టోరీపై లుక్కేయండి మరి. వివరాలు ఇవిగో
Updated on: Dec 04, 2025 | 11:29 AM
వన్డే మ్యాచ్లో ఒక జట్టు 358 పరుగులు చేస్తే, ఆ జట్టు విజయం ఖాయమని భావిస్తారు. కానీ నిన్న జరిగిన రెండో వన్డేలో ఇది సాధ్యం కాలేదు. రాయ్పూర్ వన్డేలో మొదట బ్యాటింగ్ చేసిన భారత జట్టు 50 ఓవర్లలో 358 పరుగులు చేసింది, అయినప్పటికీ ఆ జట్టు మ్యాచ్ను కోల్పోయింది. దక్షిణాఫ్రికా బ్యాట్స్మెన్లు అద్భుతంగా రాణించి భారత్పై తొలిసారిగా ఇంత పెద్ద లక్ష్యాన్ని సాధించారు. దీనితో పాటు భారత జట్టు పేలవంగా ఆడటం కూడా ఫ్యాన్స్ను ఆశ్చర్యానికి గురి చేసింది. టీం ఇండియా ఓటమికి 5 కారణాలు ఏంటో ఇప్పుడు చూసేద్దాం.
టాస్ అండ్ డ్యూ
రాయ్పూర్ వన్డేలో టీం ఇండియా ఓటమికి అతిపెద్ద కారణాలు టాస్, మంచు. రాయ్పూర్ వాతావరణం కారణంగా దక్షిణాఫ్రికా టాస్ గెలిచి ముందుగా ఫీల్డింగ్ ఎంచుకుంది. రాయ్పూర్లో సాయంత్రం వేళల్లో భారీగా మంచు కురుస్తుంది. దీని వల్ల ఛేజింగ్ సులభతరం అవుతుంది. ఇదే దక్షిణాఫ్రికాకు ప్రయోజనం చేకూర్చింది. తద్వారా దక్షిణాఫ్రికా 359 పరుగుల లక్ష్యాన్ని ఛేదించింది.
డెత్ ఓవర్లలో నెమ్మదిగా బ్యాటింగ్ చేయడం
టీం ఇండియా 358 పరుగులు చేసింది కానీ చివరి 10 ఓవర్లలో చాలా నెమ్మదిగా బ్యాటింగ్ చేసింది. చివరి 60 బంతుల్లో భారత జట్టు కేవలం 74 పరుగులు మాత్రమే జోడించిందని తెలిస్తే మీరు ఆశ్చర్యపోతారు. జడేజా, రాహుల్ భాగస్వామ్యం త్వరగా పరుగులు చేయడంలో విఫలమైంది. లేకుంటే జట్టు స్కోరు 375 దాటేది.
ప్రసిద్ధ్ కృష్ణ పేలవమైన బౌలింగ్
దక్షిణాఫ్రికా విజయంలో ఫాస్ట్ బౌలర్ ప్రసిద్ధ్ కృష్ణ కూడా కీలక పాత్ర పోషించాడు. ఈ మ్యాచ్లో అతను రెండు వికెట్లు పడగొట్టాడు. కానీ తన ఎనిమిది ఓవర్లలో 79 పరుగులు ఇచ్చాడు. కుల్దీప్ యాదవ్ కూడా తన 10 ఓవర్లలో 78 పరుగులు ఇచ్చాడు.
యశస్వి జైస్వాల్
భారత ఓటమికి యశస్వి జైస్వాల్ ఒక ప్రధాన కారణం. అతను బ్యాటింగ్లో విఫలమవడమే కాకుండా, అతని పేలవమైన ఫీల్డింగ్ కూడా జట్టుకు భారీ నష్టం కలిగించింది. నిజానికి, ఆ సమయంలో 53 పరుగుల వద్ద ఉన్న మార్క్రామ్ ఇచ్చిన సులభమైన క్యాచ్ను యశస్వి జైస్వాల్ వదిలివేశాడు. అతనికి లైఫ్ ఇచ్చిన తర్వాత, అతడు సెంచరీ సాధించాడు. మార్క్రామ్ మొత్తంగా 110 పరుగులు చేశాడు.
పేలవమైన గ్రౌండ్ ఫీల్డింగ్
భారత జట్టు మైదానంలో కూడా పేలవమైన ఫీల్డింగ్ను ప్రదర్శించింది. అర్ష్దీప్ సింగ్, వాషింగ్టన్ సుందర్, యశస్వి జైస్వాల్ వంటి ఆటగాళ్ళు అనేక మిస్ఫీల్డ్లు చేశారు. టీమ్ ఇండియా కూడా మూడు లేదా నాలుగు సందర్భాలలో ఓవర్త్రోల ద్వారా పరుగులు ఇచ్చింది. ఫలితంగా రాయ్పూర్లో ఓటమి పాలైంది.
