ఐపీఎల్లో ఛాన్స్ వస్తుందనుకుంటే నిండా ముంచేశారు.. కట్ చేస్తే.. ఒక్క మెసేజ్తో..
Belagavi Cricketer: బెల్గాంకు చెందిన ఒక యువ క్రికెటర్ ఐపీఎల్ పేరుతో మోసపోయాడు. ఐపీఎల్ పేరుతో మోసానికి పాల్పడిన సైబర్ మోసగాళ్లను పట్టుకునేందుకు బెల్గాం జిల్లా సీఈఎన్ పోలీసులు ఆపరేషన్ ప్రారంభించారు. ప్రభుత్వం, పోలీసు శాఖలు ఎంత అవగాహన పెంచుతున్నా సైబర్ మోసానికి గురవుతున్న వారి సంఖ్య తగ్గకపోవడం గమనార్హం.
Updated on: May 23, 2025 | 11:34 AM
ఐపీఎల్ టోర్నమెంట్లో క్రికెట్ ఆడాలని ఆశించిన ఒక యువ క్రికెటర్ ఇన్స్టాగ్రామ్లో వచ్చిన ఒక్క మెసేజ్ కారణంగా 23 లక్షల రూపాయలు పోగొట్టుకున్నాడు. బెళగావి జిల్లా చిక్కోడి తాలూకాలోని చించని గ్రామానికి చెందిన రాకేష్ యాదురే (19).. రాష్ట్ర స్థాయి క్రికెట్ టోర్నమెంట్లో ఆడుతుంటాడు. అయితే, అందరిలాగే ఐపీఎల్లో ఆడాలనే కోరిక చాలా ఉండేది. అతనిలో ప్రతిభ కూడా ఉంది. అతను మే 2024లో హైదరాబాద్లో జరిగిన రాష్ట్ర స్థాయి క్రికెట్ మ్యాచ్లో బాగా రాణించాడు. ఆ తర్వాత రైజింగ్ భారత్ క్రికెట్ లీగ్ టోర్నమెంట్ కోసం సెలక్షన్ ట్రయల్స్లో పాల్గొన్నాడు. అప్పుడు జరిగిన టోర్నమెంట్ సమయంలో క్రికెట్ కమిటీ సెలెక్టర్లు వచ్చారని తెలుస్తోంది. బాగా ఆడి ఇంటికి తిరిగి వచ్చిన రాకేష్, నాలుగు నెలల తర్వాత ఇన్స్టాగ్రామ్లో వచ్చిన సందేశం చూసి షాక్ అయ్యాడు.
(Sushant_srivastava1) అనే ఖాతా నుంచి Instagram లో ఒక సందేశం వచ్చింది. అందులో “మేం మిమ్మల్ని రాజస్థాన్ రాయల్స్ జట్టులోకి చేర్చుతాం” అని ఉంది. “ఈ దరఖాస్తు ఫారమ్ నింపి 2,000 రూపాయలు పంపండి” అని అందులో పేర్కొన్నారు. ఇన్స్టాగ్రామ్లో వచ్చిన సందేశాన్ని నమ్మి రాకేష్ మొదట డబ్బును బదిలీ చేశాడు. ఆ తర్వాత నిందితుడు దశలవారీగా మ్యాచ్కు రూ.10 లక్షల చొప్పున రూ.23 లక్షలను బదిలీ చేశాడు. డిసెంబర్ 22, 2024 నుండి ఏప్రిల్ 19, 2025 వరకు రూ.23,53,550 ఆన్లైన్లో బదిలీ చేసి చెల్లించాడు.
ఈ డబ్బు అందుకున్నప్పటికీ రాజస్థాన్ జట్టులో చేరే సూచనలు లేకపోవడంతో మోసపోయానని గుర్తించిన రాకేష్.. వెంటనే పోలీస్ స్టేషన్కు వెళ్లాడు. దీనిపై బెల్గాం ఎస్పీ డాక్టర్ భీమశంకర్ గులేద్ స్పందిస్తూ, సైబర్ మోసగాళ్ల నెట్వర్క్కు అమాయక యువత ఎక్కువగా బాధితులుగా మారుతున్నారని అన్నారు. మోసానికి గురైన రాకేష్ తండ్రి, KSRTC బస్ యూనిట్లో సెక్యూరిటీ గార్డుగా పనిచేస్తున్నాడు. చాలా పేదవారైనప్పటికీ, తమ కొడుకుకు మంచి జరుగుతుందనే ఆశతో డబ్బు కట్టారు. ఆన్లైన్లో వచ్చే మోసపూరిత సందేశాలకు ఎవరూ బలికాకూడదని వాపోతున్నారు. ఈ కేసును తాము తీవ్రంగా పరిగణిస్తున్నామని, నిందితుడి గురించి ఏవైనా ఆధారాలు లభించిన వెంటనే రాజస్థాన్కు ప్రత్యేక దర్యాప్తు పోలీసు బృందాన్ని పంపుతామని పోలీసులు తెలిపారు.
మొత్తం మీద, మోసపోయిన వర్ధమాన క్రికెటర్ కుటుంబం ఇటు డబ్బు, అటు అవకాశాలు రాకపోవడంతో వీధిన పడింది. కేసు నమోదు చేసుకున్న సైబర్ క్రైమ్ పోలీసులు దర్యాప్తును ముమ్మరం చేశారు. ఆన్లైన్లో వచ్చే ఏవైనా సందేశాల ఆధారంగా డబ్బు చెల్లించకూడదని పోలీసులు అవగాహన పెంచడానికి ప్రయత్నిస్తున్నప్పటికీ, ఇలాంటి కేసులు మళ్లీ మళ్లీ నమోదవుతుండటం ఆందోళనకరంగా మారింది.
మరిన్ని ఐపీఎల్ వార్తల కోసం ఇక్కడ క్లిక్ చేయండి..
