ఒకే ఓవర్లో 4,4,4,4,4,4.. వామ్మో ఇలా ఉన్నావ్ ఏంది సామీ..!
Big Bash League: బిగ్ బాష్ లీగ్ 11వ లీగ్ మ్యాచ్లో సిడ్నీ సిక్సర్స్ 8 వికెట్ల తేడాతో మెల్బోర్న్ స్టార్స్పై విజయం సాధించింది. జేమ్స్ విన్స్ అద్భుత సెంచరీ సాధించి చివరి వరకు నాటౌట్గా నిలిచాడు. అతని భారీ ఇన్నింగ్స్తో జట్టును గెలిపించాడు. అదే విధంగా బెన్ డకెట్ తన ఇన్నింగ్స్లో వరుసగా 6 ఫోర్లు కొట్టడం పెద్ద విషయం.
Updated on: Dec 26, 2024 | 7:45 PM
సిడ్నీ క్రికెట్ గ్రౌండ్లో జరిగిన బిగ్ బాష్ లీగ్ 11వ మ్యాచ్లో సిడ్నీ సిక్సర్స్ 8 వికెట్ల తేడాతో మెల్బోర్న్ స్టార్స్పై విజయం సాధించింది. 195 పరుగుల భారీ లక్ష్యాన్ని సిడ్నీ జట్టు సాధించడమే పెద్ద విషయమే. తొలిసారిగా సిడ్నీ క్రికెట్ గ్రౌండ్లో టీ20లో ఇంత పెద్ద లక్ష్యాన్ని ఛేదించడం జేమ్స్ విన్స్ వల్లే జరిగింది. ఈ ఇంగ్లిష్ బ్యాట్స్మెన్ సిడ్నీ సిక్సర్స్కు ఓపెనింగ్ ఇచ్చాడు. ఈ ఆటగాడు 58 బంతుల్లో అజేయంగా 101 పరుగులు చేసి జట్టును విజయతీరాలకు చేర్చాడు.
జోష్ ఫిలిప్పితో కలిసి జేమ్స్ విన్స్ జట్టుకు వేగవంతమైన ఆరంభాన్ని అందించాడు. వీరిద్దరూ తొలి వికెట్కు 48 బంతుల్లో 83 పరుగులు జోడించారు. 23 బంతుల్లో 42 పరుగులు చేసి ఫిలిప్పి ఔట్ అయినప్పటికీ విన్స్ వెనకు తగ్గలేదు. ఆ తర్వాత 12 ఫోర్లు, 4 సిక్సర్ల కొట్టి సెంచరీ పూర్తి చేసి జట్టును విజయతీరాలకు చేర్చాడు. జోర్డాన్ సిల్క్ 19 బంతుల్లో అజేయంగా 34 పరుగులు చేయడం ద్వారా జట్టు విజయంలో కీలక పాత్ర పోషించాడు. ఈ టోర్నీలో 74 ఇన్నింగ్స్ల్లో 2088 పరుగులు చేశాడు. ఈ సెంచరీకి ముందు, అతను 10 అర్ధ సెంచరీలు కూడా చేశాడు.
మెల్బోర్న్ స్టార్స్ ఇన్నింగ్స్కి వస్తే.. ఇంగ్లండ్ ఓపెనర్ బెన్ డకెట్ అద్భుత ప్రదర్శన చేశాడు. ఈ ఆటగాడు 29 బంతుల్లో 68 పరుగుల ఇన్నింగ్స్ ఆడాడు. బెన్ డకెట్ తన ఇన్నింగ్స్లో వరుసగా 6 ఫోర్లు కొట్టడం పెద్ద విషయం. డక్ స్ట్రైక్ రేట్ 234.48. మ్యాక్స్వెల్ కూడా 17 బంతుల్లో 32 పరుగులు చేసి ఇన్నింగ్స్ ఆడాడు. ఎలాగోలా జట్టు 20 ఓవర్లలో 194 పరుగులు చేయగలిగింది. ఈ టోర్నీలో ఇప్పటి వరకు ఆడిన మూడు మ్యాచ్ల్లోనూ సిడ్నీ సిక్సర్స్ విజయం సాధించింది. కాగా మెల్బోర్న్ స్టార్స్ ఇప్పటివరకు ఆడిన నాలుగు మ్యాచ్ల్లోనూ ఓడిపోయింది.
మరిన్ని క్రికెట్ వార్తల కోసం ఇక్కడ క్లిక్ చేయండి
